1 SAMUELA 2:1 - Jinghpaw Common Language Bible 2009

¹ Hana gaw ning ngu akyu hpyi wu ai: “Dai Madu gaw nye a myit masin hpe kabu gara ai lam hte jahpring ya nu ai; shi galaw dan sai amu a majaw ngai kade sha kabu gara nga n hka! Ngai gaw nye a gumlau hpyen ni hpe mani nngai; Karai Kasang ngai hpe karum la nga sai majaw ngai kade sha kabu pyaw nga n hka!

Jinghpaw Hanson Version Bible

¹ Shaloi Hana akyu hpyi let shakawn wu ai gaw, “Nye a myit masin Yehowa hta kabu nga li ai: Yehowa majaw nye a nrung tsaw nga li ai; Shi a hkye hkrang la ai chyeju hta kabu nngai majaw, Nye a hpyen ni a man e ngai grang lu ni ai.

1 SAMUELA 2:1 ပူးပေါင်းရင်းမြစ်များ

2 HKAWHKAM LABAU 20:27

Dai Madu gaw shanhte a gumlau hpyen ni hpe gasat dang kau ya nu ai rai nna Yehoshahpat mung shi a hpyen hpung ni hpe awng padang ninglaw hte Yerusalem mare de bai woi nhtang wa wu ai.

NEHEMIA 11:17

Zabdi a kashu, Mihka a kasha Matina gaw Asap amyu matu langai mi rai nga ai. Shi gaw Nawku Htingnu hta akyu hpyi chyeju shakawn ai hpe woi awn nga ai wa rai nga ai. Bakbukia gaw Matania hpe karum ai wa rai nga ai. Gala a kashu, Shamua a kasha Abda gaw Yeduhtun amyu matu langai mi rai nga ai.

YOBA 16:15

Lachyit sumpan hte galaw ai hpun nba ni bu hpun let ngai yawn madai nngai; ndai yang e, sum kadawng ai myi man hte ga nhpu hta dung nga nngai.

SHAKAWN KUNGDAWN 118:14

Dai Madu ngai hpe daru magam n-gun hte atsam marai jahpring ya nna; shi ngai hpe hkye hkrang la ni ai.

SHAKAWN KUNGDAWN 13:5

Ngai gaw na a dinggrin tsaw ra myit hpe kam hpa nga nngai; nang ngai hpe hkye mawai la na rin dai majaw ngai kabu gara nga na nngai.

SHAKAWN KUNGDAWN 148:14

Shi gaw shi a amyu baw ni hpe n-gun shaja ya nga ai majaw, shi a amyu masha ni yawng shi hpe shakawn nga ma ai- shi hpe grai tsaw ra ai Israela amyu masha ni mung shi hpe shakawn nga ma ai. Dai Madu hpe shakawn mu!

SHAKAWN KUNGDAWN 18:2

Dai Madu gaw ngai hpe makawp maga ai wa rai nna; nye a ngang kang ai hpyen dap shi rai nga ai. Nye a Karai Kasang gaw ngai hpe makawp maga ai wa rai nna, shi hta ngai shim lum nga nngai. Shi gaw ngai hpe ninggang langai mi zawn makawp maga nna, ngai hpe makawp maga ai hte shim hkra bau sin nga ai.

SHAKAWN KUNGDAWN 20:5

Shing rai, anhte gaw na a awng padang a majaw, kabu jahtau nga na ga ai; anhte a Karai Kasang hpe shakawn kungdawn ai hte na a awng padang ninglaw hpe masat poi galaw na ga ai. Na a hpyi lajin ai lam yawng mayawng hte hpe mung Madu htan ya nga u ga law.

SHAKAWN KUNGDAWN 21:2

Shi a myit ra sharawng ai hku, nang lajang ya nit dai; shi a hpyi lajin ai lam ni hpe mung nang htan ya nit dai.

SHAKAWN KUNGDAWN 35:9

Shaloi, dai Madu a majaw ngai kabu gara ai hkrum na nngai; shi ngai hpe hkye hkrang la ni ai majaw ngai kabu gara ai hkrum na nngai.

SHAKAWN KUNGDAWN 51:15

Madu e, ga shaga lu na matu, ngai hpe karum la e; shing rai, ngai nang hpe shakawn na nngai.

SHAKAWN KUNGDAWN 71:8

Ngai nang hpe shani tup shakawn nga na nngai, shing rai, na a hpung shingkang hpe htawn tsun nga na nngai.

SHAKAWN KUNGDAWN 75:10

Tara n lang ai ni a n-gun atsam hpe shi shadaw kau ya na ra ai; rai ti mung, ding hpring ai ni a daru magam n-gun hpe chyawm gaw shi rawt jat kaba shangun na ra ai law.

SHAKAWN KUNGDAWN 89:17

Nang anhte hpe awng padang kaba jaw ya nga ndai; na a tsaw ra myit hta, anhte hpe nang awng dang shangun nga ndai.

SHAKAWN KUNGDAWN 89:18

Madu e, Nang gaw anhte hpe makawp maga la na wa hpe lata da ya nga ndai; Israela a chyoi pra ai Karai Kasang e, nang anhte a matu hkawhkam jaw ya nit dai.

SHAKAWN KUNGDAWN 89:24

Ngai shi hpe tsaw ra nga nna shi hta sadi dung nga na nngai; ngai shi hpe tut nawng e, awng dang shangun na nngai.

SHAKAWN KUNGDAWN 9:14

shaloi, Yerusalem amyu masha ni a man e, ngai rawt tsap lu nna, ngai nang hpe shakawn ai lam yawng mayawng shanhte hpe tsun dan lu na nngai. Nang ngai hpe hkye hkrang la nit dai majaw ngai kabu gara lu na nngai.

SHAKAWN KUNGDAWN 92:10

Nang gaw ngai hpe hpaw lam zawn n-gun shaja ya nna; ngai hpe kabu gara ai hte nang shaman ya nit dai.

PRU MAT 15:1

Dai shaloi Mawshe hte Israela masha ni gaw dai Madu hpe ndai mahkawn ga hte mahkawn mangoi ma ai: “Dai Madu gaw hpung shingkang hte hpring ai awng padang hpe ninglaw nu ai majaw ngai shi hpe mahkawn mangoi na nngai; shi gaw gumra ni hte dai hta jawn ai ni hpe panglai kata de kabai gumpye kau nu ai.

PRU MAT 15:21

Miriam gaw shanhte hpe woi awn let ning ngu mahkawn wu ai: “Dai Madu hpe mahkawn mangoi mu, hpa majaw nga yang, shi gaw hpung shingkang hte hpring ai awng padang hpe ninglaw nu ai; shi gaw gumra ni hte dai hta jawn ai ni hpe panglai hta kabai gumpye bang kau nu ai.”

HABAKU 3:1

Ndai gaw myihtoi Habaku a akyu hpyi ga rai nga ai:

HABAKU 3:18

ngai gaw naw kabu gara ai hte kabu sharawng nga na nngai, hpa majaw nga yang Madu Karai Kasang gaw nye a hkye la madu rai nga ai.

LUKA 1:69

Shi a shangun ma Dawi a aru arat hta na anhte a matu n-gun atsam rawng ai Hkye la Madu jaw ya mani ai.

ROMA 5:11

Dai hta n ga ya anhte hpe Karai Kasang hte htinglu htinglai nna jinghku tai shangun ai Madu Yesu Hkristu a marang e Karai Kasang anhte hta galaw dan sai amu a majaw anhte kabu gumrawng nga ga ai.

TARA JAHPRANG 33:17

Usu n-gun mung, hpawlam nrung mung Yosep hta rawng nga ai; Shi a nrung gaw Manashe a matu hkying hkying rai nna, Ehprim a matu mun mun rai nga ai. Dai ni hte masha amyu ni hpe daru nna, lamu ga htum hkra dai ni hpe kanawng sit kau na mu ai.”

HPILIPI 3:3

Matu gadoi hkam ai lam majing hpe hkam la ai ni gaw shanhte n rai, anhte she rai nga ga ai. Hpa majaw nga yang, anhte gaw Karai Kasang hpe shi a Wenyi hte nawku daw jau nna Hkristu Yesu hta langai sha tai lu ai asak hkrung lam hta kabu gumrawng ai ni rai ga ai. Anhte gaw shinggan maka kumla shadik poi ni hta n kam hpa ga ai.

HPILIPI 4:4

Dai Madu hta nanhte tut nawng e kabu gara nga myit ga, bai ngai tsun nngai, kabu gara nga mu.

HPILIPI 4:6

Hpa lam hta mung myit hkum ru hkum tsang nga myit; lam shagu hta akyu hpyi nna tawng ban ai hte chyeju dum ai myit masin hte shakawn kungdawn let nanhte a ra mara hpe Karai Kasang kaw shana ya mu.

1 PETRU 1:8

Nanhte gaw Yesu hpe n mu yu myit ti mung, shi hpe tsaw ra nga manit dai; shi hpe n mu yu myit ti mung, shi hpe kam sham nga manit dai. Dai rai nna nanhte gaw n-gup aga hte tsun n dang lu hkra re ai kabu gara ai lam kaba hte kabu gara nga lu manit dai.

SHINGRAN 18:20

Sumsing na ni e, dai mare hten mat ai majaw kabu mu! Karai Kasang a masha ni e, kasa ni hte myihtoi ni e, kabu gara nga mu! Hpa majaw nga yang, nang hpe di ai lam yawng a matu Karai Kasang gaw dai mare hpe tara daw dan nu ai! nga nna tsun ai ngai na nngai.

1 SAMUELA 1:6

Dai Madu shi hpe maudung dung shangun wu ai majaw, shi hpe shingjawng kashun ai Penina mahtang shi hpe myit machyi hkra nni nkri jaw nhtawm roi rip shatsang wu ai.

1 SAMUELA 1:7

Ndai lam shaning shagu abyin nga ai rai nna, dai Madu a nta de shanhte lung wa ai shaloi, Penina mahtang Hana hpe nau wa roi shatsang nga ai majaw shi hkrap ai hte lusha hpa mung n sha wu ai.