1 SAMUELA 2:2 - Jinghpaw Common Language Bible 2009

² “Kadai mung dai Madu zawn chyoi pra nga ai n rai; shi zawn re ai mi kadai n nga, anhte a Karai Kasang zawn makawp maga la lu ai wa kadai n nga ai.

Jinghpaw Hanson Version Bible

² Yehowa zawn chyoi pra ai kadai n nga ai; Nang hta kaga Karai shaje n nga ai, Anhte Karai Kasang zawn, lunghkrung shaje n nga ai.

1 SAMUELA 2:2 ပူးပေါင်းရင်းမြစ်များ

2 SAMUELA 22:3

Nye a Karai Kasang gaw ngai hpe makawp maga ai wa rai nga ai; shi hte rau rai nga nngai majaw ngai shim nga lu nngai. Shi gaw ngai hpe ninggang langai zawn makawp maga ai hte; shi gaw ngai hpe hkap makawp la ai hte shim hkra tawn da nga ai. Shi gaw ngai hpe hkye hkrang la ai wa rai nga ai; ngai hpe makawp maga la ai hte kashun kashe du daw sai hkaw amu kaw nna mung hkye mawai la nga ai.

2 SAMUELA 22:32

Dai Madu chyu sha Karai Kasang rai nga ai; Karai Kasang chyu sha anhte a dahpran shara rai nga ai.

2 SAMUELA 7:22

Tsaw Htum ai Madu e, nang gaw gade wa galu kaba nga n hka! Nang hte bung ai mi kadai n nga nga ai; nang chyu sha Karai Kasang rai nga ndai gaw anhte tut nawng chye da nga saga ai.

1 HKAWHKAM 8:23

“Dai Madu Israela a Karai Kasang e, sumsing lamu lahta tang e mung, ginding aga a lawu tsang e mung nang zawn re ai karai kasang mi n nga nga a hka! Na a amyu masha ni hte tawn da ai na a ga shaka hpe nang shadik shatup nhtawm nang hpe myit masin mahkra hte hkan sa madat mara let shanhte nga nga mu yang, shanhte hpe na a tsaw ra myit madun dan nga ndai.

SHAKAWN KUNGDAWN 111:9

Shi a amyu masha ni hpe shi shalawt dat nhtawm, htani htana hte seng ai ga shaka hpe shanhte hte shi galaw da nu ai. Shi gaw Chyoi Pra nga ai hte Chyalai n-gun rawng ai wa rai nga ai!

SHAKAWN KUNGDAWN 18:2

Dai Madu gaw ngai hpe makawp maga ai wa rai nna; nye a ngang kang ai hpyen dap shi rai nga ai. Nye a Karai Kasang gaw ngai hpe makawp maga ai wa rai nna, shi hta ngai shim lum nga nngai. Shi gaw ngai hpe ninggang langai mi zawn makawp maga nna, ngai hpe makawp maga ai hte shim hkra bau sin nga ai.

SHAKAWN KUNGDAWN 18:31

Dai Madu shi chyu sha Karai Kasang rai nga ai; Karai Kasang chyu sha anhte a dahpran shara rai nga ai.

SHAKAWN KUNGDAWN 71:19

Karai Kasang e, na a ding man ai lam gaw lamu ni de dep nga ai. Galu kaba ai magam bungli ni hpe nang galaw nit dai, nang zawn re ai wa langai mi mung n nga nga ai.

SHAKAWN KUNGDAWN 71:3

Nye a shim ai shingbyi shara hte n-gun ja ai hpyen dap tai nga nna, ngai hpe makawp maga la e; nang gaw nye a shingbyi shara hte dahpran shara rai nga ndai.

SHAKAWN KUNGDAWN 73:25

Sumsing lamu hta, nang hta kaga ngai kadai hpe Madu shatai na rai nga a ta? Nang nye a Madu rai nga yang, mungkan ga ntsa e, ngai hpa naw ra na rai nga a ta?

SHAKAWN KUNGDAWN 86:8

Madu e, nang hte bung ai karai langai mi mung n nga nga ai. Nang galaw da lu sai amu ni zawn, kadai mung n lu galaw nga ai.

SHAKAWN KUNGDAWN 89:6

Madu e, sumsing lamu hta e, nang hte bung ai wa kadai mung n nga nga ai; sumsing sha ni kadai mung nang hte shabung lu nga ai n rai.

SHAKAWN KUNGDAWN 89:8

Chyahtum Chyalai n-gun rawng ai Madu Karai Kasang e, nang zawn daru magam n-gun rawng ai wa kadai mung n nga nga ai; Madu e, nang gaw lam shagu hta sadi sahka nga ai wa rai nga ndai.

SHAKAWN KUNGDAWN 99:3

Masha shagu hte gaw shi a galu kaba nna, hpung shingkang arawng sadang hte hpring ai mying nsang hpe shakawn na mara ai; shi gaw Chyoi Pra Ai Wa rai nga ai!

SHAKAWN KUNGDAWN 99:5

Dai Madu anhte a Karai Kasang hpe shakawn kungdawn mu; shi a tingnyang man e, nawku daw jau mu! Shi gaw Chyoi Pra Ai Wa rai nga ai!

SHAKAWN KUNGDAWN 99:9

Dai Madu anhte a Karai Kasang hpe shakawn kungdawn mu; shi a chyoi pra ai bum hta nawku daw jau nga mu! Dai Madu anhte a Karai Kasang gaw chyoi pra nga ai.

PRU MAT 15:11

“Madu e, karai ni hta nang zawn re ai wa kadai nga nga a ta? Kadai wa nang zawn chyoi pra ai hta mauhpa amu shadan dan lu a ta? Nang galaw dan ai zawn, lamik kumla ni hte chyalai n-gun hte hpring ai amu hpe kadai wa galaw lu a ta?

ESAIA 40:18

Karai Kasang hpe kadai hte shadawn lu a ta? Shi gaw kadai hte bung nga ai lam nang kaning rai tsun dan lu na n ta?

ESAIA 44:6

Israela hpe up nna makawp maga nga ai dai Madu Chyahtum Chyalai N-gun rawng ai dai Madu gaw ning ngu tsun nga ai: “Ngai gaw shawng ningshawng wa hte ahpang jahtum ngu ai Karai Kasang rai nga nngai; ngai hta lai karai shaje n nga nga ai.

ESAIA 44:8

Nye a amyu masha ni e, hkum hkrit myit! Moi prat kaw nna ya du hkra na lam hpe nang chye ndai. Ngai gaw hpa byin wa sai lam hpe tau tsun da ni ai, nanhte gaw nye a sakse ni rai nga myit dai. Kaga karai shaje nga nga a ni? Ngai galoi mung n na yu ai daru magam n-gun rawng ai karai nga nga a ni?

ESAIA 57:15

“Ngai gaw htani htana agrin nga ai matsaw ntsa na chyoi pra ai Karai Kasang rai nga nngai. Ngai gaw tsaw nna chyoi pra ai shara hta nga nngai, rai ti mung ngai gaw shagrit shanem ai hte myit malai lu ai ni hte rau mung nga nngai, shaloi ngai gaw shanhte a kam hpa shara hte myit mada shara hpe bai jaw ya lu nngai.

ESAIA 6:3

Shanhte langai hte langai gaw ning ngu nna tsun jahtau ma ai: “Chyoi pra, chyoi pra, chyoi pra! Chyahtum Chyalai N-gun rawng ai dai Madu gaw chyoi pra nga ai! Shi a hpung shingkang gaw mungkan ga hta hpring nga ai.”

YEREMIA 10:6

Madu e, nang hte bung ai wa langai mi mung n nga nga ai; nang gaw chyalai n-gun rawng ai wa rai nga ndai, na a amying nsang gaw galu kaba ai hte daru magam n-gun rawng nga ai.

JAW JAU 11:44

Ngai gaw dai Madu nanhte a Karai Kasang rai nga nngai hte chyoi pra nga nngai majaw nanhte mung tinang hkum hpe shachyoi shapra lu na rai myit dai.

JAW JAU 11:45

Ngai gaw nanhte hpe Egutu mung kaw na woi shapraw wa ai dai Madu rai nga nngai; nanhte a Karai Kasang ngai tai lu ni ai; ngai gaw chyoi pra nga nngai majaw nanhte mung chyoi pra lu na rai myit dai.

JAW JAU 19:2

Israela shawa hpung ting hpe, “Chyoi pra nga mu, hpa majaw nga yang ngai gaw dai Madu nanhte a Karai Kasang rai nna chyoi pra nga nngai.

ROMA 15:4

Chyum Laika hta ka da mada hte gaw anhte hpe sharin achyin na matu rai nga ai. Shing rai anhte gaw Chyum Laika hta na lu la ai hkam sharang ai lam hte myit n-gun lu la shangun ai lam a majaw myit mada shara lu la na lam rai nga ai.

ROMA 4:8

Yubak mara ni hpe Madu e matsing da n hkrum ai ni gaw a lu ma ai!,” nga ai.

TARA JAHPRANG 3:24

nang galaw nga ai galu kaba ai hte mauhpa amu ni, ngai hpe chyu sha nang madun hpang nit dai hpe gaw ngai chye nngai. Nang galaw shapraw dan sai daru magam n-gun hte hpring ai amu ni hpe galaw lu ai karai gaw sumsing lamu e mung, ginding aga ntsa e mung kadai n nga nga sai!

TARA JAHPRANG 32:20

Shi gaw, ‘Ngai shanhte hpe kachyi mi pyi karum la na nngai n rai,’ ngu nna tsun wu ai; ngai gaw ndai du ja let sadi n dung ai amyu masha ni hta hpa byin wa na lam yu yu na we ai.

TARA JAHPRANG 32:39

“‘Ngai hte ngai chyu sha Karai Kasang rai nga nngai; karai shaje kadai mung karai jet n rai nga ai. Ngai sat nna ngai jahkrung nngai, ngai jahpye nna ngai shamai nngai; ngai galaw ai lam hpe kadai e mung ninghkap lu ai n rai.

TARA JAHPRANG 32:4

“Dai Madu gaw chyalai n-gun hte hpring ai nanhte a dahpran shara rai nga ai; shi a lam yawng mayawng hkum tsup nna ding hpring nga ai. Nanhte a Karai Kasang gaw sadi sahka hte teng man nga ai rai nna shi galaw ai amu teng man ai hte rap ra nga ai.

TARA JAHPRANG 4:35

Dai Madu chyu sha Karai Kasang rai nga ai hte shi hta kaga karai shaje n nga nga ai hpe sakse hkam na matu, dai Madu gaw ndai lam madun dan nu ai.

TARA JAHPRANG 4:39

Dai rai nna dai Madu gaw sumsing lamu hte ginding aga ntsa na Karai Kasang rai nga ai hpe myit dum ai hte galoi mung hkum malap kau nga myit. Karai shaje n nga nga ai.

1 PETRU 1:16

Dai Chyum Laika hta mung, “Ngai chyoi pra nga nngai majaw, nanhte mung chyoi pra nga mu,” nga nna ka da nga ai.