1 SAMUELA 2:17 - Jinghpaw Common Language Bible 2009

¹⁷ Eli a kasha yan mahtang dai Madu hpe nawng jau ai hkungga ni hpe dai zawn n shagrau hkungga ma ai majaw, shan a yubak gaw dai Madu a man e grai kaba nga malu ai.

Jinghpaw Hanson Version Bible

¹⁷ Shing rai dai hkinjawng shabrang ni gaw, Yehowa man e yubak nachying kaba ai ni rai ma ai: kaning rai nme law, shan gaw Yehowa hpe jaw jau ai lam jahpoi kau mu ai.

1 SAMUELA 2:17 ပူးပေါင်းရင်းမြစ်များ

NINGPAWT NINGHPANG 10:9

Dai Madu a karum la ai gawp e, shi gaw jaugawng kaba rai nga ai rai nna masha ni mung, “Dai Madu gaw nang hpe Nimrod zawn jaugawng kaba shatai u ga!,” nga nna tsun ma ai.

NINGPAWT NINGHPANG 13:13

dai Madu hpe yubak tawt lai ai masha ni shanu nga ai Sodom mare makau du hkra sum ni gap da nga wu ai.

NINGPAWT NINGHPANG 6:11

Rai ti mung shinggyim masha shagu gaw Karai Kasang a man e n hkru nga ma ai hte kashun kashe du daw sai hkaw amu gaw shara shagu hkan chyam bra nga ai.

2 HKAWHKAM 21:6

Shi gaw shi a kasha hpe wan nat hkungga jaw jau nna shaba wawt ai hte mandan lakle amu galaw nhtawm gumhpan hpan ai ni hte nat num ni hpe ga san san let bawng yu nga ai. Shi gaw dai Madu hpe shut hpyit mara kaba galaw nna masin pawt shangun nga ai.

SHAKAWN KUNGDAWN 51:4

Ngai nang hpe yubak galaw shut kau ni ai- nang hpe chyu sha shut kau ni ai. Nang myit yu ai n hkru n shawp ai lam hpe ngai galaw shut kau ni ai. Dai majaw, ngai hpe tara jeyang ai hta nang gaw teng man nga ndai; ngai hpe daw dan jeyang ai hta nang ding hpring nga ndai.

ESAIA 3:8

Rai sa, Yerusalem gaw dingnye lu nga sai! Yuda gaw kadawng mat sai! Shanhte tsun ai hte galaw ai lam magup gaw dai Madu hte nhtan shai nga ai; shanhte gaw Karai Kasang hpe nan dan dan leng leng n kaw n law di ma ai.

MALAHKI 2:13

Ndai gaw nanhte galaw ai kaga amu rai nga ai. Nanhte gaw dai Madu a tawn hkungri hpe myi prwi, hkrap ngu hkrap ngoi hte madai nna ka-up da myit dai, hpa majaw nga yang nanhte shi hpang de la sa ai shagu hkungga ni hpe loi mi mung hkap la ai n rai.

MAHTE 18:7

Masha ni hpe makam masham myit kataw shangun ai baw lam ni nga ai majaw, mungkan ga na ni dingnye lu ma ai! Dai zawn re ai lam ni gaw galoi mung byin na ra ai rai ti mung masha hpe makam masham myit kataw shara shabyin ai wa gaw dingnye lu ai.

1 SAMUELA 2:16

Lama rai nna masha dai wa, “Sau man shawng nat nawng ai hte teng man ai hku galaw lu n-ga; dai hpang mahtang nang ra ai made la u,” ngu nna htan wu yang, dai hkinjawng wa a shangun ma mahtang, “N rai law! Ngai hpe ya jang jaw rit! Nang n jaw ai rai yang, dai hpe ngai kashun la na nngai!,” ngu nna tsun tsun rai ma ai.

1 SAMUELA 3:13

Shi a kasha yan ngai hpe n shawp ai ga tsun kau manu ai; dai zawn galaw ai hpe Eli chye nga ti mung shan hpe n hkum kau ai majaw shi a dinghku masha ni hpe htani htana ari jaw na ngu nna ngai shi hpe tsun se ai.