1 SAMUELA 20:41 - Jinghpaw Common Language Bible 2009

⁴¹ Dai ma pru mat wa ai hpang, Dawi gaw nlung sumpum a shingdu kaw nna rawt pru wa nhtawm ga de hput di di let masum lang gum dagup wu ai. Shi hte Yonahtan mahtang shan shada da pup let hkrap nga ma ai; Dawi mahtang Yonahtan hta grau nna yawn nga ai.

Jinghpaw Hanson Version Bible

⁴¹ Ma dai wa mat ai hpang, Dawi gaw dingda maga de na pru nna, ga e gum dagup let, masum lang du hkra dagup nna, shada pup let, hkrap let, Dawi mahtang grau nna hkrap lai wu ai.

1 SAMUELA 20:41 ပူးပေါင်းရင်းမြစ်များ

NINGPAWT NINGHPANG 29:11

Dai hpang Yaku gaw shi hpe pup nhtawm kabu gara jahtau wu ai.

NINGPAWT NINGHPANG 29:13

Laban mung shi a kahkri Yaku a lam hpe na jang, shi hpe tau la na nga, gat sa wa nna shi hpe ahpum pup let nta de woi wa wu ai. Yaku mung byin mabyin mahkra Laban hpe tsun dan wu ai.

NINGPAWT NINGHPANG 33:4

Rai ti mung, Esaw mahtang shi hte hkrum lu hkra gat sa wa nna, shi hpe ahpum da let pup wu ai. Shan nau lahkawng yan hkrap ma ai.

NINGPAWT NINGHPANG 42:6

Egutu mung a mungdu Yosep gaw mungkan shara shagu na du sa ai masha ni hpe nai mam ni dut ya nga wu ai. Yosep a kahpu ni du sa nhtawm shi man e ga du hkra dingnyawm dagup nga ma ai.

NINGPAWT NINGHPANG 43:28

Shanhte mung, “Nang hpe hkungga ai shangun ma, anhte a kawa gaw naw hkrung nga nna hkam kaja nga ai,” ngu nna htan let shi a man e hput di nhtawm gum dagup ma ai.

NINGPAWT NINGHPANG 45:15

Dai hpang shi a kahpu ni langai hte langai hpe ahpum pup let naw hkrap nga wu ai. Dai hpang she, shi a kahpu kanau ni shi hte ga shaga hpang wa ma ai.

2 SAMUELA 1:2

Hpang shani e, shabrang langai mi gaw Shawlu a dap kaw na du wa nhtawm shi a bu hpun palawng ni gang je kau let shi a baw ntsa e ga nhpu hte bun nna yawn hkyen ai lam madun dan nga wu ai. Shaloi Dawi hpang de shi sa nna ga de dingnyawm dagup let hkungga jaw wu ai.

2 SAMUELA 1:26

“Ngai hpu Yonahtan e, na a majaw ngai yawn nga nngai; Nang gaw ngai hpe kade sha tsaw ra nga nit hka! Nang ngai hpe tsaw ra ai gaw kade sha mauhpa rai nga a hka! Dai gaw numsha ni a tsaw ra myit hta pyi grau nga a hka!

2 SAMUELA 14:4

Dai numsha mung hkawhkam wa kaw shang nna ga de dingnyawm dagup let hkungga jaw nna, “Nye a hkawhkam wa e, ngai hpe karum la e law!,” ngu nna tsun wu ai.

2 SAMUELA 19:39

Dai hpang Dawi hte shi a masha ni yawng Yawdan hka rap mat wa ma ai. Shi gaw Barazilai hpe pup nhtawm shaman da ya wu ai; shing rai Barazilai mung nta de wa mat wa wu ai.

2 SAMUELA 9:6

Shawlu a kashu, Yonahtan a kasha Mehpiboshet du jang, Dawi a man e shi gum dagup let hkungga jaw wu ai. Dawi gaw, “Mehpiboshet,” ngu nna tsun wu yang, shi mung, “Madu e, ngai na a shangun ma rai nga nngai,” ngu nna htan wu ai.

1 HKAWHKAM 1:16

Batsheba gaw hkawhkam wa a man e gum dagup wu yang, hkawhkam wa mahtang, “Nang hpa ra n ta?,” ngu nna san wu ai.

1 HKAWHKAM 1:23

Myihtoi wa dai yang e du nga sai lam hkawhkam wa hpe sa tsun dan mu ai. Shaloi Nahtan shang wa nna hkawhkam wa a man e myi man gum dagup nga ai.

1 HKAWHKAM 1:31

Shaloi Batsheba gaw myi man gum let, “Nye a madu hkawhkam wa gaw htani htana ahkrung nga nu ga law!,” ngu nna tsun wu ai.

KASA 20:37

Shanhte nlang ja ja hkrap ai hte Pawlu a du hta noi ahpum nna shi hpe pup let shakram dat mu ai.

1 SAMUELA 10:1

Dai hpang Samuela gaw tsanlun sau rawng ai di bu langai la nna Shawlu a baw ntsa e ru jaw nna shi hpe pup let, “Shi a amyu masha Israela hpe up hkang ai du tai na matu, dai Madu gaw nang hpe namman jaw ya nga ai. Dai rai nna shi a amyu masha ni hpe nang up hkang nna shanhte a gumlau hpyen ni yawng a lata kaw nna mung shanhte hpe makawp maga ya na rai ndai. Ndai gaw dai Madu nang hpe lata la nna shi a amyu masha ni hpe up hkang na du tai na matu nang hpe madun ai sakse rai nga ai.

1 SAMUELA 18:3

Yonahtan gaw Dawi hpe grai tsaw ra wu ai majaw shi hte htani htana myit hkrum manang tai nga u ga nga, dagam da wu ai.

1 SAMUELA 20:40

Dai hpang Yonahtan gaw dai ma hpe shi a ndan pala ni hpe ap dat nna, mare de la wa na matu tsun dat wu ai.

1 SAMUELA 24:9

“Ngai mahtang nang hpe machyi hkra mat hkra shakut nga nngai, ngu nna masha ni tsun kajai nga ai hpe nang hpa majaw madat kau n ni?

1 SAMUELA 25:23

Abigala gaw Dawi hpe mu ai shaloi, lawze kaw na tin tin yu nhtawm Dawi a lagaw nhpang e dingnyawm dagup ai hte