1 SAMUELA 19:2 - Jinghpaw Common Language Bible 2009

² shi gaw Dawi hpe, “Nye wa gaw nang hpe sat na maw nga ai; dai rai nna chyeju hte hpawt de du hkra sadi maja let nga nga u; shim ai shara hta makoi nga u.

Jinghpaw Hanson Version Bible

² Dai majaw Yonahtan Dawi hpe, “Nye wa gaw, nang hpe sat na maw nga ai: dai rai nna hpawt de du hkra na hkum hpe sadi let, shim ai shara e makoi nga u:

1 SAMUELA 19:2 ပူးပေါင်းရင်းမြစ်များ

SHAKAWN KUNGDAWN 16:3

Madu a kangka ai amyu masha ni gaw kade wa mai kaja nga ma hka! Shanhte hte rau rai nga na gaw nye a pyaw htum ai lam rai nga ai.

GA SHAGAWP 17:17

Jinghku ni gaw tut nawng e, shanhte a tsaw ra myit hpe madun dan nga ma ai; ru yak tsin-yam hpe n chye garan hkam la ai rai yang, kaning re ai hpu nau ni daw hkat nga ga ta?

KASA 23:16

Rai ti mung, dai maw mawn ai lam hpe Pawlu a kahkri wa na kau nna dai hpyen wang de shang nhtawm Pawlu hpe sa tsun dan wu ai.

KASA 9:24

Rai ti mung shanhte a maw ai lam hpe Shawlu chye kau ya mu ai. Shi hpe sat kau lu na matu shanhte shani shana mare chyinghka ni hta hkap nga ma ai.

1 SAMUELA 19:1

Shawlu gaw Dawi hpe sat kau na matu shi maw mawn da sai lam, shi a kasha Yonahtan hte shi a du salang ni yawng hpe tsun dan wu ai. Rai ti mung Yonahtan mahtang Dawi hpe grai tsaw ra nga ai rai nna,

1 SAMUELA 19:3

Ngai gaw nang makoi nga ai pa hta nye wa a makau e sa tsap nhtawm na a lam ngai shi hpe tsun dan na we ai, shaloi ngai chye machye nang hpe bai chye shangun na we ai,” ngu nna tsun wu ai.

1 SAMUELA 20:2

Yonahtan chyawm gaw, “Karai Kasang gaw nang si na hpe n hkraw nga ai! Nye wa gaw shi galaw ai amu ahkyak ai rai ti mung, n ahkyak ai rai ti mung, dai amu ni hpe ngai n chye hkra ip da nhtawm lam magup hpe shi galaw wu ai n rai. Dai gaw n teng nga ai!,” ngu nna htan wu ai.

1 SAMUELA 20:5

Dawi gaw, “Hpawt ni gaw Shata Praw na Poi nhtoi rai nga ai rai nna, hkawhkam wa hte shat rau sha na zawn ngai nawn da nga nngai. Rai ti mung nang hkraw ai rai yang, hpawt din na de du hkra pa hkan sa makoi nga n-ga.