1 SAMUELA 20:1 - Jinghpaw Common Language Bible 2009

¹ Dawi gaw Rama ginwang Nayut mare kaw nna hprawng mat wa nhtawm Yonahtan hpang de wa wu ai. Shi gaw, “Ngai hpa galaw shut kau sata? Ngai gaw kaning re ai ru hka amu galaw shut kau sata? Shi ngai hpe sat kau mayu hkra na nwa hpe ngai hpa galaw shut kau sata?,” ngu nna san wu ai.

Jinghpaw Hanson Version Bible

¹ Shaloi Dawi Rama ginwang Nayut shara na hprawng nna, Yonahtan kaw wa nhtawm, “Ngai hpa galaw shut wa sata? ngai hta hpa mara rawng a ta? na nwa nye a asak gyam ai gaw, shi hpe hpa shut we ta?” ngu nna san wu ai.

1 SAMUELA 20:1 ပူးပေါင်းရင်းမြစ်များ

SHAKAWN KUNGDAWN 54:3

Gumrawng gumtawng ai ni ngai hpe gasat na matu sa wa nga ma ai; Karai Kasang hpe hpa zawn n nawn nga ai masha mazut ni mung, ngai hpe sat na matu shakut nga ma ai.

2 KORINHTU 1:12

Anhte myit kata hta asan sha gumrawng na lam langai mi nga ai; dai gaw, ndai mungkan hta anhte a asak hkrung lam, grau nna nanhte hte kanawn mazum matut mahkai ai lam ni hta masha a machye machyang hta n shamyet shanat ai sha Karai Kasang a chyeju atsam hte anhte gaw Karai Kasang jaw ai teng man san seng ai myit masin e up hkang ai hku nna amu galaw ai lam rai nga ai.

2 PETRU 2:9

Dai re ai majaw Karai Kasang gaw tara hkung ga ai ni hpe shanhte hkrum hkra nga ai chyam dinglik ai lam ni a kata na gara hku mawai la na hte, n hkru n kaja ai ni hpe tara daw dan ai nhtoi du hkra gara hku ari jaw na hpe mung shi chye nga ai.

1 YAWHAN 3:21

Dai rai nna tsaw ra ai ni e, anhte a htauli htaula myit anhte hpe jahpoi asawng mara shagun ai lam n galaw ai rai yang gaw anhte Karai Kasang a man e nden marai hte shang lu na ga ai.

1 SAMUELA 12:3

Ngai gaw nang e nga nga nngai. Ngai gaw lama ma hpe sha pyi galaw shut kau yu ni ai rai yang, ya dai Madu a man e mung, shi lata san da nu ai hkawhkam wa a man e mung ngai hpe mara shagun mi. Kade a dumsu kanu, shing n rai lawze hpe ngai la kau yu a ta? Kadai hpe maw sha yu a ta? Kadai wa hpe dip gamyet sha yu a ta? Kadai kaw na mayun kumhpa hkap la yu a ta? Ndai zawn re ai amu ni hta na langai ngai hpe ngai galaw shut kau ai rai yang, ngai la kau ya ai made, ngai bai nhtang jaw made ga,” ngu nna tsun wu ai.

1 SAMUELA 19:1

Shawlu gaw Dawi hpe sat kau na matu shi maw mawn da sai lam, shi a kasha Yonahtan hte shi a du salang ni yawng hpe tsun dan wu ai. Rai ti mung Yonahtan mahtang Dawi hpe grai tsaw ra nga ai rai nna,

1 SAMUELA 19:18

Dawi gaw hprawng lawt mat wa nhtawm Rama e nga ai Samuela kaw du sa let Shawlu shi hpe kaning rai galaw ai lam magup tsun dan wu ai. Dai hpang, shi hte Samuela gaw Nayut de sa mat wa nhtawm dai yang e sa nga nga ma ai.

1 SAMUELA 20:2

Yonahtan chyawm gaw, “Karai Kasang gaw nang si na hpe n hkraw nga ai! Nye wa gaw shi galaw ai amu ahkyak ai rai ti mung, n ahkyak ai rai ti mung, dai amu ni hpe ngai n chye hkra ip da nhtawm lam magup hpe shi galaw wu ai n rai. Dai gaw n teng nga ai!,” ngu nna htan wu ai.

1 SAMUELA 20:32

Yonahtan gaw, “Shi hpa majaw si na rai ta? Shi hpa shut kau sata?,” ngu nna tsun htang wu ai.

1 SAMUELA 24:11

Yu yu u, nye wa e, ya ngai lang da nga ai na a ntsa palawng adaw achyen hpe mada yu u! Ngai nang hpe sat kau lu sha gaw rai sai, rai ti mung shing rai galaw na malai ndai adaw hpe sha kadoi di la nngai. Ndai hpe yu nna ngai nang hpe gumlau na matu n myit hkawn nga ai hpe mung, nang hpe n machyi shangun mayu ai hpe mung, nang hpe chye na hkawn hkrang shangun mayu nngai. Ngai chyawm gaw nang hpe hpa mung n shut n hpyit kau yu tim, nang mahtang ngai hpe sat kau na matu tam gyam hkawm nga ndai.

1 SAMUELA 24:12

Dai Madu gaw an hta na shut ai wa hpe jeyang nga u ga! Ngai nang hpe dik dik n machyi jahkrum na rai nga nngai majaw ngai hte hpai shai hkra nang galaw ai amu a matu chyawm gaw shi nang hpe ari jaw u ga.

1 SAMUELA 24:17

Dai hpang, shi gaw Dawi hpe, “Nang galaw ai lam jaw nga ai; ngai mahtang shut nga nngai. Ngai nang hpe dai zawn shut ai hku galaw kau ti mung nang chyawm gaw ngai hpe grai kaja ai hku galaw nga nit dai!

1 SAMUELA 24:9

“Ngai mahtang nang hpe machyi hkra mat hkra shakut nga nngai, ngu nna masha ni tsun kajai nga ai hpe nang hpa majaw madat kau n ni?

1 SAMUELA 26:18

Dawi gaw, “Madu e, na a shangun ma wa hpe nang hpa majaw naw hkan shachyut nga n ta? Ngai hpa baw amu galaw shut kau nga a ni? Ngai hpa baw ru hka amu shut kau nga a ni?