1 SAMUELA 21:8 - Jinghpaw Common Language Bible 2009

⁸ Dawi gaw Ahimelek hpe, “Ngai hpe jaw ya lu na ri nhtu n lu n ni? Hkawhkam wa ndai zawn tin shapun rai ngai hpe pru sa na hkang dat ai majaw nye a nhtu hte kaga laknak ni hpe hta la na aten n lu kau nngai,” ngu nna tsun wu ai.

Jinghpaw Hanson Version Bible

⁸ Bai Dawi gaw Ahimelek hpe, “Nang kaw ri nhtu n nga a ni? Hkawhkam wa a amu nau tin nna, ri nhtu hpa pyi n la lang lu nngai,” ngu wu yang,

1 SAMUELA 21:8 ပူးပေါင်းရင်းမြစ်များ

ESHTA 8:14

Hkawhkam wa a hkang da ai ga hte maren, gumra jawn ai ni gaw hkawhkam hte seng ai gumra ni hta jawn let nachying shachyang nna pru mat wa ma ai. Dai aming gaw mare daju Susa hta mung shana shabra nga ai.

LUKA 10:4

Gumhpraw jan, shing n rai htingpa hte kyepdin re ai ni hkum gun myit, lam e naw rai nga yang, kadai hte mung hkum shachyen myit.

1 SAMUELA 21:7

(Dai shani e Shawlu a yam nga rem agyi, Edom masha Doeg mung dai yang e nga nga ai, hpa majaw nga yang, nawku htung hte seng ai lit hpe shi sa shatup mayu nga ai.)

1 SAMUELA 21:9

Ahimelek chyawm gaw, “Ela Kadit e nang sat kau ai Hpilisti masha Goliat a nhtu lu nngai; dai hpe sumpan hte kayawp nhtawm hpa hkai lawng a shingdu e nga nga ai. Ndai yang e laknak ngu na dai chyu sha nga ai majaw nang ra yang gaw dai hpe la lang u,” ngu nna htan wu ai. Shaloi Dawi gaw, “Kanang e mung dai daram kaja ai nhtu n nga sai, ngai hpe dai nhtu jaw e!,” ngu nna tsun wu ai.

1 SAMUELA 22:22

Dawi gaw shi hpe, “Dai yang e ngai Doeg hpe mu ai shani jang, Shawlu hpe shi teng teng tsun dan na rai wu ai gaw ngai chye da ni ai. Dai rai nna na a jinghku ni yawng a si hkrung si htan mara hpe ngai bai htang na we ai.

1 SAMUELA 22:9

Dai yang e Shawlu a du salang ni hte rau tsap nga ai Doeg gaw shi hpe, “Dawi gaw Noba mare e nga ai Ahitub a kasha Ahimelek kaw sa ai hpe ngai mu nngai.