1 SAMUELA 20:30 - Jinghpaw Common Language Bible 2009

³⁰ Shawlu gaw Yonahtan hpe masin pawt bu let shi hpe, “Gumlau ai hte sadi n dung ai na nnu gaw gara hku rai wa sata? Nang hkum nan hte na nnu kaya hkrum hkra Dawi a maga de nang tsap nga ndai gaw ya ngai chye ni ai!

Jinghpaw Hanson Version Bible

³⁰ Shaloi Shawlu gaw Yonahtan hpe pawt bu nna, “Myit magaw ai, gumlau num a kasha e, nang hkum nan hte na nnu kaya hkrum hkra, Yese a kasha hpe nang maga nga ai gaw, ngai n chye ai, sawn nawn wu ni?

1 SAMUELA 20:30 ပူးပေါင်းရင်းမြစ်များ

YOBA 5:2

Nang hkrai si hkra myit ru myit tsang nga ai gaw angawk shangun ai hte htauli htaula myit n rawng ai sha amu galaw ai lam rai nga ai.

GA SHAGAWP 14:29

Nang atsin sha nga ai rai yang, nang hpaji rawng nga ndai; rai ti mung, nang masin kahtet nga ai rai yang, nang gade angawk ai lam hpe chyu sha, nang madun nga ndai.

GA SHAGAWP 15:2

Hpaji rawng ai ni tsun shaga yang, machye machyang hpaji hpe ningja shapraw ya nga ai; angawk ai masha ni chyawm gaw lachyum n pru ai ga hpe tsun shapraw nga ma ai.

GA SHAGAWP 19:12

Hkawhkam wa a masin kahtet ai gaw hkanghkyi shabam ai zawn rai nga ai; shi a chyeju myit gaw marang nhpaw hte bung nga ai.

GA SHAGAWP 19:19

Marai langai ngai myit kahtet ai rai yang, de a akyu hpe shi hkam la na ra ai; Nang shi hpe ru yak shoihpa kata kaw nna kalang mi shapraw la ai rai yang, nang dai hpe kalang mi bai kahtap galaw ra na ndai.

GA SHAGAWP 21:24

Rai dum ai masha langai mi, ngai hpe madun dan e, shaloi ngai nang hpe myit tsaw myit dap gumrawng gumtawng ai hte myit n chye tau ai wa hpe madun dan na nngai.

GA SHAGAWP 25:28

Na a sindawng hpe nang n hkang lu yang nang gaw hpyen ni hpe n shingdang da lu ai bunghku n kum da ai mare zawn rai nga ndai.

GA SHAGAWP 27:3

Nlung gaw li nga ai, zaibru gaw nak nga ai; rai tim angawk ai wa e shabyin ai ru tsang gaw dai yan hta grau li nga ai.

MAHTE 5:22

Rai ti mung, ya ngai nanhte hpe tsun made ga, tinang a kahpu kanau wa hpe masin pawt ai wa kadai rai ti mung jeyang ai hkrum na ra ai, tinang a kahpu kanau wa hpe, ‘Nang hpa akyu n rawng ai masha rai ndai!’ (Raka, Raca!), nga ai wa gaw, dai kongsi hpawng a daw dan ai hte ging dan nga ai; bai tinang a kahpu kanau wa hpe, ‘mana ndai’ nga ai wa gaw, ngarai wan hte ging dan nga ai.

EHPESU 4:31

Dai majaw myit machyi ai, sindawng kahtet ai, masin pawt ai, marawn ahkre ai, n kaw n law di ai, n ju n dawng ai myit amyu myu hte kaga dai hte bung ai lam ni yawng mayawng hpe yeng seng kau mu.

EHPESU 6:4

Nanhte mung Nu wa ni e, nanhte a kasha ni hpe masin pawt na hku hkum galaw mu. Shing rai na malai shanhte hpe dai madu a daru sharin lam hte matsun madun ai hta bau maka nga mu.

1 SAMUELA 20:29

Shing rai shi gaw, ‘Nye a dinghku masha ni dai mare hta shagu hkungga nawng jau ya ai poi galaw nga ma ai majaw mung, dai shara de wa na matu nye a kahpu htet dat ai a majaw mung, nang nan nye a manang rai nga ndai gaw, nye a jinghku ni hpe wa hkrum shangun na, chyeju hte ngai hpe wa shangun e law,’ nga nna tsun ai a majaw, shi ndai sha ku na shi a shara hta n du lu ai rai nga ai,” ngu nna htan wu ai.

1 SAMUELA 20:31

Dawi hkrung nga dingsa ndai mungdan hta hkawhkam galoi mung byin na n rai nga ndai hpe nang n myit dum nga sani? Ya sa nna ndai yang e shi hpe woi tawn mu-shi si lu na rai nga ai,” ngu nna tsun wu ai.