1 SAMUELA 20:13 - Jinghpaw Common Language Bible 2009

¹³ Shi nang hpe machyi hkra shangun mayu ai hku myit tawn ai rai yang mung, dai lam a majaw ngai nang hpe n chye shangun ai hte shim ai hku n hprawng shangun lu ai rai yang, dai Madu ngai hpe si hkra adup u ga law. Dai Madu gaw nye wa hte rau nga yu nu ai zawn nang hte mung rau anga nga u ga law!

Jinghpaw Hanson Version Bible

¹³ Dai n rai, nye wa nang hpe n hkru ai hku maw ai lam, ngai nang hpe n shana, ngwipyaw ai hte nang hkawm wa lu hkra, nang hpe n dat dat de yang gaw, Yehowa Yonahtan hpe dai hta grau nna dawp u ga: Yehowa nye wa hta nga nga yu sai hte maren, nang hta mung nga nga u ga law.

1 SAMUELA 20:13 ပူးပေါင်းရင်းမြစ်များ

2 SAMUELA 19:13

Dawi gaw Amasa hpe mung sa tsun dan na matu shan hpe, “Nang gaw nye a amyu hpu nau wa rai nga ndai. Dai re ai majaw ya kaw nna Yoab a shara hta hpyen luksuk a du aya hta ngai nang hpe tawn da nga nngai. Dai hku ngai n shatai lu ai rai yang mung, Karai Kasang gaw ngai hpe si hkra adup nu ga law!,” ngu nna tsun dat wu ai.

2 SAMUELA 3:35

Amyu masha ni gaw Dawi hpe lama ma sha na matu, shani tup shagwi shakut ma ai, rai ti mung shi gaw, “Jan garai n shang yang, lama ma ngai sha kau hkrup ai rai yang, Karai Kasang ngai hpe adup sat kau u ga!,” ngu nna dagam shaka wu ai.

2 SAMUELA 7:15

Nang hkawhkam tai lu hkra, Shawlu a lata kaw na ngai seng kau ai zawn shi hpe karum madi shadaw ai lam ngai dawm kau ya na we ai n rai.

1 HKAWHKAM 1:37

Dai Madu gaw madu hkawhkam hte rau nga nga ai zawn Shawlumon hte mung shi rau nga nga nna, Shawlumon a up hkang ai gaw na a hkaw dung ai hta grau nna pyi galu kaba ngamu ngamai shangun u ga law,” ngu nna htan wu ai.

1 HKAWHKAM 19:2

Shi gaw Elia hpang de ning ngu shiga shana dat wu ai: “Hpawt de ndai aten e, myihtoi ni hpe nang galaw kau dat nit dai hte maren, nang hpe ngai n galaw ai rai yang, karai ni ngai hpe si hkra adup mi ga law.”

1 HKAWHKAM 20:10

Benhadad kaw nna nhtang wa mu ai: “Ndai na a mare hpe jahten sharun kau nna shanhte a lata ni hte wut shingyun ni hpe hpai mat wa lu hkra law ram ai masha ni hpe ngai woi sa wa na nngai. Dai zawn ngai n galaw lu ai rai yang karai ni ngai hpe si hkra adup mi ga law!”

1 HKAWHKAM LABAU 22:11

Dawi gaw, “Ya chyawm gaw sha e, dai Madu na a Karai Kasang gaw nang hte rau rai nga u ga, shi a matu nang hpe awng dang hkra galaw shangun ai Nawku Htingnu hte seng ai shi a ga sadi hpe shi shadik shatup ya nu ga law.

1 HKAWHKAM LABAU 22:16

aja, gumhpraw, magri mang hte hpri ni hte amyu baw shagu hpe lata hte chye galaw ai masha ni mung alaw alam wa rai nga ai. Ya jang amu galaw hpang sanu. Dai Madu gaw nang hte rau rai nga u ga law,” ngu nna matut tsun wu ai.

MAHTE 28:20

ngai nanhte hpe hkang da mada yawng hte hpe hkan shadik lu mu ga, shanhte hpe sharin shaga ya mu: dai hta kaga, lamu ga aprat htum hkra ngai nanhte hte rau dinggrin anga nga na nngai law,” ngu nna shanhte hpe matsun dat mu ai.

HPILIPI 4:9

Nye a ga ni hte galaw shamu shamawt ai lam ni hpe mu yu, na yu nna sharin la ai hte hkap la hkan galaw nga mu; shaloi ngwi pyaw ai a npawt Karai Kasang gaw nanhte hte rau anga nga na ra ai.

YAWSHU 1:5

Yawshu e, nang ahkrung nga dingsa kadai mung nang hpe dang lu na ma ai n rai; ngai gaw Mawshe hte rau nga lai wa ai zawn nang hte mung rau nga nga na nngai. Ngai gaw nang hte tut nawng rau anga nga na nngai; ngai nang hpe galoi mung kau da na nngai n rai.

RUHTA 1:17

Nang si ai shara hta ngai si na nngai, dai yang e ngai mung makoi mayang hkam na nngai. Nang hte ngai si hka ai sha n rai yang, kaga lam hku nna hka wa ai rai yang mung dai Madu a sawng htum ai ari nye a ntsa de du wa u ga!,” ngu nna htan wu ai.

1 SAMUELA 10:7

Ndai amu ni byin jang, Karai Kasang nang hpe woi galaw ai lam hpa mi rai tim hkan galaw nga u.

1 SAMUELA 14:47

Shawlu gaw Israela hkawhkam tai ai hpang, shara shagu hkan nga ai shi a gumlau hpyen ni ngu na Moba masha, Amon hte Edom masha ni, Zoba hkawhkam ni hte Hpilisti masha ni hpe gasat shamyit kau wu ai. Shi gasat ai shara shagu hkan awng padang hkam la lu nga ai.

1 SAMUELA 17:37

Dai Madu gaw ngai hpe hkanghkyi ni hte tsap ni a lata kaw na mung hkye la ni ai; ya ndai Hpilisti masha wa a lata kaw na mung ngai hpe hkye la na ra ai,” ngu nna tsun wu ai. Shaloi Shawlu gaw, “Mai sa, dai rai yang gaw sa su, Dai Madu gaw nang hte rau a nga nga u ga law,” ngu nna htan wu ai.

1 SAMUELA 18:12

Shawlu hpe kau tawn da sai dai Madu gaw Dawi hte rau nga nga ai majaw Shawlu shi hpe hkrit wu ai.

1 SAMUELA 19:3

Ngai gaw nang makoi nga ai pa hta nye wa a makau e sa tsap nhtawm na a lam ngai shi hpe tsun dan na we ai, shaloi ngai chye machye nang hpe bai chye shangun na we ai,” ngu nna tsun wu ai.

1 SAMUELA 20:12

Yonahtan gaw Dawi hpe, “Dai Madu Israela a Karai Kasang gaw an a sakse tai nga u ga! Hpawt ni hpawt din, ndai aten e, nye wa hpe ngai naw san yu na we ai. Na a ntsa tawn da ai shi a myit masa kaja ai rai yang, ngai nang hpe ga shana dat na nngai.

1 SAMUELA 20:14

Ngai naw ahkrung nga yang, chyeju hte an a chyoi pra ai ga sadi hpe shatup nna, ngai hta sadi dung nga u; rai ti mung ngai si mat ai rai yang,

1 SAMUELA 25:22

Jahpawt de garai n du rau yang, ndai masha ni hpe ngai n sat kau ai sha ngam da hkrup ai rai yang, Karai Kasang mahtang ngai hpe adup nu ga,” ngu nna myit sumru yu wu ai.

1 SAMUELA 3:17

Eli mahtang, “Dai Madu nang hpe hpa lam tsun a ta? Ngai hpe tsun dan na hpa mung hkum ip da et. Shi tsun matsun nang ngai hpe n tsun dan ai rai yang, Karai Kasang nang hpe laja lana re ai ari jaw na ra ai,” ngu nna san wu ai.