1 SAMUELA 2:9 - Jinghpaw Common Language Bible 2009

⁹ “Shi gaw sadi sahka myit rawng ai amyu masha ni a asak hkrun lam ni hpe makawp maga ya nga ai, rai ti mung, n hkru ai ni chyawm gaw nsin kata hta hkoi mat na mara ai; masha gaw tinang a atsam hte dang lu ai n rai.

Jinghpaw Hanson Version Bible

⁹ Shi a chyoi pra ai ni a lagaw, shi shading ya na ru ai; Tara n lang ai ni chyawm gaw, nsin kata e tsin nga na masai; Tinang a atsam n-gun hte dang lu ai kadai n nga ai.

1 SAMUELA 2:9 ပူးပေါင်းရင်းမြစ်များ

YOBA 18:18

Shanhte gaw asak hkrung nga ai dinghta ga kaw nna gawt shapraw kau ai hkrum nna nhtoi kaw nna nsin de gau bang ai hkrum na mara ai.

YOBA 40:13

Shanhte yawng hpe ga kata de lup makoi kau u; katsan ga e shanhte hpe gyit hkang da u.

YOBA 5:16

Shi gaw matsan mayan ni hpe myit mada shara jaw nna, n hkru ai wa hpe shazim kau nga ai.

YOBA 5:24

Dai hpang nang gaw na a sum kata hta ngwi pyaw sim sa ai hte nga lu na ndai; na a sagu ni hpe nang mada yu yang, shanhte shim lum nga ma ai hpe nang mu lu na ndai.

SHAKAWN KUNGDAWN 1:6

Ding hpring ai ni gaw dai Madu kaw nna lam woi ai hte makawp maga la ai hkrum nga ma ai; n hkru ai ni chyawm gaw htum mat wa na mara ai.

SHAKAWN KUNGDAWN 105:37

Dai hpang shi gaw Israela amyu masha ni hpe woi shapraw mat wa nna, shanhte gaw gumhpraw hte aja ni hpe mung, htaw mat wa ya nga ma ai; shanhte yawng hte mung hkam kaja ai hte n-gun hpring shajang nga ma ai.

SHAKAWN KUNGDAWN 121:3

Shi gaw nang hpe kataw shangun na ra ai n rai; nang hpe makawp maga ai wa gaw tut nawng e dum hprang nga ai.

SHAKAWN KUNGDAWN 121:5

Dai Madu gaw nang hpe bau sin na ra ai; shi nang hpe makawp maga na matu, na a makau e nga nga ai.

SHAKAWN KUNGDAWN 121:8

dai Madu gaw ya kaw nna htani htana prat dingsa nang hkawm sa ai shara shagu hkan e, nang hpe makawp maga nga na ra ai.

SHAKAWN KUNGDAWN 145:20

Shi hpe tsaw ra ai masha hkum shagu hte hpe, shi makawp maga ya ti mung; tara n lang ai ni hpe chyawm gaw shi sharun shabyak kau na wu ai.

SHAKAWN KUNGDAWN 31:17

Madu e, nang hpe ngai shaga nngai rai nna; ngai hpe kaya kahpa hkum jahkrum et. Tara n lang ai ni gaw kaya kahpa hkrum nga mu ga, katsan ga de atsin sha shanhte yu mat wa mu ga.

SHAKAWN KUNGDAWN 37:28

hpa majaw nga yang, Madu gaw teng man ai lam hpe tsaw ra nga nna; kangka ai shi a amyu masha ni hpe n kau da nga ai majaw rai nga ai. Shi gaw shanhte hpe htani htana makawp maga nga ai, rai ti mung, tara n lang ai wa a aru arat ni gaw gawt shapraw kau ai hkrum na mara ai.

SHAKAWN KUNGDAWN 94:18

“Ngai kashawt taw nga nngai,” nga nna ngai tsun nngai; rai ti mung, Madu e, na a dinggrin tsaw ra myit hte ngai hpe pawn sharawt la nga ndai.

SHAKAWN KUNGDAWN 97:10

N hkru ai ni hpe n ju n dawng nga ai ni hpe Madu tsaw ra nga ai; shi gaw shi a amyu masha ni a asak ni hpe makawp maga ya nna, tara n lang ai masha ni a n-gun atsam kaw nna mung, shanhte hpe mawai la nga ai.

GA SHAGAWP 16:9

Na a bungli masing lam hpe nang lajang mai ti mung; Karai Kasang gaw na a shamu shamawt ai lam hpe hkang ya nga ai.

GA SHAGAWP 2:8

Shi gaw kaga masha ni a ntsa e, tara rap ra ai hku kanawn mazum ai ni hpe makawp maga ya nna, shi hta myit maju jung ai ni hpe bau sin ya nga ai.

GA SHAGAWP 3:26

Dai Madu gaw nang hpe shim hkra bau sin na ra ai, shi gaw nang hpe mahkam de jahkrat kau na ra ai n rai.

HPAJI NINGLI 5:17

Anhte gaw nsin kata e nga nga ga ai rai nna yawn hkyen ai, myit ru myit tsang ai, masin pawt ai hte machyi makaw hkrai hkrum sha nga ga ai.

HPAJI NINGLI 9:11

Ndai mungkan ga hta kagat chyang ai ni shingjawng poi hta tut nawng dang ai n rai; share shagan hpyenla ni hpyen majan hta tut nawng dang ai n rai; hpaji rawng ai ni lusha shahpa tut nawng lu ma ai n rai, zai hpaji rawng ai ni tut nawng sut su ai n rai; atsam rawng ai ni tsaw ai madang de tut nawng rawt lung wa ai n rai. N kaja ai gam maka gaw masha shagu hta nga ai lam hpe ngai dum chye nngai.

ESAIA 27:3

“Ngai gaw dai hpe sin yu nna n sim n sa hka jaw nngai. Ngai gaw dai hpe shani shana sin yu nngai, shaloi kadai mung dai hpe jahten lu na ma ai n rai.

ESAIA 47:5

Dai Madu gaw Babelon hpe, “Atsin sha hte nsin e dung nga u; shanhte gaw nang hpe masha amyu baw ni a hkawhkam jan ngu nna, galoi mung tsun na mara ai n rai!

YEREMIA 8:14

“Anhte gaw hpa majaw atsin sha dung nga ga ta?,” nga nna Karai Kasang a masha wa san nga ai. “Sa marit, anhte gaw bunghku kum ai mare ni de kagat sa nna, dai shara ni hta atsin sha sa si nga ga. Dai Madu anhte a Karai Kasang gaw anhte shi hpe shut kau ai yubak mara ni a majaw, anhte atsin sha si na matu jahten shaza kau nu ai hte anhte hpe gung ntsin lu shangun mi ai.

YEREMIA 9:23

Dai Madu gaw, “Hpaji rawng ai masha ni gaw shanhte a hpaji byeng-ya hta, n-gun ja ai ni gaw shanhte a n-gun lagaw hta, sut su ai masha ni gaw shanhte a sut gan hta gumrawng na n mai ang nga ai.

NAHUM 1:8

Shi gaw shi a gumlau hpyen ni hpe mawru kaba zawn atsai awai jahten kau nga ai; shi gaw shi hte nhtan shai ai ni hpe shanhte a si du a lata de sa dat ya nga ai.

ZEHPANI 1:15

Dai nhtoi gaw sindawng kahtet ai nhtoi, ru tsang hte kyindut hkrum ai nhtoi, shingran katsi ai hte marawng marang shabyin ai nhtoi, nsin sin ai hte sin mak mat ai nhtoi, nsin htat ai hte sumwi mung ai nhtoi,

ZEHKARIA 4:6

Dai lamu kasa gaw Madu kaw na pru ai ndai mungga Zerubabela hpe jaw ya na matu ngai hpe ning nga nna tsun ai: “Nang gaw hpyen dap n-gun hte mung n rai, na a n-gun atsam hte mung n rai; rai ti mung nye a wenyi hte sha awng dang lu na rai ndai.

BU HKAWM 6:24

Dai Madu gaw nang hpe shaman ya nna lanu lahku nga u ga;

MAHTE 8:12

Rai ti mung dai mungdan a kashu kasha tai ai ni chyawm gaw, shinggan de na nsin hta shaden bang kau ai hkrum na mara ai; dai yang e, hkrap ngu hkrap ngoi ai hte wa wurin wudik rai na mara ai; ngu mu ai.

ROMA 3:19

Dai jep ai Tara hta rawng ai hkang da ai lam shagu gaw jep ai Tara a npu e nga ai ni a matu rai nga ai hpe ya anhte chye saga ai; ndai hku byin wa ai lam gaw masha a tsun jahpai ai ga ni yawng hpe jahkring sha-ip kau shangun na hte mungkan ting gaw Karai Kasang jeyang daw dan ai hpe hkam la shangun na matu rai nga ai.

TARA JAHPRANG 33:3

Dai Madu gaw shi a amyu masha ni hpe tsaw ra nga ai rai nna, shi hte seng ai ni hpe makawp maga ya nga ai. Dai rai nna, shi a lagaw nhpang e anhte gum dagup nna shi a hkang da ai ga ni hpe hkan sa ga ai.

1 PETRU 1:5

Dai gaw kam sham ai marang e hpang jahtum ai aten hta dan pru u ga nga nna lajang shajin da sai hkye hkrang la ai chyeju hpe hkam la lu mu ga; Karai Kasang a n-gun atsam hte makawp maga da hkrum nga ai nanhte a matu rai nga ai.

2 PETRU 2:17

Ndai masha ni gaw hka hkyet hkraw mat sai hka shi ni hte mung, nbung laru e shapoi hkawm ai sumwi ni hte mung bung nga ma ai. Karai Kasang gaw sin mak nna sung dik ai kaw shanhte a matu shara langai mi mazing da ya manu ai.

YUDA 1:1

Yesu Hkristu a shangun ma hte Yaku a kanau ngai Yuda gaw, Karai Kasang e shaga la nna Kawa Karai Kasang a tsaw ra ai hte Madu Yesu a makawp maga ai hta asak hkrung nga ai ni hpe ga shana dat nngai.

YUDA 1:13

Ja la ai panglai hka leng ni hte mung bung ma ai; shanhte a kaya kahpa amu ni hpe panglai hka leng hkum bawp zawn dan leng pru wa shangun nga ai. Shanhte gaw prang hkawm nga ai shagan zawn rai ma ai. Shanhte hpe Karai Kasang gaw sung dik ai ningsin kata hta shanhte a matu shara langai mi lajang da ya manu ai.

YUDA 1:3

Nye a tsaw ra ai ni e, anhte yawng jawm kam sham hkap la da sai hkye hkrang la ai lam nanhte hpang de ka dat na ngai grai shakut shaja nga nngai shaloi e, Karai Kasang gaw shi a masha ni hpe prat dingsa a matu lang mi hte sha ap ya da sai makam masham a matu matut nna dakring dalang gasat gala makawp maga sa wa na lam nanhte hpang de kalang ta laika ka nna n-gun jaw shadum shahprang na ra nga ai hpe ngai mu hkrup nngai.

1 SAMUELA 25:26

Na a gumlau hpyen ni hpe sat na hte matai htang mayu nga ai kaw na, dai Madu nang hpe hkum da nga nit dai majaw, na a gumlau hpyen ni hte nang hpe machyi shangun mayu ai ni yawng gaw Nabala zawn ari jaw ai hkrum nga mu ga, ngu nna ahkrung nga ai dai Madu hta ngai dagam da nga nngai.