1 SAMUELA 20:12 - Jinghpaw Common Language Bible 2009

¹² Yonahtan gaw Dawi hpe, “Dai Madu Israela a Karai Kasang gaw an a sakse tai nga u ga! Hpawt ni hpawt din, ndai aten e, nye wa hpe ngai naw san yu na we ai. Na a ntsa tawn da ai shi a myit masa kaja ai rai yang, ngai nang hpe ga shana dat na nngai.

Jinghpaw Hanson Version Bible

¹² Bai Yonahtan gaw Dawi hpe, “Israela Karai Kasang Yehowa sakse wa rai nga u ga: hpawt ni, hpawt din, ndai ten e, nye wa myit ngai shaw yu yang, Dawi hta shi a myit kaja rawng ai rai yang, ngai nang hpe shana na n rai ni?

1 SAMUELA 20:12 ပူးပေါင်းရင်းမြစ်များ

2 SAMUELA 21:7

Rai ti mung shi hte Yonahtan a lapran chyoi pra ai ga sadi hpe shada da shagrin da nga manu ai majaw, Shawlu a kashu, Yonahtan a kasha Mehpiboshet hpe shalawt da ya wu ai.

YOBA 31:4

Ngai galaw ai amu magup hte hpe Karai Kasang chye nga ai; ngai htawt ai lagaw lahkam shagu hpe shi mu wu ai.

SHAKAWN KUNGDAWN 17:3

Nang gaw nye a myit masin hpe chye ya nga ndai. Shana aten hta, nang gaw ngai kaw du sa nna, ngai hpe akri akrai san jep yu nit dai, ngai hta n hkru ai myit hpa mung n rawng nga ai hpe nang mu ya nga ndai.

GA SHAGAWP 20:5

Masha a myit mang ai lam gaw sung ai hka htung kata na hka zawn rai nga nna; myit kraw hpaji rawng ai wa gaw dai hpe gang shapraw la lu nga ai.

YAWSHU 22:22

“Chyahtum Chyalai N-gun rawng ai wa gaw Karai Kasang rai nga ai! Shi gaw dai Madu rai nga ai! Chyahtum Chyalai N-gun rawng ai wa gaw Karai Kasang rai nga ai! Shi gaw dai Madu rai nga ai! Shi gaw anhte ndai amu hpe hpa majaw galaw nga ga ai lam chye ai zawn nanhte hpe mung anhte chye shangun nga ga ai! Anhte gumlau nna dai Madu hta kam sham ai myit n rawng saga ai rai yang, anhte hpe galoi mung hkum jahkrung da mi!

1 SAMUELA 20:11

Yonahtan chyawm gaw, “Sa, an pa ga de naw sa pru yu saga,” ngu nna htan wu ai. Shaloi shan pru mat wa ai hte

1 SAMUELA 20:13

Shi nang hpe machyi hkra shangun mayu ai hku myit tawn ai rai yang mung, dai lam a majaw ngai nang hpe n chye shangun ai hte shim ai hku n hprawng shangun lu ai rai yang, dai Madu ngai hpe si hkra adup u ga law. Dai Madu gaw nye wa hte rau nga yu nu ai zawn nang hte mung rau anga nga u ga law!

1 SAMUELA 23:18

Shan lahkawng gaw shada jinghku atai nga na matu chyoi pra ai ga sadi tawn da ma ai. Dawi gaw Horesha e nga nga nna, Yonahtan mung nta de wa mat wa wu ai.