1 SAMUELA 2:25 - Jinghpaw Common Language Bible 2009

²⁵ Masha shada da shut hpyit ai rai yang, Karai Kasang hkap makawp ya lu ti mung, Karai Kasang hpe shut hpyit ai rai yang, kadai wa hkap makawp la lu nga a ta?,” ngu nna tsun wu ai. Rai ti mung shan mahtang kawa a ga n madat ma ai majaw, shan hpe sat kau na matu dai Madu daw dan kau nu ai.

Jinghpaw Hanson Version Bible

²⁵ Masha langai hte langai chyaw shut hkat ai rai yang gaw, Karai Kasang dawdan ya na rai nga ai; rai timung, Yehowa hpe shut kau yang, dai wa a matu kadai nem ya na rai ta?” ngu nna daru sharin wu ai. Rai timung, shan gaw kaw a ga n madat ma ai: kaning rai nme law, Yehowa mahtang, shan hpe sat kau mayu wu ai.

1 SAMUELA 2:25 ပူးပေါင်းရင်းမြစ်များ

NINGPAWT NINGHPANG 38:10

Shi galaw ai lam hpe dai Madu n ra sharawng wu ai majaw shi hpe mung sat kau wu ai.

NINGPAWT NINGHPANG 38:7

Era a sat lawat chyawm gaw n hkru n shawp nga ai rai nna dai gaw dai Madu hpe n sharawng awng shangun nga ai. Dai rai nna dai Madu gaw shi hpe sat kau wu ai.

1 HKAWHKAM 8:31

“Masha langai gaw kaga langai wa hpe shut hpyit nna mara shagun hkrum ai hte ndai Nawku Htingnu kata na a tawn hkungri de woi sa nhtawm shi mara n kap nga ai hpe sa dagam yang,

1 HKAWHKAM 8:32

O Madu e, sumsing lamu hta e madat la nna, na a shangun ma ni hpe jeyang mi. Mara kap ai wa hpe shi hkam la ging ai hte maren ari jaw u; mara n kap ai wa hpe chyawm gaw shi lu la ging ai hte maren mara dat ya u law.

2 HKAWHKAM LABAU 10:15

Dai gaw Shilo mare na myihtoi Ahiya hku nna Nebat a kasha Yeroboam hpe tsun da sai ga byin shangun na matu dai Madu a myit ra ai lam rai nga ai. Dai re ai majaw hkawhkam wa gaw amyu masha ni a ga hpe hpa zawn n nawn ya wu ai.

2 HKAWHKAM LABAU 25:16

Dai lam tsun ai shaloi Amazia gaw, “Nang hpe hkawhkam wa a hpaji jaw hku anhte galoi aten kaw nna san da nga ga ni? Atsin zim rai nga u, shing n rai yang, ngai nang hpe sat kau na ra ai!,” ngu nna ginjang shawn wu ai.

YOBA 9:33

Rai ti mung an a lapran e htinglu ya ai wa kadai n nga; Karai Kasang hte ngai hpe tara jeyang ya na kadai n nga ai.

SHAKAWN KUNGDAWN 51:16

Nang gaw shagu hkungga ni hpe n ra sharawng nga ndai, shing n rai yang, ngai sak jaw na de ai; nang gaw wan nat hkungga ni hpe mung n ra sharawng nga ndai.

SHAKAWN KUNGDAWN 51:4

Ngai nang hpe yubak galaw shut kau ni ai- nang hpe chyu sha shut kau ni ai. Nang myit yu ai n hkru n shawp ai lam hpe ngai galaw shut kau ni ai. Dai majaw, ngai hpe tara jeyang ai hta nang gaw teng man nga ndai; ngai hpe daw dan jeyang ai hta nang ding hpring nga ndai.

GA SHAGAWP 13:1

Hpaji rawng ai kasha gaw shi a kawa shi hpe shading sharai ai shaloi, myit maju jung nna madat mara nga ti mung, myit tsaw myit dap rawng ai wa gaw shi shut ai lam hpe galoi mung n chye yin la nga ai.

GA SHAGAWP 15:10

Shut hpyit ai amu hpe nang galaw ai rai yang, laja lana re ai ari nang hkrum sha na ndai; nang hkum nan shading sharai n hkam ai rai yang, si na rin dai.

GA SHAGAWP 29:1

Shadum jahprang hkrum shagu du grau shaja n-yang gaw, lani mi na nhtoi hta nang galoi n lu rawt hkra agrawp kau ai hkrum na rin dai.

HPAJI NINGLI 3:3

sat kau ai aten hte shamai shatsai ai aten hpe mung, run kau ai aten hte gaw gap ai aten hpe mung, masat da ya nga ai.

BU HKAWM 15:30

Rai ti mung Israela amyu masha mi rai rai, dai mung e nga nga ai maigan masha wa mi rai rai, yubak mara dingsa sa galaw ai wa kadai mung dai Madu hpe n gawn n sawn di ai mara lu nga ai majaw sat kau ai hkrum na rai wu ai;

TARA JAHPRANG 1:17

Nanhte tara daw dan ai amu ni hta myi man tau ai lam madun lu na myit dai n rai; shi kadai wa mi rai nga ai rai tim, myi man n lata ai sha masha shagu hte hpe maren mara jeyang lu na rai myit dai. Nanhte daw dan ai amu ni gaw Karai Kasang kaw na rai nga ai majaw kadai hpe mung hkrit agam lu na myit dai n rai; nanhte a matu daw dan hparan yak ai amu pru wa ai rai yang, ngai hpang de shashawn myit; dai hpe ngai daw dan ya na de ai,’ ngu nna sharin matsun se ai.

TARA JAHPRANG 2:30

“Rai ti mung, Hkawhkam Sihon gaw anhte hpe shi a mung hku ga lai wa na ahkang n jaw mi ai. Dai Madu nanhte a Karai Kasang gaw shi a myit shaja ya nhtawm gumlau shangun mi ai majaw shi hpe anhte dang kau ai hte shi a lamu ga la kau ya nna ya du hkra anhte naw madu da nga ga ai.

1 TIMOHTI 2:5

Hpa majaw nga yang, Karai Kasang gaw langai sha nga ai rai nna, Karai Kasang hte shinggyim masha hpe htinglu ya ai wa shinggyim masha sa tai ai Hkristu Yesu ngu ai masha mung langai sha rai nga ai.

HEBRE 10:26

Hpa majaw nga yang, anhte gaw dai teng man ai lam hpe chye na hkam la ngut sayang me, yubak hpe dingsang galaw dingyang rai nga ga yang gaw, anhte a yubak mara a matu nawng ya na shagu hkungga naw nga sana n rai.

HEBRE 10:27

Anhte gaw du na ra ai tara daw dan ai lam hte Karai Kasang hte nhtan shai ai ni hpe nat jahten kau na nachying hkrithpa wan hpe hkrit kahpra let ala nga na lam sha nga sai.

HEBRE 7:25

Dai rai nna shi gaw shi hpe manoi kam hpa let Karai Kasang kaw sit shang wa ai ni hpe galoi mung hkye mawai la na atsam rawng nga ai; hpa majaw nga yang, shi gaw shanhte a matu Karai Kasang kaw hpyi nem ya na, tut nawng e ahkrung nga ai.

YAWSHU 11:20

Israela amyu masha ni hpe hkap gasat gwi hkra dai Madu shanhte hpe daw dan shangun wu ai. Shaloi shanhte mahtang atsai awai jahten sharun kau na matu daw dan ai hkrum nna matsan dum myit n rawng ai sha shanhte yawng sat kau ai hkrum na rai ma ai. Ndai gaw dai Madu Mawshe hpe hkang da ai hte maren rai nga ai.

1 SAMUELA 3:14

Dai rai nna, shagu hkungga hte mung, shadung hkungga hte mung ndai hkrit hpa yubak mara hpe galoi mung n shaprai kau lu na sai ngu nna, Eli a dinghku masha ni hpe ngai dagam kau nngai,” ngu nna tsun wu ai.