1 SAMUELA 18:23 - Jinghpaw Common Language Bible 2009

²³ Dai re ai majaw, ndai lam Dawi hpe shanhte tsun dan yang, shi gaw, “Hkawhkam wa a kahkri tai nna hkik hkam ai shagrau sha-a lam hpe hkam la na gaw ngai zawn re ai ahkyak n re ai hte matsan mayan re ai wa a matu nau wa kaba la ai amu rai nga ai,” ngu nna htan wu ai.

Jinghpaw Hanson Version Bible

²³ Shawlu a ali ama ni mung, Dawi hpe shing ngu tsun mu ai. Dawi chyawm gaw, “Ngai zawn re ai, arawng n lu ai matsan masha wa mi, hkawhkam a kahkri tai lu na gaw, amai sha rai nga a ni?” ngu nna htan mu ai.

1 SAMUELA 18:23 ပူးပေါင်းရင်းမြစ်များ

NINGPAWT NINGHPANG 29:20

Yaku gaw Rahkela a matu sanit ning galaw jaw wu ai rai nna shi hpe lu la ang nu ai. Shi mahtang Rahkela hpe tsaw ra wu ai majaw shi a matu nhtoi kade ya n na ai zawn nawn kau wu ai.

NINGPAWT NINGHPANG 34:12

Ngai shi hpe hkungran la na, nanhte hkraw myit dai rai yang, nanhte la ang ai hpu ja re ai kumhpa a lam ngai hpe tsun dan mi. Num nnan a matu nanhte hpyi ai made ngai bang na nngai,” ngu nna tsun wu ai.

SHAKAWN KUNGDAWN 119:141

Ngai gaw hpa n ging ai hte yu kaji kau hkrum ai wa rai nga nngai; rai ti mung, na a sharin shaga ai ga ni hpe ngai hprai kau nga nngai n rai.

GA SHAGAWP 14:20

Matsan mayan masha wa hpe kadai mung n ra nga ma ai; shi a htingbu wa pyi, n yu sharawng nga ai; sut su ai wa chyawm gaw jinghku jingyu law law lu nga ai.

GA SHAGAWP 29:5

Na a manang ni hpe nang abawk ai rai yang, na a matu, nang mahkam hkam la nga ndai.

1 YAWHAN 3:1

Yu mu Karai Kasang gaw anhte hpe gade wa tsaw ra nga a hka! Shi a tsaw ra myit gaw grai kaba la nga ai rai nna anhte hpe Karai Kasang a kashu kasha ni ngu nna shamying mi ai hte maren kaja wa mung anhte Karai Kasang a kashu kasha ni rai nga ga ai. Rai ti mung mungkan ga gaw Karai Kasang hpe n chye wu ai majaw anhte hpe mung n chye mi ai.

1 SAMUELA 18:18

Dawi gaw, “Ngai zawn re ai wa hte nye a dinghku wa me, hkawhkam wa a kahkri tai ang na rai nga a ni?,” ngu nna htan wu ai.

1 SAMUELA 18:22

Shi gaw shi a du salang ni hpe Dawi hpe ning ngu kahte tsun na matu hkang da wu ai: “Hkawhkam wa nang hpe ra sharawng nga ai hte shi a du salang ni yawng mung shi hpe yu ra nga ma ai; nang shi a shayi sha hpe hkungran la na gaw, ya nan na a matu mai kaja ai aten rai nga lit dai.

1 SAMUELA 18:24

Dai du salang ni mung Dawi tsun ai ga, Shawlu hpe tsun dan mu ai rai nna,

1 SAMUELA 9:21

Shawlu gaw, “Ngai gaw Israela hta kaji htum ai amyu bawsang rai nga ai Benyamin amyu bawsang na she rai nga nngai; nye a dinghku mung amyu bawsang hta ahkyak htum ai shara hta nga ai n rai nga ai. Dai rai yang, nang ngai hpe hpa majaw dai zawn nga tsun n ta?,” ngu nna htan wu ai.