1 SAMUELA 18:14 - Jinghpaw Common Language Bible 2009

¹⁴ dai Madu shi hte rau nga nga ai majaw shi galaw ai amu yawng mayawng awng dang nga ai.

Jinghpaw Hanson Version Bible

¹⁴ Dawi gaw lam shagu hta hpaji byeng-ya hte galaw wa ai rai nna, Yehowa shi hte rau rai nga ai.

1 SAMUELA 18:14 ပူးပေါင်းရင်းမြစ်များ

NINGPAWT NINGHPANG 39:23

Dai Madu gaw Yosep hte rau rai nga nna shi galaw ai amu shagu hta shi hpe awng dang shangun wu ai majaw htawng agyi wa gaw Yosep hte seng ai amu langai mi mung hkan yu ra wu ai n rai.

2 SAMUELA 5:10

Chyahtum Chyalai N-gun Rawng ai Madu Karai Kasang gaw shi hte rau nga nga ai majaw shi gaw aten shagu grau grau nna n-gun ja wa nga ai.

2 HKAWHKAM 18:7

Dai re ai majaw, dai Madu gaw shi hte rau nga nga ai rai nna shi galaw ai lam shagu hta awng dang hkrat hkrang nga wu ai. Shi gaw Asuri hkawseng wa hpe gumlau wu ai rai nna shi hpe hkungga lara na lam ningdang kau ya wu ai.

1 HKAWHKAM LABAU 18:13

Shi gaw Edom mung ting hta hpyen dap ni hpe jung tawn da wu ai rai nna dai mung na masha ni gaw Hkawhkam Dawi a up hkang ai npu hta taw nga ma ai. Dai Madu gaw Dawi hpe shara shagu hkan awng padang hkam la shangun nga ai.

1 HKAWHKAM LABAU 18:6

Dai hpang shi gaw shanhte a mung ga hta hpyen dap jung tawn da wu ai rai nna shanhte mung shi a up hkang ai npu hta taw nga nna shi hpe ahkun hkanse bang ya ma ai. Dai Madu mung Dawi kabye du ai shara shagu hkan awng dang ai lam hkam la shangun wu ai.

2 HKAWHKAM LABAU 17:3

Yehoshahpat gaw shi kawa a shawng daw na asak hkrun lam a kasi hkan nna Bala n nawku wu ai majaw dai Madu shi hpe shaman ya nga ai.

SHAKAWN KUNGDAWN 101:2

Nye a sat lawat ni mara n kap na ra ai. Nang ngai kaw galoi aten e, du sa wa na n ni? Ngai gaw nye a nta hta san seng ai asak hkrun lam hte shanu nga na nngai;

MAHTE 1:23

Shi gaw, “Yu u, dai hkawn sek gaw na-um nasin rai wa nna, shadang sha shangai na ra ai, shi a mying, Emanuela ngu shamying ya na maru ai,” nga ai. De a lachyum gaw, “Karai Kasang anhte hte rau rai nga ai!,” nga ai re.

MAHTE 28:20

ngai nanhte hpe hkang da mada yawng hte hpe hkan shadik lu mu ga, shanhte hpe sharin shaga ya mu: dai hta kaga, lamu ga aprat htum hkra ngai nanhte hte rau dinggrin anga nga na nngai law,” ngu nna shanhte hpe matsun dat mu ai.

KASA 18:10

Hpa majaw nga yang, ngai nang hte rau rai nga nngai, nang hpe kadai mung hkra lu na n rai, ndai mare hta nye a masha ni law law nga ma ai,” ngu nna tsun wu ai.

YAWSHU 6:27

Dai rai nna Madu gaw Yawshu hte rau nga nga ai rai nna shi a mying gumhkawng ai gaw mung ting hta chyam bra nga ai.

1 SAMUELA 10:7

Ndai amu ni byin jang, Karai Kasang nang hpe woi galaw ai lam hpa mi rai tim hkan galaw nga u.

1 SAMUELA 16:18

Shi a ali ama langai mi gaw, “Betlehem mare e nga ai Yese hta grai chye dum shapyaw ai madum sumpyi ninghkrin kasha langai mi lu wu ai. Shi gaw magrau grang nna ahpraw asam tsawm ai, gasat gala kung ai hpyenla mung rai nna ga shaga kung ai wa rai nga ai. Dai Madu mung shi hte rau rai nga ai,” ngu nna tsun dan wu ai.

1 SAMUELA 18:15

Shawlu gaw Dawi galaw ai amu awng dang nga ai hpe chye jang, shi hpe grau nna pyi hkrit nga ai.

1 SAMUELA 19:8

Hpilisti masha ni hte majan byin wa ai rai nna, Dawi gaw shanhte hpe htim gasat nhtawm tsep kawp dang kau wu ai hte shanhte mung hprawng htaw mat wa ma ai.

1 SAMUELA 3:19

Samuela kaba wa sai rai nna, dai Madu gaw shi hte rau rai nga ai; Samuela tsun ai lam teng nga ai rai nna lam magup hpe galaw ya wu ai.