1 SAMUELA 20:2 - Jinghpaw Common Language Bible 2009

² Yonahtan chyawm gaw, “Karai Kasang gaw nang si na hpe n hkraw nga ai! Nye wa gaw shi galaw ai amu ahkyak ai rai ti mung, n ahkyak ai rai ti mung, dai amu ni hpe ngai n chye hkra ip da nhtawm lam magup hpe shi galaw wu ai n rai. Dai gaw n teng nga ai!,” ngu nna htan wu ai.

Jinghpaw Hanson Version Bible

² Yonahtan chyawm gaw, “Dai gaw n rai u ga; nang si lu na n rai: yu u, wa gaw ngai hpe n tsun ai amu kaji kaba hpa mung n galaw yu ai; dai lam teng yang gaw, ngai n chye hkra, hpa majaw ip da na a ta? dai gaw teng ai n rai,” ngu wu ai.

1 SAMUELA 20:2 ပူးပေါင်းရင်းမြစ်များ

NINGPAWT NINGHPANG 44:7

Shanhte gaw, “Madu e, dai zawn nga nna tsun mi ai gaw kaning ngu mayu nga ndai kun? Dai zawn re ai amu anhte n galaw shut yu ga ai hpe dagam lu ga ai.

SHAKAWN KUNGDAWN 40:6

Nang gaw shagu hkungga ni hte wan nat hkungga ni hpe n sharawng nga ndai; tawn hkungri ntsa e, hkum ting nat nawng ai hkungga ni hte, yubak mara raw dat kau na matu nawng jau ai hkungga ni hpe, nang n hpyi nga ndai. Shing rai nawng jau ya na malai, nang tsun ai lam hpe na la na matu, nang gaw ngai hpe na lashing hpaw ya nit dai,

GA SHAGAWP 29:24

Lagut wa a manang tai ai wa gaw tinang hkum a n kaja dik ai hpyen rai nga ai. Tara rung e, teng man ai sakse ga tsun yang, ari jaw ai hkrum na rai nna, n teng ai hku tsun yang mung, Karai Kasang dagam ai hkrum na ra ai.

ESAIA 50:5

Dai Madu gaw ngai hpe chye na hkawn hkrang ai nyan jaw ya ni ai majaw, ngai shi hpe gumlau ai n rai, shi kaw na kayin mat wa nngai n rai.

LUKA 20:16

“Shi sa nna dai sun galaw ai ni hpe sat kau nhtawm, dai sun hpe masha kaga a lata de bai htawt shap ya na ru ai,” ngu mu ai. Dai ga na ai ni gaw, “Dai hku n rai u ga,” nga ma ai.

YAWHAN 15:15

Ya kaw nna ngai nanhte hpe mayam n ngu na ni ai; hpa majaw nga yang, mayam gaw madu galaw nga ai amu hpe n chye wu ai; nanhte hpe jinghku she ngai ngu na made ai, hpa majaw nga yang, nye Wa kaw na ngai na la ai hte yawng, ngai nanhte hpe tsun dan ma sade ai.

YAWHAN 17:8

Nang ngai e jaw dat ai mungga hpe, ngai shanhte hpe jaw mawe ai rai nna shanhte mung dai hpe hkap la masai. Nang kaw na ngai du sa ai gaw teng nga ai hpe shanhte chye ma ai hte nang ngai hpe shangun dat ndai hpe mung, kam sham ma ai.

YAWSHU 22:29

Wan nat hkungga, shadung hkungga hte shagu hkungga ni nawng jau na tawn hkungri galaw let dai Madu hpe anhte teng teng gumlau na ga ai n rai. Shi a hpung shingkang shanu nga ai Sum a man e dai Madu anhte a Karai Kasang a tawn hkungri hta kaga hkungri shaje anhte galaw na ga ai n rai,” ngu nna htan mu ai.

YAWSHU 24:16

Amyu masha ni gaw, “Anhte gaw dai Madu hpe kau da nna kaga hpara ni hpe galoi mung n daw jau na ga ai!

1 SAMUELA 14:45

Rai ti mung, amyu masha ni chyawm gaw Shawlu hpe, “Israela a matu nde wa kaba la ai awng padang ninglaw jaw ya ai Yonahtan gaw si lu na rai wu ni? Dai hku n rai u ga, shi a baw hta na kara singgawng mi mung mat lu na n rai nga ai gaw ahkrung nga ai dai Madu hta anhte ga sadi tawn ga ai. Dai ni shi galaw ai amu gaw Karai Kasang karum la ai hte sha galaw kau lu nu ai re,” ngu nna tsun ma ai. Dai rai nna amyu masha ni gaw Yonahtan hpe si na kaw na hkrang la nga ma ai.

1 SAMUELA 20:1

Dawi gaw Rama ginwang Nayut mare kaw nna hprawng mat wa nhtawm Yonahtan hpang de wa wu ai. Shi gaw, “Ngai hpa galaw shut kau sata? Ngai gaw kaning re ai ru hka amu galaw shut kau sata? Shi ngai hpe sat kau mayu hkra na nwa hpe ngai hpa galaw shut kau sata?,” ngu nna san wu ai.

1 SAMUELA 20:12

Yonahtan gaw Dawi hpe, “Dai Madu Israela a Karai Kasang gaw an a sakse tai nga u ga! Hpawt ni hpawt din, ndai aten e, nye wa hpe ngai naw san yu na we ai. Na a ntsa tawn da ai shi a myit masa kaja ai rai yang, ngai nang hpe ga shana dat na nngai.

1 SAMUELA 20:3

Rai ti mung, Dawi mahtang, “Nang ngai hpe kade wa tsaw ra nga ndai gaw na nwa atsawm sha chye nga ai rai nna, nang hpe lai hkra n machyi shangun mayu ai majaw, shi kaning rai maw mawn na lam nang hpe n chye shangun mayu ai hku, shi daw dan da nga ai. Ngai gaw si hkrung si htan a lata kaw na lawt na lahkam mi dang sha rai nga sali ai ngu nna ahkrung nga ai dai Madu hta nang hpe dagam nngai,” ngu nna htan wu ai.

1 SAMUELA 9:15

Ya, Shawlu garai n du ai shawng shani sha, dai Madu gaw Samuela hpe,