1 SAMUELA 20:31 - Jinghpaw Common Language Bible 2009

³¹ Dawi hkrung nga dingsa ndai mungdan hta hkawhkam galoi mung byin na n rai nga ndai hpe nang n myit dum nga sani? Ya sa nna ndai yang e shi hpe woi tawn mu-shi si lu na rai nga ai,” ngu nna tsun wu ai.

Jinghpaw Hanson Version Bible

³¹ Yese a kasha hkrung nga dingsa, nang hte na a mungdan grin lu na n rai. Ya alawan shangun nna shaga la su; shi teng teng si lu na re ai,” ngu wu ai.

1 SAMUELA 20:31 ပူးပေါင်းရင်းမြစ်များ

2 SAMUELA 12:5

Dawi gaw dai sut su ai wa hpe masin grai pawt wu ai rai nna, “Dai zawn re ai masha wa gaw si ging nga ai!,” ngu nna ahkrung nga ai dai Madu hta ngai dagam nngai.

2 SAMUELA 19:28

Nye wa a dinghku masha ni yawng mung madu hkawhkam a lata hte si ging mat ai ni hkrai rai nga ga ai; rai ti mung nang chyawm gaw na a sha ku e shat lusha sha na ahkang ngai hpe jaw ya nit dai. Dai re ai majaw madu hkawhkam kaw na myi man pa ai amu kaga naw hpyi la na ahkang hpa mung n nga sali ai,” ngu nna htan wu ai.

SHAKAWN KUNGDAWN 79:11

Bawng dung masha ni a madai ai nsen ni hpe madat ya u; si ari daw dan hkrum nga ai ni hpe, na a kaba la ai daru magam n-gun hte shalawt dat u.

1 SAMUELA 19:6

Yonahtan tsun ai ga a majaw Shawlu myit hkawn wa nhtawm, Dawi si lu na wu ai n rai, ngu nna dai Madu a mying ningsang hta dagam shaka da wu ai.

1 SAMUELA 20:30

Shawlu gaw Yonahtan hpe masin pawt bu let shi hpe, “Gumlau ai hte sadi n dung ai na nnu gaw gara hku rai wa sata? Nang hkum nan hte na nnu kaya hkrum hkra Dawi a maga de nang tsap nga ndai gaw ya ngai chye ni ai!

1 SAMUELA 20:8

Chyeju hte ngai hpe matsan dum la e law; nang ngai hpe jaw ai dai chyoi pra ai ga sadi hpe shatup nga u law; rai ti mung ngai mara lu ai wa rai n yang gaw nang nan ngai hpe sat kau rit! Ngai hpe sat kau na she rai yang, hpa majaw na nwa kaw naw woi wa ra na rai ta?,” ngu nna tsun htang wu ai.

1 SAMUELA 23:17

shi hpe, “Hkum hkrit nga et. Nye a kawa Shawlu nang hpe machyi shangun lu na n rai wu ai. Nang gaw Israela a hkawhkam tai wa na lam hpe mung, ngai mung na a lawu na aya hpe hkam la lu na lam hpe mung, shi atsawm sha chye da nga ai.”

1 SAMUELA 26:16

Abna e, na a lit hprai kau nga nit dai! Dai Madu hkawhkam shatai da sai na a madu hpe nang atsawm sha n makawp n maga nga ndai majaw, nanhte yawng si ging nga manit dai, ngu ahkrung nga ai dai Madu hta ngai dagam da se ai. Yu mu! Hkawhkam wa a nri kanang e rai nga sata? Shi a baw nhtung makau e tawn da ai ntsin namtau kanang e rai nga sata?,” ngu nna htan wu ai.