1 SAMUELA 2:24 - Jinghpaw Common Language Bible 2009

²⁴ Ngai sha yan e, dai zawn re ai lam hpe jahkring kau manu! Ya dai Madu a amyu masha ni tsun kajai nga ai lam gaw hkrit kajawng hpa amu she rai nga ai!

Jinghpaw Hanson Version Bible

²⁴ Dai gaw n mai sai, ngai sha yan e; ngai na ai shi gaw kaja ai shi n rai: Yehowa a masha ni shut mat na hku nan galaw myit hka.

1 SAMUELA 2:24 ပူးပေါင်းရင်းမြစ်များ

1 HKAWHKAM 15:26

Shi a kawa zawn shi a man e dai Madu hpe shut hpyit kau nhtawm Israela masha ni hpe yubak lam de woi sa wa wu ai.

1 HKAWHKAM 15:30

Yeroboam gaw shi shut kau ai yubak mara ni hte shi nan Israela hpe yubak galaw shangun let dai Madu Israela a Karai Kasang hpe masin pawt shangun nga wu ai majaw ndai zawn byin wa nga sai.

2 HKAWHKAM 10:31

Rai ti mung Yehu gaw dai Madu Israela a Karai Kasang a Tara hpe shi a myit masin mahkra hte madat mara nga ai n rai; shing rai na malai, Israela masha ni hpe yubak lam de woi sa ai Yeroboam a arawn alai kasi hta hkan dagraw nang nga wu ai.

PRU MAT 32:21

Shi gaw Arun hpe, “Nang shanhte hpe ndai daram hkrit tsang ra ai yubak galaw shapraw shangun na gaw, dai amyu masha ni nang hpe kaning di kau ma ta?,” ngu nna san wu ai.

MALAHKI 2:8

“Rai ti mung ya chyawm gaw nanhte hkinjawng ni jaw ai lam kaw na yit mat wa manit dai. Nanhte a sharin shaga ai ga gaw masha law law hpe woi shut manit dai. Nanhte hte ngai tawn da ai ga shaka hpe mung run kau manit dai.

MAHTE 18:7

Masha ni hpe makam masham myit kataw shangun ai baw lam ni nga ai majaw, mungkan ga na ni dingnye lu ma ai! Dai zawn re ai lam ni gaw galoi mung byin na ra ai rai ti mung masha hpe makam masham myit kataw shara shabyin ai wa gaw dingnye lu ai.

KASA 6:3

Dai majaw hpu nau ni e, nanhte hta na Chyoi Pra ai Wenyi hte hpaji machye machyang hpring ai marai sanit lata tawn mu. Anhte dai ni hpe dai amu galaw hpajang na matu san da na ga ai.

2 KORINHTU 6:8

Anhte gaw shagrau sha-a ai mung, jahpoi asawng ai mung, shakawn kungdawn ai mung hkrum ga ai. Anhte hpe masu hkalem sha ai masha ni rai ma ai ngu nna shadu ma ai, rai ti mung, anhte gaw teng man ai ga tsun ga ai.

1 TIMOHTI 3:7

Shi gaw sari jahpoi ya ai n hkrum u ga hte Nat a mahkam hta n hkrat bang wa u ga, garai n kam n sham ai masha ni a hkungga lara ai hpe hkam la lu ai masha langai mi rai ang nga ai.

2 PETRU 2:18

Shanhte gaw shut hpyit lam dam mat ai masha hpawng kata na ningnan sha lawt pru magang wa ai ni hpe kaman lila grang ai ga tsun let hkum shan a myit kayut ai lam ni hte hkalum la nna lam woi shadam ma ai.

3 YAWHAN 1:12

Masha shagu gaw Demetri a kaja ai lam hpe sakse hkam nga ma ai. Shi a hkan sa galaw ai lam ni mung dai teng man ai mungga hte bung pre nga ai. Anhte mung sakse hkam jat ga ai rai nna, anhte a sakse hkam ai ga teng nga ai gaw nang chye nga ndai.

SHINGRAN 2:20

Rai ti mung ngai nang hpe mara shagun na lam langai mi mu nngai. Hpa majaw nga yang, nang gaw, tinang dai ‘Karai Kasang kaw na du sa ai kasa rai nngai,’ nga nna tsun ai num Yezebela hpe shi ra ai hku di shangun ai hte hkap la tawn ndai. Shi gaw nye a shangun ma ni hpe hpye ai amu galaw na hte sumla ni hpe nawng ya ai lusha ni hpe sha na lam sharin ya nna, shanhte hpe shut hpyit lam dam shangun mu ai.

1 SAMUELA 2:17

Eli a kasha yan mahtang dai Madu hpe nawng jau ai hkungga ni hpe dai zawn n shagrau hkungga ma ai majaw, shan a yubak gaw dai Madu a man e grai kaba nga malu ai.

1 SAMUELA 2:22

Ya, Eli asak grai kaba ai hte ugut gu sayang she, shi a kasha yan Israela masha ni hpe galaw ai lam magup hte a lam hpe mung, dai Madu a hpung shingkang shanu nga ai Sum de shang wa ai chyinghka lam e amu galaw ai numsha ni hte pyi rau yup nga ma ai lam hpe mung na wu ai.

1 SAMUELA 2:23

Dai rai nna, shi gaw shan hpe, “Nan hpa majaw ndai amu ni hpe galaw nga myit ni? Masha shagu hte mung nan galaw ai n hkru n shawp ai amu a lam ngai hpe tsun dan ma ai.