1 SAMUELA 2:35 - Jinghpaw Common Language Bible 2009

³⁵ Ngai hta sadi dung na ra ai hkinjawng langai hpe ngai lata la na nngai. Shi gaw ngai galaw shangun mayu ai lam magup hte hpe galaw na rai wu ai. Ngai lata san da sai hkawhkam wa a man e tut nawng daw jau na mara ai amyu matu mara ni ngai nang hpe jaw ya na nngai.

Jinghpaw Hanson Version Bible

³⁵ Bai, nye a myit, nye a kraw lawang na ra ai hku hkan ya ai kangka re ai hkinjawng, ngai paw pru shangun na we ai: shi a matu ngang ai nta ngai gaw ya nna, shi gaw nye a namman chya ai wa a man e tutnawng e hkawm sa lu na ra ai.

1 SAMUELA 2:35 ပူးပေါင်းရင်းမြစ်များ

2 SAMUELA 7:27

Chyahtum Chyalai N-gun rawng ai Madu Israela a Karai Kasang e, na a shangun ma wa ngai hpe ndai lam yawng mayawng nang tsun hpaw dan nit dai. Nye a amyu matu ni hpe hkawhkam shatai ya na nga nna mung nang tsun nit dai majaw ndai akyu hpyi ga hte nang kaw akyu hpyi wam nga nngai law.

1 HKAWHKAM 1:45

Shing rai Zadok hte Nahtan gaw shi hpe hkawhkam shatai na matu Gihon hka hpawk shara e shi hpe namman jaw ya mu ai. Dai hpang shanhte gaw mare kata de shang nhtawm kabu gara ai hte jahtau garu nga ma ai majaw ya amyu masha nlang mung garu kachyi rai nga masai. Ya nanhte na lu ai garu kachyi ai nsen gaw dai rai nga ai.

1 HKAWHKAM 1:8

Rai ti mung hkinjawng Zadok, Yehoiada a kasha Benaia, myihtoi Nahtan, Shime, Rei hte Dawi hpe hkan sin ya ai ni gaw Adoniya a maga de n tsap nga ma ai.

1 HKAWHKAM 11:38

Nye a ga hpe tsep kawp nang madat mara nna, nye a tara ni hta manoi nga let nye a man e ding man ai amu shachyen nhtawm nye a shangun ma Dawi galaw ai hte maren ngai hkang da ai ga hpe hkan galaw ai rai yang, ngai gaw nang hte rau tut nawng anga nga na nngai. Ngai nang hpe Israela hkawhkam shatai na we ai; Dawi hpe ngai galaw ni ai zawn na a hpang e mung na a amyu matu ni teng teng up hkang na mara ai.

1 HKAWHKAM 2:35

Hkawhkam wa gaw Yoab a shara hta hpyen luksuk hpe up hkang na matu Benaia hpe mung, Abiahta a shara hta hkinjawng Zadok hpe mung san tawn da wu ai.

1 HKAWHKAM LABAU 29:22

Dai rai nna shanhte gaw dai shani Madu a man e lu lu sha sha rai kabu gara nga ma ai. Lahkawng lang ngu na hta, shanhte gaw Shawlumon hpe hkawhkam shatai na tsun ndau nga ma ai. Shing rai dai Madu a mying ningsang hta mung du tai na matu shi hpe namman jaw ya nhtawm Zadok hpe mung hkinjawng aya dang ya ma ai.

SHAKAWN KUNGDAWN 18:50

Karai Kasang shi a hkawhkam wa hpe kaba la ai awng padang jaw ya e; lata san da sai Dawi hte shi a aru arat ni hpe dinggrin tsaw ra myit htani htana madun dan nga ai.

SHAKAWN KUNGDAWN 2:2

Dai Madu hte shi lata san da ai Hkawhkam wa hpe shanhte a hkawhkam ni gumlau nna, mung du ni mung ninghkap na matu jawm mayun bawng nga ma ai.

EZEKELA 34:23

Shanhte hpe rem ai sagu rem wa langai tai wa na matu, nye a shangun ma Dawi hte bung ai hkawhkam langai ngai shanhte hpe jaw na nngai, shing rai shi gaw shanhte hpe rem ai sagu rem wa tai nna lanu lahku na ra ai.

BU HKAWM 25:13

Shi hte shi a lakung lama ni chyawm gaw htani htana hkinjawng ni tai nga manu ai. Shi gaw ngai hta lai nna shingjawng kashun ai kaning re ai hpara hpe mung n yu sharawng ai hte amyu masha ni a shut hpyit ai mara ni a matu htingrai htingrat ya nu ai.

HEBRE 2:17

Dai re ai majaw shi gaw, masha ni a yubak mara ni hpe raw dat kau ya lu na matu matsan dum chye ai kangka re ai hkinjawng agyi kaba tai ai hku nna Karai Kasang a magam bungli gun hpai lu u ga, lam shagu hta shi a kahpu kanau ni mu hkrum hkam sha nga ai lam ni hpe shanhte hte rau rum hkam sha nu ai.

1 SAMUELA 10:10

Shawlu hte shi a shangun ma shan gaw Gibea shara e du jang, myihtoi hpung mi hte shi hkrum wu ai. Shaloi Karai Kasang a wenyi gaw shi hpe up hkang let shi mung shanhte a kabu gara ka manawt ai hte jahtau garu ai hta shang lawm wu ai.

1 SAMUELA 10:9

Shawlu gaw Samuela kaw na pru mat wa na nga yin naw rai yang, Karai Kasang gaw Shawlu hpe myit nnan langai jaw wu ai. Samuela shi hpe tsun ai lam magup dai shani jang byin nga ai.

1 SAMUELA 12:3

Ngai gaw nang e nga nga nngai. Ngai gaw lama ma hpe sha pyi galaw shut kau yu ni ai rai yang, ya dai Madu a man e mung, shi lata san da nu ai hkawhkam wa a man e mung ngai hpe mara shagun mi. Kade a dumsu kanu, shing n rai lawze hpe ngai la kau yu a ta? Kadai hpe maw sha yu a ta? Kadai wa hpe dip gamyet sha yu a ta? Kadai kaw na mayun kumhpa hkap la yu a ta? Ndai zawn re ai amu ni hta na langai ngai hpe ngai galaw shut kau ai rai yang, ngai la kau ya ai made, ngai bai nhtang jaw made ga,” ngu nna tsun wu ai.

1 SAMUELA 16:13

Samuela gaw tsanlun sau la nhtawm kahpu ni a man e Dawi hpe namman jaw ya wu ai. Dai shaloi jang, dai Madu a wenyi gaw Dawi hpe up hkang wu ai; dai shani kaw nna shi hte rau arai nga sai. Dai hpang Samuela mung Rama mare de nhtang mat wa wu ai.

1 SAMUELA 2:36

Naw hkrung nga ai na a matu mara ni kadai mung dai hkinjawng wa kaw sa nhtawm gumhpraw hte lusha shi kaw sa hpyi na ra ai; lama ma lu sha hkra nga, hkinjawng ni hpe karum ya lu na ahkang hpyi la na mara ai.”

1 SAMUELA 25:28

Madu e, chyeju hte ngai galaw shut kau sai mara ni hpe raw dat ya e law. Nang chyawm gaw nang hkrung nga ai hte yang, n hkru ai amu hpa mung n galaw nga ndai hte shi a majan ni hpe nang gasat ya nga ndai majaw dai Madu gaw nang hpe mung, na a matu mara ni hpe mung hkawhkam shatai na ra ai.

1 SAMUELA 3:1

Ma Samuela gaw Eli a matsun madun ai hku dai Madu hpe daw jau nga ai dai prat e, dai Madu kaw na mungga ni nau wa n pru, shi kaw na shingran ni mung nau wa n du rai nga ai.

1 SAMUELA 7:9

Samuela gaw sagu kasha langai mi hpe sat nhtawm dai Madu a matu shagu hkungga shatai let hkum ting nat nawng wu ai. Dai hpang, shi gaw Israela hpe karum la na matu dai Madu kaw akyu hpyi wu ai hte maren dai Madu mung shi a akyu hpyi ga hpe htan ya wu ai.

1 SAMUELA 8:3

Rai ti mung shan gaw kawa a kasi hta n hkan ai sha, gumhpraw marin ai amu hta chyu sha myit lawm shajang ma ai; mayun kumhpa ni hpe shan hkap la ma ai majaw amu ni hpe teng man ai hku n daw dan ya lu ma ai.

1 SAMUELA 9:12

Dai numsha ni chyawm gaw, “Rai sa, shi nga nga ai,” ngu nna htan ma ai. Kaja wa shi gaw nan a shawng e sha rai nga ai; nan tin tin rai lu myit yang gaw shi hpe hkan dep lu na myit dai. Nan dai mare de du shang wa ai hte shi hpe mu na marin dai. Amyu masha ni kawng ntsa na tawn hkungri hta shagu hkungga nawng ya ma ai majaw shi gaw dai shara de dai ni du lung wa na ra ai. Shi gaw dai shagu hkungga hpe shi shawng shaman ya na wu ai majaw dai yang e shi du sa ai aten du hkra shaga da hkrum ai amyu masha ni sha hpang wa lu na ma ai n rai. Nan ya jang sa mat wa myit, dai rai yang chyawm gaw sha na matu kawng de shi garai n lung wa yang shi hpe sa hkrum na myit dai,” ngu nna htan dat ma ai.