1 SAMUELA 2:7 - Jinghpaw Common Language Bible 2009

⁷ Shi gaw masha nkau mi hpe matsan kau shangun nna, kaga ni hpe lu su shangun nga ai; shi gaw masha nkau mi hpe shagrit kau nna kaga ni hpe galu kaba shangun nga ai.

Jinghpaw Hanson Version Bible

⁷ Yehowa gaw, matsan shangun ai hte lu su shangun ai, Shagrit ai hte shagrau ai wa rai nga ai.

1 SAMUELA 2:7 ပူးပေါင်းရင်းမြစ်များ

2 HKAWHKAM 9:6

Dai hpang shan lahkawng nta nhku de shang nhtawm myihtoi shabrang wa mahtang Yehu a baw ntsa e tsanlun sau ru bun let shi hpe, “Dai Madu Israela a Karai Kasang ning nga tsun dat ai: ‘Nye a amyu masha Israela a hkawhkam tai na, ngai nang hpe namman jaw ya nngai.

1 HKAWHKAM LABAU 29:12

Sut gan hte sut su ngamu ngamai ai lam yawng mayawng mung nang kaw na rai nga ai rai nna, lam shagu hpe na a atsam marai hte daru magam n-gun hte up hkang nga ndai. Nang gaw kadai hpe mung galu kaba ai hte n-gun ja shangun lu nga ndai.

2 HKAWHKAM LABAU 32:27

Hkawhkam Hezekia gaw sut gan grai lu su ai wa tai wa nna masha shagu shi hpe shagrau sha-a ma ai. Shi gaw aja gumhpraw, manu dan ai lung seng, manam pyaw ai baw namji namya, ninggang hte kaga manu hpu ai arung arai ni hpe tawn da na matu sut dum ni gap da nga ai.

2 HKAWHKAM LABAU 32:29

Ndai yawng hta kaga, Karai Kasang gaw shi hpe sagu, dumsu ni hte kaga sut rai law law jaw ya wu ai majaw mare law law mung shi de da nga ai.

YOBA 1:21

Shi gaw, “Ngai gaw kaman hte shangai wa ai rai nna, kaman hte si wa na nngai. Dai Madu jaw nu ai, ya chyawm gaw shi bai la kau nu ai. Shi a mying ningsang shakawn kungdawn ai hkrum nga u ga law!,” ngu nna tsun wu ai.

YOBA 40:12

Rai sa, dai ni hpe mada yu nna shagrit kau u; n hkru ai ni hpe shanhte tsap nga ai shara hkan kabye agrawp kau u.

YOBA 5:11

Rai sa, Karai Kasang gaw grit nem ai wa hpe shagrau shatsaw nna, madai sharung ai ni yawng hpe kabu gara ai lam jaw ya nga ai.

SHAKAWN KUNGDAWN 75:7

Tara agyi gaw dai Karai Kasang nan rai nga ai, shi gaw nkau mi hpe jeyang daw dan nna nkau mi hpe mara shalawt dat ya na ra ai.

SHAKAWN KUNGDAWN 75:8

Dai Madu gaw shi a masin kahtet ai ngu ai nsa ja ai sabyi ntsin hte hpring nga ai gawm hpe shi a lata hta lang da nga ai. Dai ntsin hpe shi ru dat ai hte tara n lang ai ni yawng hte gaw dai hpe lu nga ma ai; shanhte gaw kahte mi pyi n ngam mat hkra lu kau nga ma ai.

GA SHAGAWP 22:2

Lusu ai wa hte matsan ai wa hpe hpan da ai Madu gaw langai sha rai nga ai. Ndai lam hta shan bung hkat nga ma ai.

ESAIA 2:12

Dai shani e, Chyahtum Chyalai N-gun rawng ai dai Madu gaw daru magam n-gun rawng ai masha shagu hpe mung, gumrawng gumtawng nna rai dum ai masha shagu hte hpe mung shagrit kau na ra ai.

YEREMIA 49:15

Dai Madu gaw nang hpe n-gun shayawm kau ya ai hte kadai mung nang hpe hkungga lara di na ma ai n rai.

EZEKELA 17:24

Dai mung na hpun ni yawng gaw ngai nan dai Madu rai nga nngai hpe chye na mara ai. Ngai gaw hpun galu ni hpe kran kau nna hpun kaji ni hpe tu galu shangun na nngai. Ngai gaw tsit lali ai hpun ni hpe shanyip kau nna hkraw ai hpun ni hpe tsit lali shangun na nngai. Dai Madu ngai nan tsun ni ai. Ngai galaw na ngu tsun sai amu hpe ngai galaw na we ai.”

YAKU 4:10

Nanhte gaw nanhte a hkum hpe dai Madu a man e shagrit shanem nga mu; shing rai yang shi nanhte hpe shagrau shatsaw na marin dai.