1 SAMUELA 21:3 - Jinghpaw Common Language Bible 2009

³ Dai rai nna, ya nang hta kaning re ai lusha ni lu tawn n ni? Ngai hpe muk tawng manga shing n rai nang lu da ai hpa rai tim jaw e law,” ngu nna htan wu ai.

Jinghpaw Hanson Version Bible

³ Dai majaw shahpa lama ma n lu n ni? Muk tawng manga dang rai tim, shing n rai, hpa rai tim, naw jaw dat e,” ngu nna hkinjawng Ahimelek hpe tsun wu ai.

1 SAMUELA 21:3 ပူးပေါင်းရင်းမြစ်များ

ESAIA 3:6

Amyu lakying langai gaw shanhte a amyu kaw na marai langai ngai hpe lata la nhtawm shi hpe, “Nang gaw yawm dik bu hpun na lama mi lu nga ndai, dai rai nna ndai zawn ru yak tsin-yam tsindam hkrum ai aten e anhte a ningbaw tai ya mi,” ngu nna tsun ai aten du wa na ra ai.

TARA AGYI 9:29

Ndai masha ni hpe ngai woi awn taw gaw le! Abimelek hpe ngai tsan kau na we ai! Ngai mung shi hpe, ‘Na a hpyen luksuk hpe n-gun shalaw la nhtawm sa gasat rit!,’ ” ngu nna tsun na we ai.

1 SAMUELA 21:2

Dawi gaw, “Hkawhkam wa shangun ai amu a majaw ndai de du sa ai rai nngai. Shi ngai hpe galaw shangun dat ai amu, kadai hpe mung hkum chye shangun nga nna ngai hpe htet dat ai. Ya nye a masha ni hpe chyawm gaw masat da ai shara langai hta ngai hte hkrum ga ngu nna shanhte hpe tsun dan mase ai.

1 SAMUELA 21:4

Dai hkinjawng wa gaw, “Ngai kaw hkrup mara sha mai ai muk hpa mung n lu nngai, chyoi pra ai muk chyawm gaw lu nngai; na a masha ni ndai laman numsha ni hte n kanawn ai rai yang chyawm gaw dai hpe lu la mai nga myit dai,” ngu nna tsun wu ai.