1 SAMUELA 18:18 - Jinghpaw Common Language Bible 2009

¹⁸ Dawi gaw, “Ngai zawn re ai wa hte nye a dinghku wa me, hkawhkam wa a kahkri tai ang na rai nga a ni?,” ngu nna htan wu ai.

Jinghpaw Hanson Version Bible

¹⁸ Dawi chyawm gaw, “Ngai wa, hkawhkam wa a kahkri tai na gaw, ngai hkum hte nye a marai, nye a amyu dap ni wa mi, Israela mungdan hta, hpa grau ga ta?” ngu nna Shawlu hpe tsun wu ai.

1 SAMUELA 18:18 ပူးပေါင်းရင်းမြစ်များ

2 SAMUELA 7:18

Dai hpang Hkawhkam Dawi gaw dai Madu a hpung shingkang shanu nga ai Sum de shang dung nhtawm, “Tsaw Htum ai Madu e, nye a matu nang galaw ya sai amu ni hpe sawn yu yang, ngai gaw manu dan la ai wa n rai nga nngai; nye a dinghku mung hpa n rai nga ai law.

1 HKAWHKAM 4:15

Ahimaza, shi gaw Shawlumon a kaga shayi sha Basemat hpe hkungran la ai wa rai nga ai: Naphtali a lamu ga

PRU MAT 3:11

Rai ti mung, Mawshe mahtang Karai Kasang hpe, “Ngai hpa n tai nngai. Ngai gaw hkawhkam wa hpang de sa nna Israela amyu masha ni hpe Egutu mung kaw nna ngai kaning rai woi shapraw la lu na rai nga a ta?,” ngu nna tsun wu ai.

GA SHAGAWP 15:33

Dai Madu hpe hkrit hkungga ai gaw hpaji nan rai nga ai; nang shagrit shanem chye yang sha, shagrau sha-a ai hpe hkam la lu nga ai.

GA SHAGAWP 18:12

Kadai mung shagrit shanem ai myit n rawng ai rai yang, shagrau hkungga hkam la lu ai n rai; myit tsaw myit dap rawng ai masha ni gaw hten byak lam de sa wa nga ma ai.

YEREMIA 1:6

Ngai gaw, “Tsaw Htum ai Madu e, ngai gaw kaning ngu shaga na n chye nngai; ngai gaw nau naw kaji nga nngai,” ngu nna htan we ai.

RUHTA 2:10

Ruhta gaw shi a myi man hpe ga de gum dagup da nna Bua hpe, “Nang ngai hpe hpa majaw dai daram gawn yu nga n ta? Nang gaw maigan masha wa hpe hpa majaw grai matsan yu dum nga n ni?,” ngu nna tsun wu ai.

1 SAMUELA 18:23

Dai re ai majaw, ndai lam Dawi hpe shanhte tsun dan yang, shi gaw, “Hkawhkam wa a kahkri tai nna hkik hkam ai shagrau sha-a lam hpe hkam la na gaw ngai zawn re ai ahkyak n re ai hte matsan mayan re ai wa a matu nau wa kaba la ai amu rai nga ai,” ngu nna htan wu ai.

1 SAMUELA 9:21

Shawlu gaw, “Ngai gaw Israela hta kaji htum ai amyu bawsang rai nga ai Benyamin amyu bawsang na she rai nga nngai; nye a dinghku mung amyu bawsang hta ahkyak htum ai shara hta nga ai n rai nga ai. Dai rai yang, nang ngai hpe hpa majaw dai zawn nga tsun n ta?,” ngu nna htan wu ai.