1 SAMUELA 18:16 - Jinghpaw Common Language Bible 2009

¹⁶ Rai ti mung, Dawi gaw awng dang ai ningbaw rai nga ai majaw Israela amyu ting hte Yuda amyu ni, shi hpe tsaw ra nga ma ai.

Jinghpaw Hanson Version Bible

¹⁶ Rai timung, Israela amyu ting hte Yuda amyu Dawi hpe tsawra ma ai; kaning rai nme law, shanhte a man e shi pru wa shang wa rai nga ai.

1 SAMUELA 18:16 ပူးပေါင်းရင်းမြစ်များ

2 SAMUELA 5:2

Lai sai aten, Shawlu anhte a hkawhkam naw rai nga ai aten kaw nna pyi Israela amyu masha ni hpe majan pa hkan nang woi awn yu nit dai. Nang mung dai Madu a amyu masha ni hpe woi awn nna shanhte hpe up hkang ai wa tai wa na lam, shi nang hpe ga sadi jaw da nga nit dai,” ngu nna tsun ma ai.

1 HKAWHKAM 3:7

O Madu Karai Kasang e, ngai grai naw kaji nna kaning rai up hkang sa wa na lam n chye ti mung, nye wa a hkawhkam aya hta nang ngai hpe galai dung shangun nga nit dai.

ESHTA 10:3

Yuda masha Mordehkai gaw Hkawhkam Ahasuru a lawu hprut arawng aya hkam la lu ai wa rai nna shagrau sha-a hkrum ai hte shi a Yuda manaw manang ni shi hpe grai yu sharawng nga ma ai. Shi gaw shi a amyu masha ni a matu ngamu ngamai lam hte shanhte a amyu matu ni yawng a shim lam hpe galaw ya nga ai.

BU HKAWM 27:17

shanhte hpe majan gasat yang woi hkang lu ai masha langai mi san da ya u law; shaloi na a shawa hpung gaw rem ai wa n nga ai sagu zawn n rai mat mu ga,” ngu nna hpyi tsun wu ai.

LUKA 19:48

Rai ti mung shanhte gaw shi hpe kaning di na lam n mu mu ai, hpa majaw nga yang, shawa masha ni yawng hte gaw ga hkaw mi mung n jahkrat kau mayu hkra shi a sharin shaga ai ga madat noi nga nga ma ai.

LUKA 20:19

Dai ga shadawn hpe tara sara ni hte hkinjawng agyi ni hpe sha-ang nna tsun ai re hpe shanhte chye ma ai majaw, dai ahkying hta pyi shi hpe rim la na maw ma ai; rai ti mung shanhte shawa masha ni hpe hkrit da mu ai.

1 SAMUELA 18:13

Dai rai nna, Shawlu gaw shi hpe jahka kau nhtawm masha hkying mi hpe sha up ai du shatai da wu ai. Dawi mung shi a masha ni hpe majan pa de woi sa ti mung,

1 SAMUELA 18:15

Shawlu gaw Dawi galaw ai amu awng dang nga ai hpe chye jang, shi hpe grau nna pyi hkrit nga ai.

1 SAMUELA 18:5

Dawi mung Shawlu shi hpe shangun ai lam shagu hta awng dang nga ai majaw Shawlu a hpyen dap hta shi hpe hpyen du shatai da nga ai. Dai lam a majaw Shawlu a du salang ni yawng hte shi a masha ni yu ra sharawng nga ma ai.