1 SAMUELA 2:8 - Jinghpaw Common Language Bible 2009

⁸ Shi gaw matsan mayan ni hpe ga nhpu kaw na mung, ra kadawn ai ni hpe shanhte a nni nkri kata kaw na mung sharawt la nga ai. Shi gaw dai ni hpe hkawhkam kasha ni a manang shatai nhtawm shagrau sha-a ai shara ni hta tawn da nga ai. Dai Madu gaw ginding aga a npawt nhpang ni hpe madu da nga ai; dai ni a ntsa e mungkan ga hpe shi gaw da nga ai.

Jinghpaw Hanson Version Bible

⁸ Matsan mayan ni hpe ga nhpu kata na, Kawsi jaren ni hpe hkumpup kata na, Shi sharawt la nna, du magam kasha ni hte rau dung let, Magam tingnyang sali dagraw lu ai ahkang jaw wu ai: Ginding aga madi wa daw ni hpe Yehowa madu nga ai rai nna, Dai ni a ntsa e mungkan aga de tawn wu ai.

1 SAMUELA 2:8 ပူးပေါင်းရင်းမြစ်များ

NINGPAWT NINGHPANG 41:14

Hkawhkam wa gaw Yosep hpe shaga la na matu shangun dat wu ai. Shi gaw nmun shangun nna hpun palawng galai kau ngut ai hte hkawhkam wa a man de shang wa wu ai.

NINGPAWT NINGHPANG 41:40

Ngai gaw nang hpe nye a mungdan ting a ntsa na mung du shatai na nngai; nye a amyu masha ni yawng na a hkang da ai ga ni hpe madat mara na mara ai. Na a ahkang aya mung nye a lawu hprut hta agrin nga lu na rin dai.

2 SAMUELA 7:8

“Dai re ai majaw Chyahtum Chyalai N-gun rawng ai Ngai Madu nan shi hpe tsun ai ga, nye a shangun ma Dawi hpe tsun su, ‘Nang gaw yi sun hkauna hkan sagu naw rem nga ai kaw na ngai nang hpe shaw la nhtawm, Israela amyu masha ni hpe up hkang ai du aya nang hpe jaw ni ai.

1 HKAWHKAM 16:2

“Nang gaw hpa manu n dan ai wa rai nga ti mung, nang hpe nye a amyu masha Israela a ningbaw shatai da ni ai. Ya chyawm gaw Yeroboam zawn nang shut hpyit kau nna nye a amyu masha ni hpe yubak lam de woi sa kau nit dai. Shanhte galaw ai yubak mara ni gaw ngai hpe pawt shangun nga ai,

2 HKAWHKAM 9:6

Dai hpang shan lahkawng nta nhku de shang nhtawm myihtoi shabrang wa mahtang Yehu a baw ntsa e tsanlun sau ru bun let shi hpe, “Dai Madu Israela a Karai Kasang ning nga tsun dat ai: ‘Nye a amyu masha Israela a hkawhkam tai na, ngai nang hpe namman jaw ya nngai.

YOBA 1:21

Shi gaw, “Ngai gaw kaman hte shangai wa ai rai nna, kaman hte si wa na nngai. Dai Madu jaw nu ai, ya chyawm gaw shi bai la kau nu ai. Shi a mying ningsang shakawn kungdawn ai hkrum nga u ga law!,” ngu nna tsun wu ai.

YOBA 2:8

Yoba gaw Shi a krwi jap ni hpe ahkut kau na nga, di chyen langai mi la nna shanut sumpum makau e sa dung nga ai.

SHAKAWN KUNGDAWN 102:25

Nang gaw, moi moi e, ginding aga hpe hpan da nit dai, na a lata ni hte sumsing lamu ni hpe nang nan galaw da nga nit dai.

SHAKAWN KUNGDAWN 104:5

Nang gaw ginding aga hpe de a npawt hta ngang ngang gaw da nna; dai gaw galoi mung shamu shamawt kau hkrum na n rai.

SHAKAWN KUNGDAWN 107:41

Rai ti mung, shi gaw ra kadawn nga ai ni hte, shanhte a nni nkri kata kaw na mawai la ai hte; shanhte a dinghku masha ni hpe sagu hpung ni hpe zawn shalaw jahtam ya mu ai.

SHAKAWN KUNGDAWN 24:2

Ginding aga a kata, sung ai hka ni a ntsa e, dai hpe shi gaw da nna de a npawt nhpang ni hpe nammukdara kata sung ai shara ni hta jahkrat tawn da nga sai.

SHAKAWN KUNGDAWN 75:3

Mungkan ga hte dai hta nga ai hkrung mahkrung mahkra hte gari ashun awam wa ti mung; de a npawt nhpang ni hpe ngai shangang shakang da na nngai.

SHAKAWN KUNGDAWN 75:4

Dai tara n lang ai ni gaw myit tsaw myit dap n rai nga mu ga, ngai tsun nga nngai.

SHAKAWN KUNGDAWN 75:7

Tara agyi gaw dai Karai Kasang nan rai nga ai, shi gaw nkau mi hpe jeyang daw dan nna nkau mi hpe mara shalawt dat ya na ra ai.

ESAIA 22:23

Ngai gaw shi hpe sumprat langai zawn ngang ngang dawk jung da na nngai, shi gaw shi a dinghku ting a arawng sadang a hka hpawk tai na ra ai.

Daniela 2:48

Dai hpang shi gaw Daniela hpe shagrau shatsaw let hkik ai kumhpa law law sak jaw wu ai; shi hpe mung Babelon mungdaw hpe woi hpareng na matu mung, hkawhkam wa hpe hpaji jaw ai ni yawng a ningbaw galaw na matu mung san da wu ai.

Daniela 4:17

Ndai gaw maja let sin yu nga ai lamu kasa ni a daw dan ai lam rai nga ai. Dai rai nna Tsaw Htum ai Karai Kasang gaw masha mungdan ni a ntsa e daru magam n-gun rawng nga ai mung, n ahkyak htum ai masha ni pyi shi lata la ai rai yang, dai ni hpe shi jaw ya nga ai lam mung, shara shagu hkan na masha ni chye la lu mu ga,’ ngu nna tsun ndau wu ai.

Daniela 6:3

Kade n na yang, Daniela gaw kaga reng hkang ai marai lahkawng hte munggyi ni hta grau mai kaja ai amu bungli galaw lu wu ai hpe madun dan nga ai. Shi gaw grai laklai ai myit nyan hpaji chye ai wa rai nna hkawhkam wa mung hkawseng mungdan ting hpe woi hpareng na matu shi hpe san da na myit da nga wu ai.

HEBRE 1:3

Shi gaw Karai Kasang a hpung shingkang ningja shapraw nna, Karai Kasang shi nan a gawng shingyan hkrang sumla hpe dagraw ai hte mungkan jan shata shagan nga yawng danghta hpe shi a hpung shingkang rawng ai mungga atsam hte bau sin da nga ai. Shi gaw shinggyim masha ni a yubak mara ni hpe raw dat jasan jaseng ai lam galaw ngut ai hpang, sumsing lamu e daru magam n-gun atsam rawng ai Karai Kasang a hkra maga de dung nga ai.

YAKU 2:5

Nye a tsaw ra ai hpu nau ni e, madat mu! makam masham hta lu su ai ni tai lu na hte shi hpe tsaw ra ai ni hpe jaw na nga nna ndat da sai sumsing lamu a sali wunli hkam la na matu Madu gaw ndai mungkan hta matsan mayan re ai ni hpe lata la mu ai.

SHINGRAN 1:6

Shi a Kawa a magam amu hpe gun hpai lu na matu anhte hpe mungdan amyu hte hkinjawng aya jaw ya ai Yesu Hkristu kaw hpung shingkang hte daru magam ahkang aya gaw htani htana e anga nga u ga law! Amen.

SHINGRAN 22:5

Dai mare hta shana mung n nga na ra ai; pyengdin a nhtoi mung, jan a nhtoi mung, shanhte n ra ma ai: hpa majaw nga yang, dai Madu Karai Kasang gaw shanhte hpe nhtoi jaw na mu ai; dai hta n ga, shanhte gaw, hkawhkam tai nna htani htana prat dingsa up nga lu na mara ai.

SHINGRAN 3:21

Ngai awng padang lu nna nye Wa a tingnyang makau e shi hte rau dung nga lu ai zawn, awng padang lu ai wa gaw nye a tingnyang makau e ngai hte rau dung nga lu na ahkang ngai jaw na we ai.

SHINGRAN 5:10

Nang gaw shanhte hpe, anhte a Karai Kasang hpe daw jau ai amu gun hpai lu na matu hkawhkam mungdan hte hkinjawng amyu langai mi shatai nu ai hte, shanhte gaw ga ntsa e up hkang na ahkang aya lu na mara ai.”

1 SAMUELA 15:17

Samuela gaw, “Na hkum nang ahkyak n rai nga ai ngu myit nawn la tim pyi, nang gaw Israela amyu bawsang ni a ningbaw wa rai nga ndai. Dai Madu mung nang hpe Israela hkawhkam shatai nhtawm namman jaw ya nit dai;