1 SAMUELA 2:16 - Jinghpaw Common Language Bible 2009

¹⁶ Lama rai nna masha dai wa, “Sau man shawng nat nawng ai hte teng man ai hku galaw lu n-ga; dai hpang mahtang nang ra ai made la u,” ngu nna htan wu yang, dai hkinjawng wa a shangun ma mahtang, “N rai law! Ngai hpe ya jang jaw rit! Nang n jaw ai rai yang, dai hpe ngai kashun la na nngai!,” ngu nna tsun tsun rai ma ai.

Jinghpaw Hanson Version Bible

¹⁶ Dai wa gaw, “Sau man naw nat nawng kau n ga; dai hpang ra ai made la u,” ngu mu timung, “N rai, ya she jaw rit, dai n rai, kashun la na nngai,” ngu nna tsun tsun di nu ai.

1 SAMUELA 2:16 ပူးပေါင်းရင်းမြစ်များ

NEHEMIA 5:15

Nye a shawng e rung dung ai munggyi shagu gaw amyu masha ni hpe lit li gun shangun ma ai rai nna, lusha hte sabyi ntsin a matu lani mi gumhpraw dengga mali shi shi hpyi la ya ma ai. Shanhte a shangun ma ni du hkra, amyu masha ni hpe dip gamyet sha lai wa masai. Rai ti mung ngai gaw Karai Kasang hpe shagrau sha-a nngai majaw dai hte shai ai hku ngai galaw nngai.

JAW JAU 3:16

Dai Madu gaw lusha hkungga hpe awng sharawng nga ai rai nna hkinjawng wa gaw dai yawng hpe tawn hkungri ntsa e nat nawng na rai wu ai. Sau yawng mung dai Madu a matu rai nga ai.

MIHKA 3:5

Nye a amyu masha ni hpe masu hkalem ai myihtoi ni gaw shanhte hpe jaw ya ai ni hpe ngwi pyaw sim sa lam lu na ga sadi jaw ma ai, rai ti mung jaw ya ai lam n nga ai ni a matu gaw majan hte jahkrit shama hkrum nga ai. Dai zawn re ai myihtoi ni hpe dai Madu gaw,

TARA AGYI 18:25

Dan a masha ni mung, “Nang hpa mung n shaga ai nga yang grau kaja na ndai; ndai masha ni masin pawt wa nna nang hpe htim gasat kau na mara ai. Shaloi nang hte na a dinghku masha ting si mat na rai myit dai,” ngu nna tsun ma ai.

1 SAMUELA 2:15

Dai sha n-ga, sau man garai n nat nawng yang, hkinjawng wa a shangun ma sa nhtawm dai shagu hkungga nawng ya ai wa hpe, “Hkinjawng wa a matu kakang na shan loi mi jaw rit; nang kaw na shadu da sai shan n la mayu ai, shan katsing chyu sha ra ai da,” ngu nna tsun tsun di ma ai.

1 SAMUELA 2:17

Eli a kasha yan mahtang dai Madu hpe nawng jau ai hkungga ni hpe dai zawn n shagrau hkungga ma ai majaw, shan a yubak gaw dai Madu a man e grai kaba nga malu ai.