1 SAMUELA 17:58 - Jinghpaw Common Language Bible 2009

⁵⁸ Shawlu gaw shi hpe, “Shabrang wa e, nang kade kasha rai n ta?,” ngu nna san wu ai. Shaloi Dawi mung, “Ngai gaw Betlehem mare na na a shangun ma Yese a kasha rai nga nngai,” ngu nna htan wu ai.

Jinghpaw Hanson Version Bible

⁵⁸ Shing rai, Shawlu gaw, “Shabrang wa e, nang gade a kasha rai n ta?” ngu nna san wu yang, Dawi gaw, “Ngai gaw, na a mayam, Betlehem masha Yese a kasha rai nngai,” ngu nna htan wu ai.

1 SAMUELA 17:58 ပူးပေါင်းရင်းမြစ်များ

2 SAMUELA 2:32

Yoab hte shi a masha ni gaw Asahela a moi mang hpe la wa nhtawm Betlehem mare na dinghku masha ni a lup hta lup makoi da ma ai. Dai hpang shanhte gaw shana tup rawt hkawm sa mat wa ma yang, Hebron mare de nhtoi htoi ai aten hta du shang wa ma ai.

1 SAMUELA 16:1

Dai Madu gaw Samuela hpe, “Shawlu a majaw nang kaden du hkra yawn nga na ngu n ta? Ngai shi hpe Israela hkawhkam aya kaw nna jahkrat kau ni ai. Rai ti mung, ya chyawm gaw tsanlun sau loi mi la lang nhtawm Yese mying ai wa nga ai Betlehem mare de sa wa su, hpa majaw nga yang, ngai gaw shi a shadang sha langai mi hpe hkawhkam shatai na san da ni ai,” ngu nna tsun wu ai.

1 SAMUELA 17:12

Dawi gaw Ehprat ngu ai Yuda mung Betlehem mare hta nga ai Yese a kasha rai nga ai. Yese gaw kasha matsat lu ai rai nna Shawlu hkawhkam a lakhtak e shi gaw grai dingla ugut gu nga sanu ai.

1 SAMUELA 20:6

Na nwa gaw sha ku e ngai n lawm ai hpe dum jang, nye a dinghku ting a matu shaning shagu galaw ai hkungga nawng ya ai aten du ai majaw, Betlehem nta de tin tin gat wa na nga, nang kaw akroi anoi ahkang hpyi se ai lam, shi hpe tsun dan u.