1 SAMUELA 18:6 - Jinghpaw Common Language Bible 2009

⁶ Dawi gaw Goliat hpe sat kau ngut ai hpang, hpyenla ni dum nta de nhtang wa ma yang, Israela mare shagu hkan na numsha ni Shawlu hkawhkam hpe sa tau la na nga pru sa wa ma ai. Shanhte gaw kabu gara ai myit hte mahkawn mangoi let shup sheng hte tingse dum nga ma ai.

Jinghpaw Hanson Version Bible

⁶ Shing rai, Dawi Hpilisti ni hpe sat kau ngut nna, bai wa yang, du wa ai Israela mare shagu hkan na, Shawlu hkawhkam hpe tau la na nga, numsha ni kabu gara myit hte mahkawn mangoi let, shupsheng hte tingse dum nna, ka pru wa ma ai.

1 SAMUELA 18:6 ပူးပေါင်းရင်းမြစ်များ

2 SAMUELA 1:20

Dai ashi hpe Gat mare hkan hkum tsun ndau mu; Ashkelon mare lam hkan e hkum kajai myit. Hpilisti numsha ni hpe hkum kabu shangun myit; tara maigan masha ni a shayi sha ni hpe hkum gara shangun nga myit.

2 SAMUELA 6:5

Dawi hte Israela masha ni yawng gaw dai Madu hpe shagrau sha-a na nga, n-gun lagaw mahkra hte ka manawt let mahkawn shakawn nga ma ai. Shanhte gaw dawraw sumpyi, tingse, chying, doria hte shupsheng ni hte dum shapyaw nga ma ai.

SHAKAWN KUNGDAWN 149:3

Shi a mying nsang hpe ka manawt let shakawn mu; chying bau ni hte tingse ni hpe dum nna shi hpe shakawn mu.

SHAKAWN KUNGDAWN 68:11

Dai Madu gaw hkang da ai ga jaw dat ai hte, num law law wa dai shiga hpe gun hkawm nga ma ai;

SHAKAWN KUNGDAWN 68:25

Mahkawn hkawn ai ni shawng sa wa nna, tingse sumpyi dum ai ni hpang e hkan nang nhtawm, ka-ang e, shup sheng dum ai mahkawn ma ni hkan nang nga ma ai.

PRU MAT 15:20

Arun a kana, myihtoi num Miriam gaw shi a chying la nna, numsha ni yawng mung shi a hpang hkan let chying ni hpe dum nhtawm ka ma ai.

PRU MAT 15:21

Miriam gaw shanhte hpe woi awn let ning ngu mahkawn wu ai: “Dai Madu hpe mahkawn mangoi mu, hpa majaw nga yang, shi gaw hpung shingkang hte hpring ai awng padang hpe ninglaw nu ai; shi gaw gumra ni hte dai hta jawn ai ni hpe panglai hta kabai gumpye bang kau nu ai.”

ESAIA 30:32

Dai Madu gaw shanhte hpe lang hte lang hkawn hte kayat nga ai, shi a amyu masha ni gaw chying bau, shup sheng, tingse mahku ni hte aten shagu ngoi na mara ai. Karai Kasang shi nan Asuri masha ni hpe gasat na ra ai.

TARA AGYI 11:34

Yephta gaw shi a dum nta nga ai Mizpa mare de nhtang wa wu yang, dai yang e shi a shayi sha shup sheng dum let ka manawt nhtawm shi hpe hkap tau la na nga, pru sa wa nga ai. Dai numsha gaw shayi sha shingtai rai nga ai.

1 SAMUELA 18:5

Dawi mung Shawlu shi hpe shangun ai lam shagu hta awng dang nga ai majaw Shawlu a hpyen dap hta shi hpe hpyen du shatai da nga ai. Dai lam a majaw Shawlu a du salang ni yawng hte shi a masha ni yu ra sharawng nga ma ai.