1 SAMUELA 2:12 - Jinghpaw Common Language Bible 2009

¹² Eli a shadang sha yan gaw n shawp n kap nga ma ai rai nna, dai Madu hpe mung,

Jinghpaw Hanson Version Bible

¹² Eli a kasha ni chyawm gaw n shawp n kap ai masha rai ma ai; shanhte Yehowa hpe n chye ma ai.

1 SAMUELA 2:12 ပူးပေါင်းရင်းမြစ်များ

1 HKAWHKAM 21:10

Karai Kasang hpe mung, hkawhkam wa hpe mung matsa kau nga ndai ngu, shi a man e mara shagun na masha gumbyak lahkawng hpe tawn da mu. Dai hpang mare shinggan de woi shapraw mat wa nhtawm nlung hte kabai sat kau na rai myit dai.”

1 HKAWHKAM 21:13

Dai hpang masha gumbyak lahkawng yan gaw Karai Kasang hpe mung, hkawhkam wa hpe mung matsa kau ai ngu nna Nabot hpe shawa man e mara shagun da mu ai. Shing rai mare shinggan de shi hpe woi shapraw mat wa nhtawm nlung hte kabai sat kau mu ai.

YEREMIA 2:8

Hkinjawng ni gaw, ‘Dai Madu gaw kanang rai nga a ta?,’ nga nna san ma ai n rai. Nye a hkinjawng majing ni ngai hpe n chye ma ai. Mung du ni ngai hpe gumlau ma ai; myihtoi ni gaw Bala a mying hta ga shaga ai hte akyu n jaw ai hpara sumla ni hpe nawku ma ai.

YEREMIA 22:16

Shi gaw matsan mayan masha ni hpe rap ra ai tara hku jeyang ai rai nna lam shagu gaw mai kaja nga ai. Dai gaw dai Madu hpe chye chyang na matu lachyum shapraw dan nga ai.

YEREMIA 9:3

Shanhte gaw tut nawng masu magaw ga tsun na jin jin rai ma ai; teng man ai a malai n ding n man ai hte mungdan up ma ai. Dai Madu gaw, “Nye a amyu masha ni n hkru ai amu langai hpang langai galaw nna ngai hpe mung shanhte a Karai Kasang hku n yin la ma ai,” ngu nna tsun ai.

EZEKELA 22:26

Hkinjawng ni mung nye a tara hpe run kau nna, chyoi pra ai arai hpe n gawn n sawn di ma ai. Shanhte gaw chyoi pra ai hte n chyoi n pra ai hpe n ginhka ma ai. Shanhte gaw san seng ai hte n san n seng ai baw ni a shai nga ai lam hpe n sharin ya nga ma ai; Bansa Nhtoi hpe mung hpa zawn n nawn nga ma ai. Dai lam ni a majaw, Israela amyu masha ni gaw ngai hpe hkrit hkungga nga ma ai n rai.

YAWHAN 16:3

Shanhte gaw nye Wa hpe mung, ngai hpe mung, n chye ma ai majaw, ndai lam ni nanhte hpe di na mara ai.

YAWHAN 17:3

Htani htana asak ngu ai chyawm gaw, langai sha rai nga ai, teng man ai Karai Kasang hpe mung, nang shangun dat ai Yesu Hkristu hpe mung, chye chyang lu ai hpe ngu ai rai nga ai.

YAWHAN 8:55

Rai ti mung nanhte shi hpe n chye myit dai, ngai chyawm gaw chye nngai. Lama shi hpe n chye nngai ngu yang gaw, nanhte zawn masu ai wa ngai rai na ra ai. Rai ti mung ngai shi hpe chye nga nngai rai nna, shi a ga hpe madat mara hkan sa nga nngai.

ROMA 1:21

Shanhte gaw Karai Kasang hpe chye chyang ninglen Karai Kasang hpe shagrau sha-a ang ai hte maren, n shagrau sha-a ma ai, chyeju jawm shakawn kung dawn ai lam n galaw ma ai, shanhte a myit mang ai lam gaw, lachyum n pru kaman li la sha rai mat malu ai majaw, shanhte a htauli htaula myit kaja ai myit masin ni gaw sin mak ai hte hpring chyat nga malu ai.

2 KORINHTU 6:15

Hkristu hte Satan kaning rai myit mang hkrum lu ma ta? Kam sham ai wa langai mi gaw n kam n sham ai wa langai mi hte kaning rai shabung nna nga lu na rai ta?

TARA JAHPRANG 13:13

lachyum n pru ai masha amyu nkau mi mahtang shawng de nanhte kalang mi mung n nawku yu ai karai ni hpe nawku ga nga, shanhte a mare masha ni hpe lam woi shadam kau ai shiga na lu na rai myit dai.

TARA JAHPRANG 13:14

Nanhte gaw dai zawn re ai ashin na dam yang, dai hpe atsawm sha sawk sagawn mu; dai lam teng ai rai yang dai n hkru ai amu byin nga sai,

TARA AGYI 19:22

Shanhte gaw apyaw sha nga nga ma yang, dai mare na n hkru n hkra ngang gayut ai masha nkau mi gaw dai hpe sa wang nhtawm nta chyinghka ni hpe sa adup hpang ma ai. Shanhte gaw dai dingla wa hpe, “Nang hte rau nta de shang wa sai masha wa hpe shapraw ya mi! Anhte shi hte nga sha mayu ga ai!,” ngu nna tsun ma ai.

TARA AGYI 2:10

Dai ban prat ting na ni mung si htum mat nna htawm hpang na ban prat masha ni gaw dai Madu Israela a matu hpa galaw nu ai hpe mung malap kau ma ai.

1 SAMUELA 10:27

Rai ti mung, masha gumbyak nkau mi mahtang, “Ndai masha wa sha mi anhte hpe kaning rai mai kaja lam galaw ya lu na rai nga a ta?,” ngu nna tsun ma ai. Shanhte gaw shi hpe n kaw n law di mu ai hte kumhpa hpa mung n sa sak jaw ma ai.

1 SAMUELA 25:17

Chyeju hte ndai lam hpe myit yu nna kaning rai galaw na lam daw dan hparan ya mi. Ndai amu gaw anhte a madu hte shi a dinghku masha ni yawng a matu tsin-yam tsindam shapraw ya lu nga ai. Shi mahtang grai n hkru ai wa rai nna kadai tsun ai ga hpe mung n kaw madat ya nga ai!,” ngu nna tsun wu ai.

1 SAMUELA 3:13

Shi a kasha yan ngai hpe n shawp ai ga tsun kau manu ai; dai zawn galaw ai hpe Eli chye nga ti mung shan hpe n hkum kau ai majaw shi a dinghku masha ni hpe htani htana ari jaw na ngu nna ngai shi hpe tsun se ai.