1 SAMUELA 20:14 - Jinghpaw Common Language Bible 2009

¹⁴ Ngai naw ahkrung nga yang, chyeju hte an a chyoi pra ai ga sadi hpe shatup nna, ngai hta sadi dung nga u; rai ti mung ngai si mat ai rai yang,

Jinghpaw Hanson Version Bible

¹⁴ Ngai naw hkrung nga yang sha, Yehowa myit ra ai hku hte maren, ngai hpe jahkrung da na chyeju lam madun lu na hta n-ga,

1 SAMUELA 20:14 ပူးပေါင်းရင်းမြစ်များ

NINGPAWT NINGHPANG 40:14

Rai ti mung, lam shagu hta nang ngamu ngamai wa ndai shaloi, chyeju hte ngai hpe dum nga e; hkawhkam wa a man e nye a lam tsun dan lu nit ga, chyeju hte ngai hpe matsan dum la e. Ndai htawng kaw nna pru lu na mung, ngai hpe karum la e.

2 SAMUELA 9:1

Lani mi na aten hta, Dawi gaw, “Shawlu a dinghku hta kadai wa naw ngam nga a ta? Ngam nga ai rai yang, Yonahtan a jaw e ngai shi hpe matsan dum ai lam madun dan mayu nga nngai,” ngu nna san wu ai.

2 SAMUELA 9:3

Hkawhkam wa gaw shi hpe, “Ngai galaw na we ai ngu nna Karai Kasang hpe ga sadi jaw da ni ai hte maren, sadi sahka hte matsan dum ai lam ngai madun lu we ga, Shawlu a dinghku hta marai langai ngai naw ngam nga a ni?,” ngu nna san wu ai. Ziba gaw, “Yonahtan a kasha ni hta na langai mi naw nga ai. Shi gaw lagaw hten nga ai,” ngu nna htan wu ai.

1 SAMUELA 20:13

Shi nang hpe machyi hkra shangun mayu ai hku myit tawn ai rai yang mung, dai lam a majaw ngai nang hpe n chye shangun ai hte shim ai hku n hprawng shangun lu ai rai yang, dai Madu ngai hpe si hkra adup u ga law. Dai Madu gaw nye wa hte rau nga yu nu ai zawn nang hte mung rau anga nga u ga law!

1 SAMUELA 20:15

nye a dinghku a ntsa e dai zawn re ai sadi dung ai lam htani htana madun dan u law. Dai Madu gaw na a gumlau hpyen ni yawng hpe tsep kawp shamyit kau tim,

1 SAMUELA 20:23

Ya an shada da a lapran tawn da sai ga sadi hte maren, dai hpe an htani htana shatup lu u ga, dai Madu teng teng shagrin ya nga u ga,” ngu nna tsun wu ai.

1 SAMUELA 24:21

Rai ti mung, nye a mying hpe mung, nye a dinghku masha ni a lakung lama mying ni hpe mung tsep kawp n malap kau hkrum u ga, nye a amyu matu mara ni hpe naw shangam da ya na, dai Madu a mying ningsang hta ngai hpe ga sadi jaw e law,” ngu nna tsun wu ai.