1 SAMUELA 22:13 - Jinghpaw Common Language Bible 2009

¹³ Shawlu gaw shi hpe, “Nang hte Dawi hpa majaw ngai hpe gumlau na maw mawn myit ni? Nang gaw shi a matu Karai Kasang kaw hpa majaw san ya nhtawm lusha nkau mi hte nhtu langai mi jaw kau dat ya n ni? Ya chyawm gaw shi ngai hpe nhtang gumlau kau ni ai hte ngai hpe sat kau lu na ahkaw ahkang ginjang tam let ala nga ai!,” ngu nna tsun wu ai.

Jinghpaw Hanson Version Bible

¹³ Shaloi Shawlu gaw, “Yese a kasha hte nan hpa rai myit hkrum nna ngai hpe gumlau myit ta? Dai ni ndai zawn, ngai hpe gumlau shangun na ngu nna muk hte nhtu jaw dat ai hte, Karai Kasang hpe shi a lam san ya nit hka?” Ngu wu ai.

1 SAMUELA 22:13 ပူးပေါင်းရင်းမြစ်များ

SHAKAWN KUNGDAWN 119:69

Gumrawng gumtawng ai ni nye a lam hpe masu magaw ga ni hte tsun shatan nga ma ti mung; nye a myit masin mahkra hte na a ga matsun ni hpe ngai madat mara hkan sa nga nngai.

AMO LAIKA (AMOS) 7:10

Behtela na hkinjawng Amazia gaw Israela a Hkawhkam Yeroboam hpang de ning ngu shiga shana dat wu ai: “Amo gaw amyu masha ni a lapran e nang hpe gumlau na matu maw mawn nga ai. Shi a tsun shaga ai ga ni gaw mungdan hpe jahten nga ai.

1 SAMUELA 22:12

Shawlu mung Ahimelek hpe, “Ahimelek e, madat u!,” ngu nna tsun wu ai. Shi mung, “Madu e, madat na matu jin jin rai nga nngai,” ngu nna htan wu ai.

1 SAMUELA 22:8

Dai lam a majaw nanhte ngai hpe gumlau na maw mawn nga myit ni? Nye kasha nan Dawi hte jinghku galaw da masai mung, nanhte hta na kadai mung n tsun dan yu myit dai. Nye a matu langai mi mung myit n hkan tsang nang myit dai; nye kasha nan shi hpe n-gun jaw nhtawm ngai hpe sat kau na matu ndai aten hta ahkaw ahkang la mayu nga ai dai nye a masha hta na Dawi a lam, ngai hpe n tsun dan myit dai!,” ngu nna tsun wu ai.