1 SAMUELA 19:10 - Jinghpaw Common Language Bible 2009

¹⁰ Shing rai nga yang, shi a nri hte Dawi hpe shakum hta shatai let jinghkyen dat wu ai; rai ti mung Dawi yen kau wu ai majaw nri dai shakum hta jung mat ai. Dai rai nna Dawi mung kagat ai hte hprawng lawt mat wa wu ai.

Jinghpaw Hanson Version Bible

¹⁰ Shing rai nga yang, shi a ri tu hte Dawi hpe shakum hta shatai nna jinghkyen chyam yu wu ai: Dawi chyawm gaw Shawlu kaw na yen kau lu ai rai nna, ri tu dai gaw shakum hta jung nga ai: Dawi mung hprawng nna dai shana e lawt lu ai.

1 SAMUELA 19:10 ပူးပေါင်းရင်းမြစ်များ

SHAKAWN KUNGDAWN 124:7

Jau gawng wa a mahkam hta na lawt wa ai u zawn, anhte mung lawt mat wa lu saga ai; mahkam daw agrawp mat nna, anhte lawt lu saga ai!

SHAKAWN KUNGDAWN 18:17

N-gun rawng ai nye a gumlau hpyen ni hte, ngai hpe n dawng nga ai ni yawng a lata kaw na shi ngai hpe mawai la nu ai. Shanhte gaw nye a matu nau wa n-gun rawng nga ma ai.

SHAKAWN KUNGDAWN 34:19

Dai mai kaja ai masha wa gaw ru yak tsin-yam law law hkrum sha nga ai; Madu gaw dai ni yawng hta na shi hpe hkye hkrang la nga ai.

SHAKAWN KUNGDAWN 37:32

Tara n lang ai masha wa gaw mai kaja ai masha wa hpe lagyim yu nna; shi hpe sat kau na, shakut nga ai.

GA SHAGAWP 1:16

Shanhte gaw n hkru n shawp ai amu galaw na hpe shanhte n dawt nga ma ai; shanhte gaw masha sat na matu, tut nawng e, jin jin rai ma ai.

GA SHAGAWP 21:30

Dai Madu gaw nang hpe ninghkap ai rai yang, shinggyim masha a hpaji byeng-ya myit let nyan sam ai hte kraw dung nyan gade sung ti mung; dai gaw hpa mung akyu n rawng nga ai.

ESAIA 54:17

Rai ti mung hpyen laknak hpa mung nang hpe machyi shangun lu na n rai; nang gaw nang hpe mara shagun ai ni yawng a matu mahtai lu na ra ai. Ngai gaw nye a shangun ma ni hpe makawp maga nna shanhte hpe awng padang jaw na nngai.” Dai Madu tsun nu ai.

HOSEA 6:4

Rai ti mung dai Madu gaw, “Israela hte Yuda e, ngai nanhte hte hpa galaw na rai nga a ta? Nye a matu nga nna nan madun ai tsaw ra myit gaw alawan hkoi mat ai jahpawt manap na sai wan hte mung, shani jau jau tsai mat wa ai numri hte mung bung nga ai.

MAHTE 10:23

Mare langai mi hta nanhte hpe zingri zingrat myit yang gaw, kaga de hprawng sa mu. Nanhte hpe ngai teng teng tsun made ai gaw, Israela mare nga manga hte hta nanhte galaw ra ai amu n ngut kre shi yang, dai Masha Kasha gaw du na ra ai.

LUKA 4:30

Rai ti mung, shi gaw, shawa masha ni a ka-ang hku ga pru mat wa ai.

YAWHAN 10:39

Shaloi shanhte gaw shi hpe rim la na kalang mi bai tam shakut ma ai. Shi chyawm gaw shanhte a lata na koi yen pru mat wa ai.

HEBRE 11:34

Ja la ai wan nsa ni hpe sat kau lu ma ai. Masha ni a nhtu nshan kaw na mung hprawng lawt lu ma ai. Shanhte n-gun kya ai rai ti mung, n-gun shaja ya ai lu la ma ai majaw majan pa e magrau grang lu ma ai hte masha tsasam ni a hpyen hpung ni hpe dang kau lu ma ai.

1 SAMUELA 18:10

Hpang shani e, Karai Kasang kaw na n hkru ai wenyi gaw Shawlu hpe akajawng sha sa hkang dat nga ai rai nna, mana langai mi zawn shi a hkaw kata e ndum ndam rai abrawp rawng taw nga ai. Dawi gaw shani shagu shi galaw nga ai hte maren tingse sumpyi dum nga yang, Shawlu gaw nri langai mi lang da nhtawm,

1 SAMUELA 18:11

“Ngai shi hpe shakum e jinghkyen shakap kau we ga,” ngu nna shi a kraw e tsun let, Dawi hpe lahkawng lang nri jinghkyen bun wu ai; rai ti mung lang shagu yen kau kau di wu ai.

1 SAMUELA 19:6

Yonahtan tsun ai ga a majaw Shawlu myit hkawn wa nhtawm, Dawi si lu na wu ai n rai, ngu nna dai Madu a mying ningsang hta dagam shaka da wu ai.

1 SAMUELA 20:33

Dai aten hta Yonahtan hpe sat kau na nga, shi a nri jinghkyen dat wu ai rai nna, shi a kawa gaw Dawi hpe teng teng sat kau na daw dan da nga nu hka, nga nna dum chye wa wu ai.