1 SAMUELA 2:36 - Jinghpaw Common Language Bible 2009

³⁶ Naw hkrung nga ai na a matu mara ni kadai mung dai hkinjawng wa kaw sa nhtawm gumhpraw hte lusha shi kaw sa hpyi na ra ai; lama ma lu sha hkra nga, hkinjawng ni hpe karum ya lu na ahkang hpyi la na mara ai.”

Jinghpaw Hanson Version Bible

³⁶ Na a matu mara ni hta naw nga ai hkum shagu, shi hpang de sa nna, ngai muk ahkyep arang sha lu n ga, hkinjawng aya langai ngai hta ngai hpe tawn da e, ngu nna gumhpraw kachyi kapu, muk hkyep arang na matu, naw dagup hkra hpyi na ra ai,” ngu nna tsun da wu ai.

1 SAMUELA 2:36 ပူးပေါင်းရင်းမြစ်များ

1 HKAWHKAM 2:27

Shing rai dai Madu gaw Shilo mare hta Eli a amyu matu ni a lam tsun dan ai ga teng wa u ga, Shawlumon gaw Abiahta hpe dai Madu hpe hkinjawng amu galaw daw jau nga ai kaw nna Abiahta hpe shapraw kau wu ai.

2 HKAWHKAM 23:9

Dai hkinjawng ni gaw Nawku Htingnu kata e daw jau na ahkang n lu ma ai; rai ti mung shanhte a hkinjawng manang ni a matu jaw ai matsi n rawng ai muk hpe shanhte sha lu ma ai.

GA SHAGAWP 14:19

N hkru ai masha ni gaw ding hpring ai masha ni a man e, gum dagup na mara ai; shagrit shanem let shanhte hpe matsan dum la na hpyi ma ai.

MALAHKI 1:13

Nanhte gaw, ‘Ndai lam yawng mayawng a majaw anhte kade sha hki ba saga a hka!,’ ngu nna tsun let ngai hpe ladi sharawt dan myit dai. Lagu la ai, shing n rai lagaw hten ai, shing n rai machyi ai dusat langai ngai nanhte la sa nna ngai hpe nawng ya myit yang, nanhte kaw na dai hpe ngai hkap la na re ngu, myit nawn da myit ni?

TARA AGYI 17:10

Mihka gaw, “Ngai kaw nga ga. Ngai hpe hpaji jaw ai wa hte nye a hkinjawng tai u, shaloi laning mi hta gumhpraw shi, hpun palawng hte lusha ngai nang hpe jaw na de ai,” ngu nna tsun wu ai.

1 SAMUELA 2:35

Ngai hta sadi dung na ra ai hkinjawng langai hpe ngai lata la na nngai. Shi gaw ngai galaw shangun mayu ai lam magup hte hpe galaw na rai wu ai. Ngai lata san da sai hkawhkam wa a man e tut nawng daw jau na mara ai amyu matu mara ni ngai nang hpe jaw ya na nngai.

1 SAMUELA 3:1

Ma Samuela gaw Eli a matsun madun ai hku dai Madu hpe daw jau nga ai dai prat e, dai Madu kaw na mungga ni nau wa n pru, shi kaw na shingran ni mung nau wa n du rai nga ai.