1 SAMUELA 18:10 - Jinghpaw Common Language Bible 2009

¹⁰ Hpang shani e, Karai Kasang kaw na n hkru ai wenyi gaw Shawlu hpe akajawng sha sa hkang dat nga ai rai nna, mana langai mi zawn shi a hkaw kata e ndum ndam rai abrawp rawng taw nga ai. Dawi gaw shani shagu shi galaw nga ai hte maren tingse sumpyi dum nga yang, Shawlu gaw nri langai mi lang da nhtawm,

Jinghpaw Hanson Version Bible

¹⁰ Dai hpang jahpawt e Karai Kasang kaw na n hkru ai nat langai mi, Shawlu kaw du nna, shi gaw shi hkaw kata e myihtoi shung nga ai: Dawi mung shawng na zawn tingse dum shapyaw wu ai. Ya Shawlu nri lang da wu ai rai nna,

1 SAMUELA 18:10 ပူးပေါင်းရင်းမြစ်များ

1 HKAWHKAM 18:29

Shanhte gaw shana de jan kangai mat wa ai aten du hkra jahtau marawn let abrawp shajang nga ma ti mung, hpa mahtai mi n pru, nsen langai mi mung n shara rai nga ai.

1 HKAWHKAM 22:12

Kaga myihtoi ni yawng mung dai hte maren tsun ma ai. Shanhte gaw, “Ramot mare hpe lung gasat mu, dang la na ra ai; dai Madu mung nan hpe awng padang jaw ya na ra ai,” ngu nna tsun mu ai.

YEREMIA 28:11

amyu masha ni yawng a man e, “Ndai gaw masha amyu baw ni yawng a du hta Hkawhkam Nebuhkadneza mara tawn da ai kandang hpe shi shadaw kau na ra ai; shi gaw dai amu hpe lahkawng ning laman shangut kau na ra ai nga nna dai Madu tsun da ai ga hpe tsun nu ai,” ngu nna tsun ai. Dai hpang, ngai pru mat wa nngai.

KASA 16:16

Lani mi hta anhte gaw akyu hpyi ai shara de sa wa nga yang, gumhpan lu ai nat shung nga ai mayam num langai mi hte hkrum ga ai. Shi gaw dai zawn gumhpan hpan ai hte shi a madu ni hpe gumhpraw grai lu shangun ai wa rai nga ai.

2 HTESALONI 2:11

Dai re ai majaw, dai sawt ai lam hpe shanhte kam sham hkra Karai Kasang gaw dai shut ai lam a n-gun atsam shanhte hta amu galaw na matu shangun dat wu ai.

TARA AGYI 16:20

Dai hpang shi gaw, “Samson e! Hpilisti masha ni sa wa mara ai law!,” ngu nna jahtau tsun wu ai. Shi yup hprang wa nna, “Shi gaw shawoi na zawn ndut ndang hprawng pru mat wa we ga,” ngu nna myit yu wu ai. Shi chyawm gaw dai Madu shi hpe tawn kau da nu ai hpe n chye da wu ai.

1 SAMUELA 16:23

Dai aten kaw nna Karai Kasang e shangun dat ai n hkru ai wenyi gaw Shawlu kaw du shagu Dawi gaw tingse dum shapyaw pyaw di ya wu ai. Shaloi n hkru ai wenyi gaw pru mat wa nhtawm Shawlu bran wa ai hte bai mai mat mat rai nga ai.

1 SAMUELA 18:9

Dai shani kaw nna Dawi hpe yu manawn shatsang ai hte n rup mat wu ai.

1 SAMUELA 19:10

Shing rai nga yang, shi a nri hte Dawi hpe shakum hta shatai let jinghkyen dat wu ai; rai ti mung Dawi yen kau wu ai majaw nri dai shakum hta jung mat ai. Dai rai nna Dawi mung kagat ai hte hprawng lawt mat wa wu ai.

1 SAMUELA 19:7

Dai rai nna Yonahtan gaw Dawi hpe shaga la nhtawm dai lam mahkra shi hpe tsun dan wu ai; shaloi Yonahtan mung Dawi hpe Shawlu hpang de woi wa nna, shawng na zawn hkawhkam wa hpe daw jau nga wu ai.

1 SAMUELA 19:9

Lani mi na aten hta, dai Madu kaw na n hkru ai wenyi gaw Shawlu hpe sa hkang nga ai. Shawlu gaw shi a lata e nri lang let shi a hkaw e dung nga yang, Dawi mung dai yang nga let tingse dum shapyaw ya wu ai.

1 SAMUELA 26:19

Nye a madu hkawhkam wa e, ngai tsun na ga madat u. Dai Madu nan ngai hpe nhtang gumlau na hku nang hpe shadut ai rai yang, shi hpe nawng ya ai hkungga a majaw shi a myit hpe galai shai kau shangun nga u ga; rai ti mung masha e dai hpe galaw ai rai yang chyawm gaw dai Madu a dagam dala gaw shanhte a ntsa e hkrat bun nu ga. Dai Madu a lamu ga kaw nna maigan hpara ni hpe chyu sha nawku ai shara de ngai hpe gawt shapraw kau nga myit dai.