1 SAMUELA 20:5 - Jinghpaw Common Language Bible 2009

⁵ Dawi gaw, “Hpawt ni gaw Shata Praw na Poi nhtoi rai nga ai rai nna, hkawhkam wa hte shat rau sha na zawn ngai nawn da nga nngai. Rai ti mung nang hkraw ai rai yang, hpawt din na de du hkra pa hkan sa makoi nga n-ga.

Jinghpaw Hanson Version Bible

⁵ Bai Dawi Yonahtan hpe, “Hpawt ni shata praw nhtoi rai nga ai rai nna, hkawhkam wa hte shat sha na matu shat ku e n dung n mai rai nngai: rai timung, masum ya shana du hkra nam e naw makoi nga n ga.

1 SAMUELA 20:5 ပူးပေါင်းရင်းမြစ်များ

2 HKAWHKAM 4:23

Shi a madu wa mahtang, “Nang dai ni jang hpa majaw sa ra nga n ta? Bansa Nhtoi mung n rai; Shata Praw na Poi mung n rai,” ngu nna san wu ai. Shi gaw, “Mai na re,” ngu nna htan wu ai.

SHAKAWN KUNGDAWN 55:12

Gumlau hpyen wa ngai hpe mani asawng ai rai yang, ga dai hpe hkam lu na nngai; nye a hpyen wa nye a ntsa e, gumrawng gumtawng nga ai rai yang, shi kaw na ngai makoi mat lu nngai.

SHAKAWN KUNGDAWN 81:3

Shata praw hte shagawng shani e, poi galaw na matu, pahtau dum mu.

GA SHAGAWP 22:3

Chye myit chye mang ai masha ni gaw du wa na ru yak tsin-yam hpe tau mu nna, dai hpe koi yen ti mung; nyan tang ai ni chyawm gaw dai tsin yam kata de shang bang wa nna, hpang e she shut dum na mara ai.

AMO LAIKA (AMOS) 8:5

Nanhte gaw tinang hkum hpe, “Anhte a mam dut lu na matu chyoi pra ai nhtoi ni lai mat wa na anhte la nga ga ai. Bansa Nhtoi htum mat ai shaloi, anhte a arai mari la ai ni hpe n man ai joi jang ni lang nna, dang hpe kaji, joi hpe kaba shangun let manu kaba hte dut la lu na rai nga ga ai.

BU HKAWM 10:10

Kabu gara ai shani ngu ai Shata Praw hta galaw ai Poi ni hte kaga nawku htung hte seng nna galaw ai poi ni hta mung, wan nat hkungga hte mahku hkungga ni hpe nanhte nawng jau ai shaloi mung, dai pahtau ni dum na rai myit dai. Dai shaloi ngai nanhte hpe karum la na made ai. Ngai gaw dai Madu nanhte a Karai Kasang rai nga nngai,” ngu nna tsun wu ai.

BU HKAWM 28:11

Shata shagu a praw shani e, dai Madu hpe wan nat hkungga shatai na ra n rawng ai usu uram lahkawng, sagu la langai, laning mi ladu hkrum sai sagu la kasha sanit ni hpe nawng jau na rai myit dai.

YAWHAN 8:59

Shaloi shanhte gaw shi hpe kabai na nga, lungdin ni hta la ma ai; rai ti mung Yesu gaw makoi let Nawku Htingnu na pru mat wa ai.

KASA 17:14

Shaloi jang Hkristan hpu nau ni gaw Pawlu hpe hka kau de sa kau dat mu ai, Sila yan Timohti chyawm gaw naw hti nga ma ai.

KOLOSE 2:16

Dai re ai majaw, sha hpa, lu hpa hte, shata praw shani hte Bansa Nhtoi a lam kadai mung nanhte a matu tara jahkrat nna n jeyang mu ga.

1 SAMUELA 19:2

shi gaw Dawi hpe, “Nye wa gaw nang hpe sat na maw nga ai; dai rai nna chyeju hte hpawt de du hkra sadi maja let nga nga u; shim ai shara hta makoi nga u.

1 SAMUELA 20:18

Dai hpang, Yonahtan gaw shi hpe, “Hpawt ni gaw Shata Praw Shani a Poi rai nga ai hte maren, dai lusha poi hta nang n shang lawm ai rai yang, nang n nga ai hpe yu matsing na ra ai.

1 SAMUELA 20:19

Hpawt ni din hta jan nna pyi, nang n nga ai lam hpe yu matsing na ra ai rai nna, kaga aten hta nang sa makoi ai shara de sa nhtawm, dai yang e nga ai nlung sumpum shingdu e makoi nga u.

1 SAMUELA 20:24

Dai rai nna, Dawi gaw pa hkan e makoi nga ai; Ya Shata Praw shani na Poi hta Hkawhkam Shawlu gaw shat sha na nga,

1 SAMUELA 20:27

Hpang shani ngu na Shata Praw shani na Poi a hpang shani e, Dawi a shara mahtang naw man nga ai rai nna Shawlu gaw Yonahtan hpe, “Mani mung, dai ni mung, Dawi hpa majaw shat n sa sha a ni?,” ngu nna san wu ai.

1 SAMUELA 20:4

Yonahtan gaw, “Nang myit ra ai hku hpa rai tim, ngai galaw ya na de ai,” ngu nna htan wu ai.

1 SAMUELA 20:6

Na nwa gaw sha ku e ngai n lawm ai hpe dum jang, nye a dinghku ting a matu shaning shagu galaw ai hkungga nawng ya ai aten du ai majaw, Betlehem nta de tin tin gat wa na nga, nang kaw akroi anoi ahkang hpyi se ai lam, shi hpe tsun dan u.