1 SAMUELA 2:29 - Jinghpaw Common Language Bible 2009

²⁹ Nye a amyu masha ni kaw ngai hpyi ai shagu hkungga hte hkungga ni hpe hpa majaw sha marim mayu ai myit hte yu myit ni? Eli e, Nye a amyu masha ni ngai hpe nawng ya ai shagu hkungga ni yawng hta na kaja htum ai arai ni hpe hkru hkru kat kat sha shangun let na a kasha ni hpe ngai hta grau hkra hpa majaw shagrau da n ni?

Jinghpaw Hanson Version Bible

²⁹ Nye nta e ngai hkang da ai hkungga hte nye shadung kumhpa hpe, hpa rai htawng kau myit ta? nye a amyu Israela masha ni jaw jau ai kumhpa yawng mayawng hta na, kaja htum ai arai ni hpe hkru hkru kat kat sha shangun nna, na nsha ni hpe nye ntsa e hpa rai shagrau n ta?

1 SAMUELA 2:29 ပူးပေါင်းရင်းမြစ်များ

2 HKAWHKAM 12:6

Rai ti mung Yosha hkaw dung ai hkun mali ning du hkra dai Nawku Htingnu bai gram lajang ai lam hpe hkinjawng ni hpa mung garai n lu galaw da nga ma ai.

SHAKAWN KUNGDAWN 26:8

O Madu e, nang nga ai nta hte, na a hpung shingkang shanu nga ai shara hpe ngai tsaw ra nga nngai.

EZEKELA 13:19

Nanhte gaw nye a amyu masha ni a man e muk-yaw mam latup nkau mi hte muk hkyep loi mi lu la na matu ngai hpe n kaw n law di myit dai. Nanhte gaw n si ging ai amyu masha ni hpe sat kau myit dai; n jahkrung da ging ai amyu masha ni hpe jahkrung da nga myit dai. Nanhte gaw nye a amyu masha ni hpe masu magaw ga tsun nhtawm shanhte gaw nanhte tsun ai ga hpe kam nga ma ai,” ngu nna tsun wu ai.

EZEKELA 34:10

Ngai gaw nanhte a hpyen rai nga nngai, ngu nna Tsaw Htum ai dai Madu ngai nan tsun ndau nga nngai. Nye a sagu ni hpe nanhte a lata kaw na ngai la kau nhtawm, nanhte hpe mung shanhte hpe rem ai sagu rem ni zawn galoi mung bai shatai na made ai n rai; nanhte hkum ni hpe lanu lahku na matu pyi, ngai nanhte hpe galoi mung ahkang bai jaw na n rai. Nye a sagu ni hpe nanhte n sha lu myit ga, nanhte a lata kaw nna mawai la na nngai.

EZEKELA 34:2

Shi gaw, “Si chye ai masha wa e, Israela a du ni hpe jahpoi u. Tsaw Htum ai dai Madu ngai nan shanhte hte seng nna tsun ai myihtoi ga ni hpe htoi u: Israela a sagu rem ni e, nanhte gaw dingnye hkrum nga myit dai! Nanhte gaw tinang hkum hpe sha bau nna, sagu ni hpe galoi mung bau rem nga myit dai n rai.

HOSEA 4:8

Nanhte gaw nye amyu masha ni a yubak ni hta na sut su rawt jat wa nga myit dai, dai rai nna nanhte gaw shanhte hpe yubak grau grau galaw mat wa na ra nga myit dai.

JAW JAU 19:15

“Tara shang amu ni tsun daw dan myit dai shaloi, myit malang ai hte teng man ai hku hparan ya na rai myit dai; matsan ai wa hpe n maga, lu su ai wa hpe mung n mada ai sha daw dan na rai myit dai.

MIHKA 3:5

Nye a amyu masha ni hpe masu hkalem ai myihtoi ni gaw shanhte hpe jaw ya ai ni hpe ngwi pyaw sim sa lam lu na ga sadi jaw ma ai, rai ti mung jaw ya ai lam n nga ai ni a matu gaw majan hte jahkrit shama hkrum nga ai. Dai zawn re ai myihtoi ni hpe dai Madu gaw,

MAHTE 10:37

Kadai mung ngai hpe tsaw ra ai hta, kanu kawa hpe grau tsaw ra ai wa gaw, nye a sape tai na matu n ging n dan nga ai; ngai hpe tsaw ra ai hta, shayi shadang sha hpe grau tsaw ra ai wa mung, nye a sape tai na n ging n dan nga ai.

MAHTE 22:16

Dai hpang shanhte a sape ni nkau mi hte Herod a hpung kaw na masha nkau mi hpe Yesu hpang de shangun dat mu ai. Shanhte gaw, “Sara e, nang gaw teng man ai lam hpe sha tsun nga ndai hpe anhte chye ga ai. Nang gaw masha a myi man n tau ai sha, masha a matu Karai Kasang a myit ra ai lam hpe teng man ai hku sharin shaga ndai.

LUKA 14:26

“Ngai hpang de sa ai wa kadai rai ti mung, tinang a kanu kawa, tinang a madu jan kasha ni hte tinang hkum nan hpe tsaw ra ai hta ngai hpe grau tsaw ra ai wa sha n rai yang gaw, nye a sape n tai lu ai.

ROMA 16:18

Hpa majaw nga yang shing rai galaw ai ni gaw anhte a Madu Hkristu a amu hpe n gun n hpai ai ni, tinang a kan a matu shatsang ai ni rai ma ai. Shanhte gaw si si rai nga ai, hpa mara n kap ai masha ni a myit hpe shanhte a ga sau ga pyaw awlaw ai ga hte ahpyawp sha kau ma ai.

2 KORINHTU 5:16

Dai re ai majaw, anhte gaw ya kaw nna kadai hpe mung masha a madang ni hpe hkan nna daw dan ai lam n galaw saga ai. Shawng daw de Hkristu hpe masha madang hku hkan nna sawn daw dan ai lam galaw lai wa saga ai, rai ti mung ya dai hku n galaw saga ai.

TARA JAHPRANG 32:15

“Dai Madu a amyu masha ni sut su wa ti mung, gumlau hpyen she nhtang tai; mu mai ai lusha hte shanhte hpum sau ma ai. Shanhte a hpan Madu Karai Kasang hpe kabai kau ma ai; chyalai n-gun hte hpring ai hkye madu hpe ningdang kau ma ai.

TARA JAHPRANG 33:9

Shanhte gaw tinang a kanu kawa, kahpu kanau hte kashu kasha ni hta grau nna, Nang hta sadi dung ai lam madun dan nga ma ai. Na a hkang da ai ga ni hpe shanhte madat mara nna, na a ga shaka hta sadi dung nga masai.

YAKU 3:17

Rai ti mung ntsa de na du sa ai hpaji byeng-ya chyawm gaw shawng npawt e san seng ai, dai hpang ngwi pyaw sim sa ai, sumnung shingdi ai hte hku hkau ai lam hpe byin shangun nga ai hta n ga, tsaw ra matsan dum myit hte hpring nna kaja ai magam bungli ni ngu ai apu asi ni hpe shabyin shapraw nga ai. Dai gaw myi man lata ai lam hte hpyi hpun ai lam hta n lawm nga ai.

YAWSHU 18:1

Shanhte gaw mungdan hpe gasat dang la ngut ai hpang, Israela shawa hpung ting Shilo mare e zup hpawng nna, dai Madu a hpung shingkang shanu nga ai Sum hpe sharawt ma ai.

1 SAMUELA 3:13

Shi a kasha yan ngai hpe n shawp ai ga tsun kau manu ai; dai zawn galaw ai hpe Eli chye nga ti mung shan hpe n hkum kau ai majaw shi a dinghku masha ni hpe htani htana ari jaw na ngu nna ngai shi hpe tsun se ai.