1 SAMUELA 19:21 - Jinghpaw Common Language Bible 2009

²¹ Shawlu dai lam na ai shaloi, kasa ni hpe jat nna shangun dat wu ai, shanhte mung ka let jahtau garu hpang wa ma ai. Masum lang ngu na kasa ni hpe bai shangun dat wu yang, shanhte hta mung dai zawn sha a byin nga ma ai.

Jinghpaw Hanson Version Bible

²¹ Dai lam Shawlu na jang shangun ma kaga bai shangun dat wu ai, dai ni mung myihtoi htoi lawm mat ma ai. Masum lang ngu na hta bai shangun yang mung, dai zawn htoi mat ma ai.

1 SAMUELA 19:21 ပူးပေါင်းရင်းမြစ်များ

GA SHAGAWP 27:22

Angawk ai wa hpe si na daram nang gayat tim shi a angawk ai myit hpe nang gayat shapraw kau ya lu nga ai n rai.

YEREMIA 13:23

Ehtiopi masha gaw shi a hkum hpyi hpe, rawnggawk gaw shi a ateng apang re ai hpe galai kau lu nga a ni? Shanhte galai kau lu ai rai yang, nang hpa n galaw ra nga ndai rai ti mung, n hkru ai amu galaw lu ai wa gaw jaw ai amu galaw na matu sharin la lu nga ai.

YOELA 2:28

“Dai hpang, ngai gaw masha shagu a ntsa e nye a wenyi ru bun na nngai; na a shayi shadang sha ni nye a mungga hkaw tsun na mara ai; nanhte a dingla ni yup mang mu na mara ai; nanhte a shabrang ni shingran mu na mara ai.

1 SAMUELA 19:20

shi hpe sa rim la na matu masha nkau mi dat dat wu ai. Shanhte gaw Samuela woi awn let ka let jahtau garu nga ai myihtoi hpung ni hpe sa mu ma ai. Shaloi Karai Kasang a wenyi gaw Shawlu a masha ni hpe up hkang ai rai nna ka let jahtau garu hpang wa ma ai.

1 SAMUELA 19:22

Dai hpang, shi hkum nan Rama de rawt sa wa wu ai. Shi gaw Sehku shara na hka htung kaba de du ai shaloi, Samuela hte Dawi kanang nga ma ai lam san yu wu yang, Nayut shara e nga nga ma ai lam hkap tsun dan ma ai.