1 SAMUELA 18:4 - Jinghpaw Common Language Bible 2009

⁴ Yonahtan mung shi hpun nga ai palawng galu raw la nhtawm dai hte hpawn shi hpun ai ninggang palawng, nhtu, ndan hte shingkyit Dawi hpe jaw wu ai.

Jinghpaw Hanson Version Bible

⁴ Yonahtan mung shi a palawng galu raw nna, dai hte hpawn ri nhtu, ndan hte shingkyit Dawi hpe jaw wu ai.

1 SAMUELA 18:4 ပူးပေါင်းရင်းမြစ်များ

NINGPAWT NINGHPANG 41:42

Hkawhkam wa mung hkawhkam dazik tawk ka da ai lachyawp hpe shi a lata hta chyawp ya wu ai. Dai hta kaga, reng ai lachyit palawng galu hpe mung jahpun ya nhtawm shi a du hta ja saidawng mung gali ya wu ai.

2 SAMUELA 1:22

“Yonahtan a ndan gaw si shangun lu nga ai, Shawlu a nhtu mung matsan chye dum ai n rai; chyalai n-gun rawng ai ni hpe adup kadawng kau nhtawm, gumlau hpyen ni hpe sat kau nga ai.

ESAIA 61:10

Dai Madu galaw sai amu a majaw Yerusalem gaw kabu gara nga ai. Yerusalem gaw hkungran poi a matu mawn sumli da ai num nnan hte bung nga ai. Karai Kasang gaw hkye hkrang la ai hte awng dang ai lam hte hpun da nga nu ai.

LUKA 15:22

Rai ti mung kawa gaw, shi a shangun ma ni hpe shaga nna, ‘Reng htum ai hpun palawng alawan la sa nna shi hpe jahpun ya maru; shi a lata hta lachyawp chyawp ya maru; lagaw hta kyepdin din ya maru,

2 KORINHTU 5:21

Hkristu gaw yubak mara n kap ai wa rai nga ai, rai ti mung anhte gaw Hkristu hte langai sha tai wa nna Karai Kasang a ding hpring ai hpe hkam la na matu, Karai Kasang gaw Hkristu hpe anhte a matu mara anhte zawn yubak lu ai wa shatai wu ai.

1 SAMUELA 17:38

Shawlu gaw Dawi hpe shi hpyen palawng jahpun nna shi a baw hta magri mang lagup gup ya, hpri palawng mung jahpun ya di wu ai.

1 SAMUELA 18:5

Dawi mung Shawlu shi hpe shangun ai lam shagu hta awng dang nga ai majaw Shawlu a hpyen dap hta shi hpe hpyen du shatai da nga ai. Dai lam a majaw Shawlu a du salang ni yawng hte shi a masha ni yu ra sharawng nga ma ai.