1 SAMUELA 20:3 - Jinghpaw Common Language Bible 2009

³ Rai ti mung, Dawi mahtang, “Nang ngai hpe kade wa tsaw ra nga ndai gaw na nwa atsawm sha chye nga ai rai nna, nang hpe lai hkra n machyi shangun mayu ai majaw, shi kaning rai maw mawn na lam nang hpe n chye shangun mayu ai hku, shi daw dan da nga ai. Ngai gaw si hkrung si htan a lata kaw na lawt na lahkam mi dang sha rai nga sali ai ngu nna ahkrung nga ai dai Madu hta nang hpe dagam nngai,” ngu nna htan wu ai.

Jinghpaw Hanson Version Bible

³ Dawi gaw, “Ngai na a jinghku rai nga ai, na nwa chye da wu ai majaw, Yonahtan yawn na hpe tsang ai, ndai amu hkum chye shangun mu, nga nna shi tsun da nu ai. Gaja wa, Yehowa ahkrung nga ai hte, nang mung hkrung nga ndai hte maren, ngai hte si hkrung si htan a lapran gaw, kalang htawt sha rai sali ai,” ngu nna dagam ai hte tsun wu ai.

1 SAMUELA 20:3 ပူးပေါင်းရင်းမြစ်များ

2 SAMUELA 15:21

Rai ti mung Itai mahtang, “Madu hkawhkam e, nang du hkawm ai shara shagu hkan si hkrung si htan amu hte hkrup kadup wa tim pyi, nang hte rau tut nawng n daw n hka ai sha hkawm sa na nngai, ngu dai Madu a mying ningsang hta ngai nang hpe dagam nngai law,” ngu nna htan wu ai.

2 HKAWHKAM 2:2

hkrun lam e hkawm nga yang, Elia gaw Elisha hpe, “Ya nang e naw hkring nga u; dai Madu ngai hpe Behtela mare de sa wa na matu hkang da nga sai,” ngu nna tsun wu ai. Rai ti mung Elisha mahtang, “Ngai nang hpe n kau da na nngai gaw ahkrung nga ai dai Madu hta ngai sadi dung nga nngai hte maren, nang hpe dagam nngai,” ngu nna htan wu ai. Dai rai nna shan lahkawng Behtela mare de matut sa mat wa ma ai.

2 HKAWHKAM 2:4

Elia gaw Elisha hpe, “Ya ndai yang e nga nga u; Yerihko mare de sa wa na matu dai Madu ngai hpe hkang dat wu ai,” ngu nna tsun wu ai. Rai ti mung Elisha gaw, “Ahkrung nga ai dai Madu hte nang hpe ngai dagam nngai hte maren, ngai nang hpe n kau da na nngai,” ngu nna htan wu ai. Shing rai shan lahkawng gaw Yerihko mare de sa mat wa ma ai.

2 HKAWHKAM 2:6

Dai hpang Elia gaw Elisha hpe, “Ya nang e naw hkring nga u: dai Madu gaw ngai hpe Yawdan hka de sa wa na matu hkang da ni ai,” ngu nna tsun wu ai. Rai ti mung Elisha chyawm gaw ngai nang hpe n kau da na ngu ngai gaw ahkrung nga ai dai Madu hte nang hta sadi dung nga nngai hte maren dagam nngai,” ngu nna htan wu ai. Shing rai shanhte matut hkawm mat wa yang,

SHAKAWN KUNGDAWN 116:3

Si du a sumgawn gaw ngai hpe htinggrum da nna; katsan ga na ru tsang ni, ngai hpe wang shinggrup da nga sai. Shing rai, ngai gaw hkrit ai hte nchyi nmu myit kahtet nga li ai.

YEREMIA 38:16

Hkawhkam Zedekia gaw ngai hpe, “Anhte hpe asak jaw ya ai Karai Kasang, dai ahkrung nga ai Karai Kasang hta ngai dagam nngai. Ngai gaw nang hpe sat kau na n rai; nang hpe sat kau na matu tam nga ai masha ni a lata de mung ap ya na n rai,” ngu nna mayun ga sadi jaw da wu ai.

YEREMIA 4:2

dai gaw nye a mying gang let dagam ai gaw, na a matu ding man ai amu tai na ra ai. Masha amyu baw ni yawng mung shanhte hpe shaman ya na matu ngai kaw hpyi na mara ai, shanhte gaw ngai hpe shakawn kungdawn na mara ai,” ngu nna tsun ai.

TARA JAHPRANG 28:66

Nanhte a asak hkrun lam gaw tut nawng hkrit tsang shara tai nhtawm shani shana hkrit gari ai hte hpring nna si hkrung si htan lam hta ahkawm nga na rai myit dai.

TARA JAHPRANG 6:13

Dai Madu nanhte a Karai Kasang hpe shagrau sha-a nna shi hpe chyu sha nawku nhtawm shi a mying ningsang hta sha nanhte a ga sadi ni hpe tawn da lu na rai myit dai.

HEBRE 6:16

Masha gaw dagam ai ga tsun ai shaloi tinang hta grau kaba ai wa langai ngai a mying gang nna dagam ga ma ai hte shanhte a ndang kalang hkat ai lam yawng hpe dai dagam ai ga hte shagrin shangut kau lu ma ai.

1 SAMUELA 1:26

Hana gaw shi hpe, “Madu e, ngai hpe mara hkum shagun e, nang ngai hpe dum ai n rai ni? Dai Madu hpe akyu hpyi na ngu, ndai yang e ngai tsap nga yang, nang mu ai numsha rai nga nngai.

1 SAMUELA 17:55

Dawi gaw Goliat hpe gasat na nga sa wa ai hpe Shawlu mu jang, shi a hpyen dap hpe up hkang ai Abna hpe, “Abna e, shi gaw kade a kasha rai nga a ta?,” ngu nna san wu ai. Shaloi Abna gaw, “Madu hkawhkam e, “Ngai n chye myit lu nngai,” ngu nna htan wu ai.

1 SAMUELA 20:2

Yonahtan chyawm gaw, “Karai Kasang gaw nang si na hpe n hkraw nga ai! Nye wa gaw shi galaw ai amu ahkyak ai rai ti mung, n ahkyak ai rai ti mung, dai amu ni hpe ngai n chye hkra ip da nhtawm lam magup hpe shi galaw wu ai n rai. Dai gaw n teng nga ai!,” ngu nna htan wu ai.

1 SAMUELA 20:4

Yonahtan gaw, “Nang myit ra ai hku hpa rai tim, ngai galaw ya na de ai,” ngu nna htan wu ai.

1 SAMUELA 25:26

Na a gumlau hpyen ni hpe sat na hte matai htang mayu nga ai kaw na, dai Madu nang hpe hkum da nga nit dai majaw, na a gumlau hpyen ni hte nang hpe machyi shangun mayu ai ni yawng gaw Nabala zawn ari jaw ai hkrum nga mu ga, ngu nna ahkrung nga ai dai Madu hta ngai dagam da nga nngai.

1 SAMUELA 27:1

Dawi gaw, “Lani mi na nhtoi langai ngai hta Shawlu ngai hpe sat kau na ra ai. Dai re ai majaw Hpilisti mung de hprawng shang mat wa ai gaw nye a matu kaja htum ai lam rai na sai. Shaloi Shawlu gaw Israela mung e ngai hpe tam shakut hkawm ai hpe jahkring kau ai hte ngai mung shim nga lu na rai nngai,” ngu nna shi kraw e sumru wu ai.