1 SAMUELA 2:28 - Jinghpaw Common Language Bible 2009

²⁸ Tawn hkungri hta daw jau amu galaw na matu mung, manam pyaw ai bat nat nawng na matu mung, hpa hkai lawng hpun nna ngai hte bawng ban jahkrup na matu mung, Israela amyu bawsang ni yawng hta na nye a hkinjawng ni tai nga na matu, shi a dinghku hpe ngai lata la ni ai. Shing rai tawn hkungri ntsa nat ai shagu hkungga kumhtaw hkam la na ahkang ngai shanhte hpe jaw da ni ai.

Jinghpaw Hanson Version Bible

²⁸ nye a tawn hkungri ntsa e jaw jau ai amu, manam pyaw nat ai amu, nye a man e hpa hkai lawng hpun nna, hkinjawng amu gun hpai na matu, ngai shi hpe Israela amyu danghta hta na lata san tawn we ai n rai ni? dai hta kaga, Israela masha ni wan hte nat jau ai hkungga yawng mayawng na nji nwa ni hpe ngai jaw se ai n rai ni?

1 SAMUELA 2:28 ပူးပေါင်းရင်းမြစ်များ

2 SAMUELA 12:7

Nahtan gaw Dawi hpe, “Dai wa gaw nang rai nga ndai. Da ndai gaw dai Madu Israela a Karai Kasang tsun ai ga rai nga ai: ‘Ya Shawlu a lata na nang hpe ngai hkye mawai la nhtawm Israela a hkawhkam ngai nang hpe shatai da ni ai.

2 SAMUELA 6:14

Dawi mung shi a nshang grup hta sha, lachyit sumpan hpun da nna dai Madu hpe shagrau sha-a na nga shi a n-gun lagaw mahkra hte ka manawt nga ai.

PRU MAT 28:1

“Na a nhpu Arun hte shi a shadang Nadab, Abihu, Eleaza hte Ihtama ni hpe shaga la nna shanhte hpe Israela amyu masha ni kaw na garan jahka tawn na lam tsun u; shanhte gaw hkinjawng amu gun hpai let ngai hpe daw jau na rai ma ai.

PRU MAT 28:4

Shanhte hpe ndai sinda magap, hpa hkai lawng, ntsa palawng, maka ka ai palawng, bunghkaw hte shingkyit ni hpe galaw na matu tsun na rai ndai. Shanhte gaw na a nhpu Arun hte shi a shadang sha ni a matu ndai hkinjawng hpun palawng ni galaw na rai ma ai; shanhte gaw nye a matu hkinjawng amu gun hpai let daw jau lu na rai ma ai.

PRU MAT 30:7

Arun gaw dai pyengdin hpe jin jin lajang da ai shaloi, de a ntsa e manam pyaw ai baw nat na rai wu ai.

PRU MAT 30:8

Shi gaw shana de pyengdin shatu ai shaloi, jahpawt e galaw ai hte maren galaw na rai wu ai. Ndai manam pyaw ai baw nat nawng ai amu hpe prat dingsa a galaw nga na rai myit dai.

JAW JAU 2:10

Ngam ai gaw hkinjawng ni a matu rai nna, dai gaw dai Madu hpe lusha nawng ya ai hta na shaw la nga ai majaw grai chyoi pra nga ai.

JAW JAU 2:3

Ngam ai shadung hkungga gaw hkinjawng ni a matu rai nna dai Madu hpe lusha hkungga nawng ya ai hta na shaw la ai majaw dai gaw grai chyoi pra nga ai.

JAW JAU 6:16

Ngam ai hpe chyawm gaw hkinjawng ni sha na rai ma ai. Dai hpe matsi n bang ai sha muk kabaw nna dai Madu a hpung shingkang shanu nga ai Sum wang kata na Chyoi Pra ai Shara hta sha na rai ma ai. Dai Madu gaw hkinjawng ni hpe shanhte a lusha tai nga na matu dai hpe jaw da nu ai. Dai gaw htingrai hkungga hte mara raw hkungga ni zawn grai chyoi pra nga ai.

JAW JAU 7:32

Yam nga a hkra magyi gaw mahku hkungga a matu,

JAW JAU 7:36

Dai shani e, nat nawng ai kumhpa daw chyen ni, shanhte hpe jaw na matu dai Madu gaw Israela masha ni hpe hkang da nu ai. Israela amyu masha ni gaw ndai hkang da ai tara ni hpe prat mi hte prat mi madat mara lu na rai ma ai.

BU HKAWM 16:5

Dai hpang shi gaw Kora hte shi a manang ni hpe, “Shi hte kadai seng nga ai lam mung, hpawt de dai Madu anhte hpe madun dan na ra ai; shi hte seng ai wa hpe shi lata la nhtawm tawn hkungri nga ai de shani la na ra ai.

BU HKAWM 18:19

“Israela amyu masha ni ngai hpe sak jaw ai laksan kumhpa ni yawng gaw nang hte na a shayi shadang sha ni hpe prat dingsa ngai jaw ya nga nngai. Dai gaw nanhte mung, na a amyu matu ni hte mung ngai tawn da ai n hten n run mat ai ga shaka rai nga ai,” ngu nna tsun wu ai.

1 SAMUELA 14:3

(Shilo mare na dai Madu a hkinjawng rai nga ai Eli a kashu, Hpineha a kasha, Ihkabu a kahpu Ahitub a kasha, hpa hkai lawng hpai ai hkinjawng Ahiya mung lawm nga ai.) Yonahtan pru mat wa ai hpe dai masha ni kadai mung n chye dat ma ai.

1 SAMUELA 2:18

Ndai aten hta, dai ma Samuela gaw chyoi pra ai lachyit hpa hkai lawng hpun let dai Madu hpe matut nna daw jau wu ai.