1 SAMUELA 18:7 - Jinghpaw Common Language Bible 2009

⁷ Numsha ni gaw shanhte hpe shagrau sha-a ai poi hta, “Shawlu sat kau sai gaw hkying hkying, Dawi sat kau sai gaw mun mun,” ngu nna mahkawn ma ai.

Jinghpaw Hanson Version Bible

⁷ Dai numsha ni gaw, “Shawlu sat ai gaw hkying, Dawi sat ai gaw, mun ging,” nga nna dum let htingli htinglai mahkawn mangoi nga ma ai.

1 SAMUELA 18:7 ပူးပေါင်းရင်းမြစ်များ

2 SAMUELA 18:3

Shanhte gaw, “Nang nan chyawm gaw anhte hte rau n pru sa u ga; anhte hta na naw ngam nga ai ni kayin hprawng mat wa ai rai ti mung, shing n rai anhte hta na ka-ang hkup dang sat kau ai hkrum ga ti mung, gumlau hpyen a matu laklai shai wa na n rai; nang mahtang gaw anhte hta na masha mun mi hta pyi grau manu dan nga ndai. Ndai mare hta nang nga nga nhtawm anhte hpe karum madi shadaw la na grau mai kaja nga ai,” ngu nna htan ma ai.

2 SAMUELA 23:1

Yese a kasha Dawi gaw hkawhkam tai na matu Yaku a Karai Kasang e lata da hkrum nga ai. Shi gaw Karai Kasang e galu kaba shangun ai hte Israela a matu pyaw ngawn ai mahkawn ni hpe ka jahtuk tawn ai wa rai nga ai. Ndai ni gaw Dawi a hpang jahtum ngu na ga ndat ni rai nga ai:

2 SAMUELA 6:5

Dawi hte Israela masha ni yawng gaw dai Madu hpe shagrau sha-a na nga, n-gun lagaw mahkra hte ka manawt let mahkawn shakawn nga ma ai. Shanhte gaw dawraw sumpyi, tingse, chying, doria hte shupsheng ni hte dum shapyaw nga ma ai.

PRU MAT 15:21

Miriam gaw shanhte hpe woi awn let ning ngu mahkawn wu ai: “Dai Madu hpe mahkawn mangoi mu, hpa majaw nga yang, shi gaw hpung shingkang hte hpring ai awng padang hpe ninglaw nu ai; shi gaw gumra ni hte dai hta jawn ai ni hpe panglai hta kabai gumpye bang kau nu ai.”

1 SAMUELA 21:11

Hkawhkam wa a du salang ni gaw Ahkisha hpe, “Ndai Dawi she shi a mungdan na hkawhkam n rai ni? Ndai masha wa a lam hpe numsha ni ka let mahkawn hkawn mu ai gaw, ‘Shawlu sat kau sai hkying hkying, Dawi sat kau sai mun mun,’” ngu nna tsun dan ma ai.

1 SAMUELA 21:12

Shanhte tsun ai ga gaw Dawi hpe dik hkra myit hkra kau shangun nga ai majaw Hkawhkam Ahkisha hpe grai hkrit wu ai.

1 SAMUELA 29:5

‘Shawlu sat ai gaw hkying hkying rai nga ti mung, Dawi sat ai mahtang mun mun rai nga ai, nga nna numsha ni ka let mahkawn mangoi ai gaw ndai Dawi wa rai nga ai,’” ngu nna tsun ma ai.