1 SAMUELA 2:11 - Jinghpaw Common Language Bible 2009

¹¹ Dai hpang, Elakana gaw Rama shara e nga ai shi a nta de nhtang mat wa ti mung, ma Samuela chyawm gaw Shilo mare e nga let, hkinjawng Eli a npu hta nga nhtawm dai Madu hpe daw jau nga ai.

Jinghpaw Hanson Version Bible

¹¹ Dai ngut jang, Elakana gaw, Rama shara e nga ai shi a nta de bai wa nna, ma dai mung, hkinjawng Eli man e, Yehowa kaw amu gun hpai nga ai.

1 SAMUELA 2:11 ပူးပေါင်းရင်းမြစ်များ

1 SAMUELA 1:1

Ehprim amyu bawsang hta na Elakana mying ai wa langai mi gaw Ehprim bum ga na Rama mare hta nga nga ai. Shi gaw Zuhpa lakung lama na Tohu a dinghku hte seng ai Elihu a kashu, Yeroham a kasha rai nga ai.

1 SAMUELA 1:19

Hpang jahpawt e, Elakana hte shi a dinghku masha ni jau jau rawt nna, dai Madu hpe nawku ngut jang, Rama mare na nta de bai wa mat ma ai. Elakana mung shi a madu jan Hana hte kanawn wu ai rai nna dai Madu gaw shi a akyu hpyi ga hte maren htan ya wu ai.

1 SAMUELA 1:28

Dai rai nna, dai Madu a lata de shi hpe ngai ap nawng ya nga nngai. Shi ahkrung nga dingsa dai Madu a matu rai nga na rai wu ai,” ngu nna tsun wu ai. Dai hpang, dai yang e dai Madu hpe shanhte nawku ma ai.

1 SAMUELA 2:18

Ndai aten hta, dai ma Samuela gaw chyoi pra ai lachyit hpa hkai lawng hpun let dai Madu hpe matut nna daw jau wu ai.

1 SAMUELA 3:1

Ma Samuela gaw Eli a matsun madun ai hku dai Madu hpe daw jau nga ai dai prat e, dai Madu kaw na mungga ni nau wa n pru, shi kaw na shingran ni mung nau wa n du rai nga ai.

1 SAMUELA 3:15

Samuela gaw jahpawt du hkra yup ra e nga nga wu ai; dai hpang shi rawt nhtawm dai Madu a nta chyinghka ni hpe hpaw wu ai. Dai shingran Eli hpe tsun dan na shi hkrit nga ai.

1 SAMUELA 7:17

Dai hpang, Rama mare na shi a dum nta de nhtang wa nhtawm dai kaw mung tara agyi amu wa galaw ya nga ai. Shi gaw dai Madu a matu tawn hkungri langai Rama mare e gaw da nga ai.