1 SAMUELA 19:6 - Jinghpaw Common Language Bible 2009

⁶ Yonahtan tsun ai ga a majaw Shawlu myit hkawn wa nhtawm, Dawi si lu na wu ai n rai, ngu nna dai Madu a mying ningsang hta dagam shaka da wu ai.

Jinghpaw Hanson Version Bible

⁶ Shawlu mung Yonahtan ga madat wu ai rai nna, “Yehowa nga nga ai hte maren, shi si lu na n rai,” ngu nna dagam wu ai.

1 SAMUELA 19:6 ပူးပေါင်းရင်းမြစ်များ

SHAKAWN KUNGDAWN 15:4

Shi gaw Karai Kasang hpe nyet kau ai ni hpe matsat nga ai; Madu a ga madat mara ai ni hpe shagrau sha-a nga ai. Ga sadi shatup na matu kade wa yak hkra rai ti mung, shi jaw da ai ga sadi ni hpe tut nawng e galaw shatup nga ai.

GA SHAGAWP 31:8

“Tinang a lam n lu shaga ai ni a matu tsun ya u; karum la na masha n lu ai ni yawng a ahkaw ahkang hpe makawp maga ya u.

YEREMIA 5:2

Nang gaw dai Madu hpe nawku na matu tsun tim pyi, nang tsun ai ga hpe nang lachyum n shapraw nga ndai.

1 SAMUELA 14:39

Nye a kasha Yonahtan hta ang wa tim, mara shut ai wa gaw sat kau ai hkrum na rai nga ai, ngu nna Israela hpe awng padang jaw ya ai dai ahkrung nga ai dai Madu hta ngai ga sadi tawn da nngai,” ngu nna tsun wu ai. Rai ti mung, dai hpe kadai mung n tsun gwi ma ai.

1 SAMUELA 19:5

Shi gaw asak dan nna Goliat hpe sat kau nu ai majaw sha, Israela a matu awng padang kaba dai Madu jaw ya mani ai. Dai lam hpe nang mu nit dai shaloi kabu gara nga ndai. Dai rai yang, ndai hpa mara mung n shut, hpa mara mung n kap re ai Dawi hpe mara kata e hpa majaw shi hpe sat kau mayu nga n ni?,” ngu nna tsun wu ai.

1 SAMUELA 19:7

Dai rai nna Yonahtan gaw Dawi hpe shaga la nhtawm dai lam mahkra shi hpe tsun dan wu ai; shaloi Yonahtan mung Dawi hpe Shawlu hpang de woi wa nna, shawng na zawn hkawhkam wa hpe daw jau nga wu ai.

1 SAMUELA 28:10

Dai hpang Shawlu gaw chyoi pra ai ga shaka hpe dagam shaka let, dai numsha hpe, “Dai lam a majaw nang hta ari n hkrum sha u ga, ahkrung nga ai dai Madu hta ngai ga sadi tawn da nngai,” ngu nna tsun wu ai.