1 SAMUELA 20:42 - Jinghpaw Common Language Bible 2009

⁴² Yonahtan gaw Dawi hpe, “Karai Kasang nang hte rau a nga nga u ga law. Dai Madu gaw nang hte ngai hpe mung na a amyu matu ni hte nye a amyu matu ni hpe mung, an shada a lapran e tawn da sai chyoi pra ai ga sadi hpe htani htana agrin nga shangun nhtawm teng teng shadik shatup shangun nga sanu ga law,” ngu nna tsun wu ai. Dai hpang Dawi pru mat wa nhtawm Yonahtan mung mare de wa mat wa wu ai.

Jinghpaw Hanson Version Bible

⁴² Shaloi Yonahtan Dawi hpe, “Yehowa nang hte nye a lapran e mung, nye a amyu matu ni hte na a amyu matu ni a lapran e mung, tutnawng prat dingsa anga nga u ga, ngu nna Yehowa a amying ningsang hta an lahkawng dagam shaka ai majaw, dai hta tau nna ngwipyaw ai hte hkawm wa sit,” ngu nna dat dat wu ai. Shing rai Dawi rawt sa wa nna, Yonahtan mung mare de shang wa ai.

1 SAMUELA 20:42 ပူးပေါင်းရင်းမြစ်များ

2 SAMUELA 9:1

Lani mi na aten hta, Dawi gaw, “Shawlu a dinghku hta kadai wa naw ngam nga a ta? Ngam nga ai rai yang, Yonahtan a jaw e ngai shi hpe matsan dum ai lam madun dan mayu nga nngai,” ngu nna san wu ai.

BU HKAWM 6:26

Dai Madu gaw nang hpe mada mara nna myi man pa shangun ai hte ngwi pyaw sim sa ai lam jaw ya nga u ga law.

LUKA 7:50

Rai ti mung, Yesu gaw numsha hpe, “Na a kam sham ai gaw nang hpe hkye la nit dai, apyaw sha wa nu,” ngu nna tsun dat wu ai.

KASA 16:36

Shaloi htawng agyi wa, dai ga Pawlu hpe tsun dan wu ai gaw, “Nan hpe dat dat na, mare tara agyi ni hkang dat ma ai majaw, ya angwi apyaw sha pru wa manu!” ngu mu ai.

1 SAMUELA 1:17

Eli gaw, “Ngwi pyaw sim sa ai myit hte wa sanu; ya nang shi kaw hpyi nit dai hte maren, Israela a Karai Kasang gaw nang hpe jaw nit ga law,” ngu nna tsun wu ai.

1 SAMUELA 20:15

nye a dinghku a ntsa e dai zawn re ai sadi dung ai lam htani htana madun dan u law. Dai Madu gaw na a gumlau hpyen ni yawng hpe tsep kawp shamyit kau tim,

1 SAMUELA 20:16

an a lapran tawn da ai ga sadi gaw naw agrin nga u ga law. Dai ga sadi hten mat ai rai yang, dai Madu nang hpe ari jaw u ga law,” ngu nna tsun wu ai.

1 SAMUELA 23:18

Shan lahkawng gaw shada jinghku atai nga na matu chyoi pra ai ga sadi tawn da ma ai. Dawi gaw Horesha e nga nga nna, Yonahtan mung nta de wa mat wa wu ai.

1 SAMUELA 25:35

Dai hpang, Dawi gaw shi a matu la sa ya ai kumhpa ni hpe hkap la nhtawm, “Nta de nhtang wa su; hpa mung hkum myit tsang nga sa. Nang ra ai lam ngai galaw ya na de ai,” ngu nna tsun wu ai.