1 SAMUELA 19:4 - Jinghpaw Common Language Bible 2009

⁴ Yonahtan gaw Dawi hpe shakawn let Shawlu hpe, “Madu e, na a shangun ma Dawi hpe n galaw shut kau u ga law. Shi nang hpe galoi mung n galaw shut kau yu wu ai; shing re ai nhtan shai ai amu galaw na malai, shi galaw nu ai lam magup chyawm gaw nang hpe karum la ai lam kaba nga wu ai.

Jinghpaw Hanson Version Bible

⁴ Shaloi Yonahtan gaw, kawa Shawlu kaw Dawi hpang de maga nna tsun wu ai gaw, “Hkawhkam wa gaw shi a mayam Dawi hpe n shut u ga: shi nang hpe hpa n shut ai; shi galaw ai chyeju mung nang hta grai kaba sai:

1 SAMUELA 19:4 ပူးပေါင်းရင်းမြစ်များ

NINGPAWT NINGHPANG 42:22

Rubin chyawm gaw, “Ma hpe n machyi shangun na matu, ngai tsun ni ai; rai ti mung, nanhte mahtang n madat ya myit dai. Shi a si hkrung si htan a matu, ya anhte ari jaw ai hkrum nga saga ai,” ngu nna tsun wu ai.

NINGPAWT NINGHPANG 9:6

Karai Kasang gaw shinggyim masha hpe shi hte maren bung hkra hpan da nga sai, dai rai nna masha langai ngai hpe sat ai wa kadai rai ti mung shi hkum hpe marai langai ngai e sat kau ai hkrum nga u ga.

2 HKAWHKAM LABAU 6:22

“Masha langai gaw kaga langai wa hpe shut hpyit nna mara shagun hkrum ai hte ndai Nawku Htingnu kata na, na a tawn hkungri de woi sa nhtawm shi mara n kap nga ai hpe sa dagam yang,

SHAKAWN KUNGDAWN 35:12

Shanhte gaw kaja ai amu a matu, n hkru ai hte ngai hpe bai nhtang tai ma ai; ngai myit htum nga nngai.

GA SHAGAWP 17:13

Kaja ai a malai, n kaja ai hpe nang htang jaw ai rai yang, n kaja ai gaw na a nta kaw nna galoi mung shapraw kau lu na n rai.

YEREMIA 18:20

Mai kaja ai lam hpe n hkru n kaja ai hte htang mai nga a ni? Shanhte mahtang ngai di hkrat bang na nye a matu nhkun htu manu ai. Shanhte hpe nang sindawng kahtet mat hkra, shanhte a malai ngai nang kaw kaning rai du sa ai hte tsun shaga ai ga ni hpe adum nga u.

1 KORINHTU 8:12

Ndai hku nna nanhte gaw tinang a Hkristan hpu nau wa hpe shut nna n-gun kya ai htauli htaula myit hpe hkala nba machyi hkrum shangun myit yang gaw, nanhte Hkristu hpe shut hpyit nga myit dai.

1 YAWHAN 3:15

Shi a kahpu kanau wa hpe n dawng n yawt ai wa kadai rai ti mung, masha hpe sat kau ai wa rai nga ai. Masha hpe sat kau ai wa gaw shi hta htani htana asak n lu la ai hpe nanhte chye nga myit dai.

1 SAMUELA 2:25

Masha shada da shut hpyit ai rai yang, Karai Kasang hkap makawp ya lu ti mung, Karai Kasang hpe shut hpyit ai rai yang, kadai wa hkap makawp la lu nga a ta?,” ngu nna tsun wu ai. Rai ti mung shan mahtang kawa a ga n madat ma ai majaw, shan hpe sat kau na matu dai Madu daw dan kau nu ai.

1 SAMUELA 20:32

Yonahtan gaw, “Shi hpa majaw si na rai ta? Shi hpa shut kau sata?,” ngu nna tsun htang wu ai.

1 SAMUELA 22:14

Ahimelek mung, “Na a masha ni hta Dawi gaw sadi dung htum ai du rai nga ai! Shi gaw na a kahkri rai nna, nang hpe makawp maga ya ai du wa rai nga ai; shi gaw hkawhkam hkaw hta mung masha shagu a shagrau hkungga kaba hkam la hkrum ai wa rai nga ai.