1 SAMUELA 2:10 - Jinghpaw Common Language Bible 2009

¹⁰ Dai Madu a gumlau hpyen ni gaw jahten kau ai hkrum na mara ai; shi gaw shanhte hpe ninghkap na matu sumsing lamu kaw na mu shangoi dat ya na ra ai. Dai Madu gaw mungkan ga ting hpe tara jeyang na ra ai; shi gaw shi a hkawhkam wa hpe daru magam n-gun jaw na ra ai, shi gaw shi lata la sai hkawhkam wa hpe awng padang lu shangun na ra ai.”

Jinghpaw Hanson Version Bible

¹⁰ Yehowa hpe daw ai ni, agrawp kau ai hkrum na mu ai; shanhte a ntsa e mu shangoi dat na wu ai: Yehowa lamu ga htum hkra tara dara nna shi a hkawhkam wa hpe n-gun shaja na wu ai, Shi a Namman chya ai wa a nrung sharawt ya na wu ai,” nga nna shakawn wu ai.

1 SAMUELA 2:10 ပူးပေါင်းရင်းမြစ်များ

2 SAMUELA 22:14

Shaloi dai Madu gaw sumsing lamu kaw nna mu shangoi dat ai majaw, Chyahtum Chyalai N-gun Rawng Ai Karai Kasang a nsen na lu nga ai.

2 SAMUELA 7:13

Shi mahtang she nye a matu htingnu gap ai wa rai na ra ai; shi a magam tingnyang hpe teng teng htani htana ngai shagrin da ya na we ai.

2 SAMUELA 7:8

“Dai re ai majaw Chyahtum Chyalai N-gun rawng ai Ngai Madu nan shi hpe tsun ai ga, nye a shangun ma Dawi hpe tsun su, ‘Nang gaw yi sun hkauna hkan sagu naw rem nga ai kaw na ngai nang hpe shaw la nhtawm, Israela amyu masha ni hpe up hkang ai du aya nang hpe jaw ni ai.

YOBA 40:9

Nang gaw ngai zawn n-gun atsam rawng nga n ni? Na a nsen gaw mu ngoi ai nye a nsen zawn ja nga a ni?

SHAKAWN KUNGDAWN 132:17

Dai shara hta, ngai gaw Dawi a aru arat langai ngai hpe hkawhkam kaba shatai na we ai; ngai lata la ai hkawhkam wa a up hkang ai tara hpe dai shara hta grin nga shangun na nngai.

SHAKAWN KUNGDAWN 148:14

Shi gaw shi a amyu baw ni hpe n-gun shaja ya nga ai majaw, shi a amyu masha ni yawng shi hpe shakawn nga ma ai- shi hpe grai tsaw ra ai Israela amyu masha ni mung shi hpe shakawn nga ma ai. Dai Madu hpe shakawn mu!

SHAKAWN KUNGDAWN 2:2

Dai Madu hte shi lata san da ai Hkawhkam wa hpe shanhte a hkawhkam ni gumlau nna, mung du ni mung ninghkap na matu jawm mayun bawng nga ma ai.

SHAKAWN KUNGDAWN 2:6

Shi gaw, “Nye a chyoi pra ai kawng Ziun ntsa e nye a hkawhkam wa hpe arawng aya ngai ap ya ni ai,” nga nna tsun ai.

SHAKAWN KUNGDAWN 2:9

Nang shanhte hpe hpri sumdoi hte shabya kau nna; nang shanhte hpe ga di bu langai mi hpe zawn ahkyep alep rai mat hkra, gamang kau na ndai,’” nga nna tsun ai.

SHAKAWN KUNGDAWN 20:6

Madu shi lata san da sai hkawhkam wa hpe awng padang ninglaw jaw ya nga ai lam, ya ngai chye ni ai; shi gaw shi a chyoi pra ai sumsing lamu kaw nna shi hpe htan ya nga ai hte shi a daru magam n-gun hte shi hpe hkik hkam ai awng padang ninglaw lam ni jaw ya nga ai.

SHAKAWN KUNGDAWN 20:7

Nkau mi shanhte a majan leng ni hte bai nkau mi shanhte a jawn gumra ni hpe kam hpa nga ma ai; rai ti mung, nanhte gaw anhte a Madu Karai Kasang a daru magam n-gun hpe kam hpa nga ga ai.

SHAKAWN KUNGDAWN 21:1

Madu e, nang gaw hkawhkam wa hpe n-gun atsam jaw ya nit dai majaw, shi kabu gara nga ai; nang gaw shi hpe padang ninglaw lu shangun ndai majaw shi kabu gara nga ai.

SHAKAWN KUNGDAWN 28:8

Dai Madu gaw shi a amyu masha ni hpe makawp maga nga ai; lata la hkrum ai shi a hkawhkam wa hpe makawp maga ai hte hkye hkrang la nga ai.

SHAKAWN KUNGDAWN 45:7

ding man ai lam hpe nang tsaw ra nga ai hte, n hkru n shawp ai amu hpa hpe mung n dawng nga ndai. Dai re ai majaw, Karai Kasang na a Karai Kasang gaw nang hpe lata la nit dai; kaga hkawhkam kadai wa hta mung, grau nna kabu gara ai lam, nang hpe jaw ya nga nit dai.

SHAKAWN KUNGDAWN 89:17

Nang anhte hpe awng padang kaba jaw ya nga ndai; na a tsaw ra myit hta, anhte hpe nang awng dang shangun nga ndai.

SHAKAWN KUNGDAWN 89:24

Ngai shi hpe tsaw ra nga nna shi hta sadi dung nga na nngai; ngai shi hpe tut nawng e, awng dang shangun na nngai.

SHAKAWN KUNGDAWN 89:25

Ngai gaw shi a mungdan hpe Ka-ang Panglai kaw nna Uhprat hka nu du hkra maden ya na nngai.

SHAKAWN KUNGDAWN 96:13

Dai Madu gaw mungkan ga hpe up hkang na matu du sa wa ai shaloi, shi gaw mungkan ga na amyu masha ni hpe teng man rap ra ai tara ni hte up hkang na ra ai.

SHAKAWN KUNGDAWN 98:9

kawng ni e shi a man hta, kabu gara ai hte mahkawn jawm mahkawn shakawn nga mu. Shi gaw mungkan ga na amyu masha ni hpe teng man rap ra ai tara hte up hkang na ra ai.

PRU MAT 15:6

“Madu e, na a hkra lata gaw daru magam n-gun hte hkrit hpa wa rai nga ai; dai gaw gumlau hpyen ni hpe agrawp kau nga ai.

HPAJI NINGLI 11:9

Ramma ni e, nanhte a ram prat hpe kabu gara nga mu. Ramma naw rai nga yang kabu gara nga mu. Nang galaw mayu ai amu hpa hpe mung galaw u. Na a myit sharawng awng ai hku hkan u. Rai ti mung nang galaw ai lam a majaw Karai Kasang nang hpe jeyang na ra ai hpe adum nga u.

HPAJI NINGLI 12:14

Karai Kasang gaw anhte galaw ai amu magup hpe kaja ai rai ti mung, n kaja ai rai ti mung, makoi magap da ai amu ni hpe pyi, jeyang na ra ai.

ESAIA 29:6

Chyahtum Chyalai N-gun rawng ai dai Madu gaw mu ngoi kadu ai laru kaba hte nnang nawn ai hte rau nanhte hpe hkye mawai la na ra ai. Shi gaw nbung laru hte wan mawru ni hpe dat dat na ra ai;

ESAIA 32:1

Lani mi na nhtoi hta ding hpring ai myit hte up na hkawhkam langai hte teng man rap ra ai tara hte up hkang na ningbaw ni paw pru wa na mara ai.

ESAIA 45:24

“Shanhte gaw ngai hku nna sha awng padang hte n-gun atsam mu la nga ai; rai ti mung ngai hpe n dawng ai ni yawng gaw kaya kahpa hkrum na mara ai, nga nna tsun na mara ai.

EZEKELA 29:21

“Dai amu byin pru wa ai shaloi, ngai gaw Israela amyu masha ni hpe n-gun shaja shangun nna nang Ezekela hpe mung, masha shagu nang tsun ai ga na lu hkra tsun shapraw shangun na nngai, shaloi shanhte gaw ngai nan dai Madu rai nga nngai hpe chye wa na mara ai.”

MAHTE 25:34

Shaloi dai Hkawhkam wa gaw, shi a hkra maga de nga ai ni hpe, ‘Nye a Wa kaw na shaman ya ai lu la ai ni e! Sa marit! Ginding aga nnan lat kaw nna nanhte a matu lajang tawn da ai mungdan ngu ai sali wunli hpe hkam la mu.

MAHTE 28:18

Yesu gaw sape ni hpang de sit sa wa nna, “Sumsing lamu hta e mung, ginding aga hta e mung, up hkang na ahkang nlang hte ngai hpe ap ya ni ai.

LUKA 1:69

Shi a shangun ma Dawi a aru arat hta na anhte a matu n-gun atsam rawng ai Hkye la Madu jaw ya mani ai.

LUKA 19:27

Dai hta kaga, ya shanhte a ntsa e ngai hkawhkam tai nna up na n ra ai nye a hpyen ni hpe shaga dun wa nna, nye a man e sat kau maru,’ ngu nna hkang dat mu ai.

KASA 10:38

Nazaret wa Yesu gaw Karai Kasang kaw na Chyoi Pra ai Wenyi hte n-gun atsam gara hku hkam la lu ai hpe mung nanhte chye nga myit dai. Karai Kasang gaw Yesu hte rau rai nga ai majaw shi gaw shara shagu kawan katsan hkawm nna masha ni hpe mai kaja ai amu galaw ya let, nat gumlau e zingri zingrat hkrum ai ni yawng mayawng hpe shamai shatsai ya nga ai.

KASA 4:27

Dai hte maren kaja wa teng teng Herod yan Pontu Pilat gaw maigan masha ni, Israela amyu masha ni hte rau Madu a Chyoi pra ai shangun ma rai nga ai, nang Meshia shatai sai Yesu hpe tai ninghkap na matu ndai mare e jawm hpawng nga ma ai.

2 KORINHTU 5:10

Hpa majaw nga yang, anhte nlang hte gaw tara daw dan ai hkrum na matu Hkristu a tingnyang man de dawng pru na rai ga ai. Dai shaloi e anhte langai hte langai gaw, ndai hkum hkrang nta e naw nga nga yang galaw hkawm sa kau sai kaja ai amu, n kaja ai amu a matu ang ai hte maren hkam la shajang na ga ai.

TARA AGYI 5:31

O Madu e, na a gumlau hpyen ni yawng dai zawn si htum mat mu ga law, rai ti mung na a manang ni mahtang rawt lung wa ai ajan zawn htoi tu nga mu ga law! Dai mung hta shaning mali shi ning tup ngwi pyaw sim sa nga sai.

1 SAMUELA 12:13

“Ya chyawm gaw nanhte lata la sai hkawhkam wa ndai yang e nga nga ai; shi hpe nanhte hpyi myit dai majaw dai Madu mung nanhte hpe jaw ya nu ai.

1 SAMUELA 12:17

Ndai aten gaw hkun hkraw ai aten rai nga ai, n rai ni? Rai ti mung dai Madu gaw mu shangoi dat nna marang jahtu dat u ga, ngu nna ngai hpyi dat na nngai. Dai lam byin wa ai shaloi, nanhte shi kaw hkawhkam hpyi ai shaloi, dai Madu hpe nanhte yubak kaba galaw shut kau sai lam rai nga sai hpe nanhte dum chye wa na myit dai.”

1 SAMUELA 12:18

Dai rai nna, Samuela hpyi wu ai hte maren, dai shani e nan dai Madu gaw mu shangoi nna marang jahtu dat wu ai. Shaloi amyu masha ni yawng mung dai Madu hte Samuela hpe hkrit mat ma ai rai nna,

1 SAMUELA 12:3

Ngai gaw nang e nga nga nngai. Ngai gaw lama ma hpe sha pyi galaw shut kau yu ni ai rai yang, ya dai Madu a man e mung, shi lata san da nu ai hkawhkam wa a man e mung ngai hpe mara shagun mi. Kade a dumsu kanu, shing n rai lawze hpe ngai la kau yu a ta? Kadai hpe maw sha yu a ta? Kadai wa hpe dip gamyet sha yu a ta? Kadai kaw na mayun kumhpa hkap la yu a ta? Ndai zawn re ai amu ni hta na langai ngai hpe ngai galaw shut kau ai rai yang, ngai la kau ya ai made, ngai bai nhtang jaw made ga,” ngu nna tsun wu ai.

1 SAMUELA 15:28

Samuela gaw shi hpe, “Dai ni, dai Madu gaw Israela mungdan hpe nang kaw na gang je kau nhtawm, nang hta grau kaja ai masha langai ngai hpe jaw kau nu ai.

1 SAMUELA 16:1

Dai Madu gaw Samuela hpe, “Shawlu a majaw nang kaden du hkra yawn nga na ngu n ta? Ngai shi hpe Israela hkawhkam aya kaw nna jahkrat kau ni ai. Rai ti mung, ya chyawm gaw tsanlun sau loi mi la lang nhtawm Yese mying ai wa nga ai Betlehem mare de sa wa su, hpa majaw nga yang, ngai gaw shi a shadang sha langai mi hpe hkawhkam shatai na san da ni ai,” ngu nna tsun wu ai.

1 SAMUELA 7:10

Samuela gaw dai shagu hkungga hpe nawng nga yang, Hpilisti masha ni mahtang htim gasat na matu shawng de sit lung wa ma ai; rai ti mung hkring mi rai jang dai Madu gaw sumsing lamu kaw na mu gadu shangoi dat wu ai. Shing rai shanhte gaw tsep kawp kashuk kashak byin mat ai hte hkrit kajawng nna hprawng htaw mat wa ma ai.