1 SAMUELA 18:27 - Jinghpaw Common Language Bible 2009

²⁷ Dawi hte shi a masha ni pru sa nhtawm Hpilisti masha lahkawng tsa hpe sat kau ma ai. Shi gaw shanhte a hpyi matu ni hpe hkawhkam wa hpang de la wa nhtawm dai ni yawng hpe shi a man e hti yu wu ai rai nna, hkawhkam wa a kahkri tai wa mai nu ai. Dai rai nna, Shawlu gaw shi a shayi sha Mihkala hpe Dawi hte hkungran na matu ap ya wu ai.

Jinghpaw Hanson Version Bible

²⁷ Dawi gaw shi a masha ni hte rawt sa nna, Hpilisti masha ni tsa sat kau nhtawm, hkawhkam a kahkri tai lu na matu, dai ni a hpyi matu la wa nna, ahkum sha hkawhkam wa hpe wa hti ya mu ai. Shawlu mung shi a shayi sha Mihkala ya sha lu wu ai.

1 SAMUELA 18:27 ပူးပေါင်းရင်းမြစ်များ

2 SAMUELA 3:13

Dawi gaw, “Kaja nga ai! Rai ti mung masa lam langai hta lakap nna ngai nang hte myit hkrum lam galaw da na nngai: nang ngai hpe sa hkrum ai shaloi Shawlu a shayi sha Mihkala hpe ngai hpang de woi sa wa lu na rai ndai,” ngu nna htan wu ai.

2 SAMUELA 3:14

Dawi mung Ishboshet hpang de kasa shangun dat nhtawm, “Nye a madu jan Mihkala hpe ap ya mi. Shi hpe hkungran la na matu Hpilisti masha ni a hpyi matu latsa hte ngai mari la ni ai,” ngu nna tsun shangun dat wu ai.

TARA AGYI 14:19

Dai Madua daru magam n-gun gaw shi hpe akajawng sha n-gun shaja ya ai rai nna, shi gaw Ashkelon mare de yu wa nhtawm lasha sumshi hte hpe sat kau wu ai. Shanhte a mani tsawm ai hpun palawng ni hpe raw sharun la nhtawm gumwai ga htai lu ai lasha ni hpe jaw kau wu ai. Dai hpang byin lai wa sai lam a majaw masin kahtet ai hte nta de nhtang mat wa wu ai;

1 SAMUELA 14:49

Shawlu a shadang sha ni gaw Yonahtan, Ishwi, hte Mahkishua hte rai ma ai. Shi a shayi sha kaba wa hpe Merab ngu shamying nna kanau hpe Mihkala ngu shamying nga ai.

1 SAMUELA 18:13

Dai rai nna, Shawlu gaw shi hpe jahka kau nhtawm masha hkying mi hpe sha up ai du shatai da wu ai. Dawi mung shi a masha ni hpe majan pa de woi sa ti mung,

1 SAMUELA 18:17

Shawlu gaw Dawi hpe, “Nang e nye a shayi sha kaba Merab nga nga ai. Nang gaw nye a matu magrau grang ai hte sadi dung let dai Madu a majan ni hta shang gasat ai rai yang, ngai gaw shi hpe na a madu jan shatai na matu jaw ya na de ai,” ngu nna tsun wu ai. (Shawlu chyawm gaw ndai hku nna shi hkum nan n hkra ai sha, Hpilisti masha ni Dawi hpe sat kau mu ga, nga nna myit ai lam rai nga wu ai.)

1 SAMUELA 18:28

Shawlu chyawm gaw dai Madu Dawi hte rau rai nga ai mung, shi a shayi sha Mihkala shi hpe tsaw ra nga ai mung, asan sha dum chye da wu ai.

1 SAMUELA 25:44

Dai aten hta Shawlu chyawm gaw Dawi a madu jan tai yu sai shi a shayi sha Mihkala hpe Galim mare na Laisha a kasha Palati hpe jaw sha kau wu ai.