1 SAMUELA 2:22 - Jinghpaw Common Language Bible 2009

²² Ya, Eli asak grai kaba ai hte ugut gu sayang she, shi a kasha yan Israela masha ni hpe galaw ai lam magup hte a lam hpe mung, dai Madu a hpung shingkang shanu nga ai Sum de shang wa ai chyinghka lam e amu galaw ai numsha ni hte pyi rau yup nga ma ai lam hpe mung na wu ai.

Jinghpaw Hanson Version Bible

²² Ya Eli gaw aprat grai kaba mat sayang, shi a kasha ni Israela amyu masha ni nlang hta galaw ai lam mung, shawa sum chyinghka makau e amu galaw ai num ni hte shut hpyit ai lam mung, na wu ai.

1 SAMUELA 2:22 ပူးပေါင်းရင်းမြစ်များ

NINGPAWT NINGHPANG 35:22

Yaku dai mung hta nga nga yang, Rubin mahtang shi kawa a lashi num Bila kaw shang nna kanawn kau wu ai; dai lam hpe Yaku na wu ai rai nna sindawng kahtet wu ai. Yaku hta shadang sha ni shi lahkawng nga ma ai.

NINGPAWT NINGHPANG 37:2

Da ndai gaw Yaku a dinghku ginru ginsa lam rai nga ai. Yosep gaw asak 17 ning re ai shabrang ma rai nna, shi a kahpu ni hte mung, shi a kawa a lashi num ni rai nga ai Bila hte Zilhpa yan a shadang sha ni hte mung sagu bainam ni rem wu ai.

PRU MAT 38:8

Shi gaw dai Madu a hpung shingkang shanu nga ai Sum chyinghka lam e sa daw jau jau re ai numsha ni lang ai pat jamna ni hpe la nna magri mang ntsin htung hte magri mang shadun ni mung galaw wu ai.

EZEKELA 22:26

Hkinjawng ni mung nye a tara hpe run kau nna, chyoi pra ai arai hpe n gawn n sawn di ma ai. Shanhte gaw chyoi pra ai hte n chyoi n pra ai hpe n ginhka ma ai. Shanhte gaw san seng ai hte n san n seng ai baw ni a shai nga ai lam hpe n sharin ya nga ma ai; Bansa Nhtoi hpe mung hpa zawn n nawn nga ma ai. Dai lam ni a majaw, Israela amyu masha ni gaw ngai hpe hkrit hkungga nga ma ai n rai.

1 SAMUELA 2:23

Dai rai nna, shi gaw shan hpe, “Nan hpa majaw ndai amu ni hpe galaw nga myit ni? Masha shagu hte mung nan galaw ai n hkru n shawp ai amu a lam ngai hpe tsun dan ma ai.

1 SAMUELA 3:13

Shi a kasha yan ngai hpe n shawp ai ga tsun kau manu ai; dai zawn galaw ai hpe Eli chye nga ti mung shan hpe n hkum kau ai majaw shi a dinghku masha ni hpe htani htana ari jaw na ngu nna ngai shi hpe tsun se ai.

1 SAMUELA 8:1

Samuela dingla wa ai shaloi, shi a kasha yan hpe Israela mung hta tara agyi dang da wu ai.