1 SAMUELA 17:53 - Jinghpaw Common Language Bible 2009

⁵³ Israela amyu masha ni chyawm gaw Hpilisti masha ni hpe hkan shachyut ai kaw nna bai nhtang wa nhtawm shanhte a dap na lanep arai ni hpe magawn la shajang ma ai.

Jinghpaw Hanson Version Bible

⁵³ Israela masha ni chyawm gaw Hpilisti masha ni hpe hkan shachyut ai kaw na bai wa nna, shanhte a dap na rai ni hpe magawn la mu ai.

1 SAMUELA 17:53 ပူးပေါင်းရင်းမြစ်များ

2 SAMUELA 23:10

dai wa gaw shi a shara hta tsap nga let shi a lata grai ja mat ai majaw nhtu n mai kahtam mat ai aten du hkra, Hpilisti masha ni hpe gasat shamyit wu ai. Dai Madu mung dai shani e awng padang kaba jaw ya wu ai. Majan dai ngut boi mat ai shaloi, Israela masha ni gaw Eleaza nga ai shara de sa wa nhtawm si mat sai ni a hpyen hking hpun palawng ni raw la ya ma ai.

YEREMIA 30:16

Rai ti mung, ya chyawm gaw, nanhte hpe kawa sha ai ni yawng hte gaw kawa sha kau ai hkrum na mara ai, nanhte a gumlau hpyen ni yawng bawng dung masha ni zawn woi la ai hkrum na mara ai. Nanhte hpe dip gamyet sha ai ni yawng dip gamyet sha ai hkrum na mara ai, nanhte hpe hpya lu hpya sha ai ni yawng hpya lu hpya sha ai bai hkrum na mara ai.

YEREMIA 4:20

Tsin yam tsindam gaw langai hpang langai hkan nga ai; mungdan ting hten run taw nga sai. Anhte a sum ni akajawng sha hten mat sai; de a sumpan grang ni adaw atang je mat sai.

1 SAMUELA 17:52

Israela hte Yuda masha ni jahtau garu let shanhte a hpang hkan nang nhtawm Gat hte Ekron mare chyinghka hkan du hkra, lam dingyang hkan shachyut ma ai. Hpilisti masha ni hta na hkala hkrum ai ni mung Sharim kaw nna Gat hte Ekron du hkra lam yan ting hta kadawng taw nga ma ai.

1 SAMUELA 17:54

Dawi chyawm gaw Goliat a baw hpe Yerusalem mare de la wa wu ai; rai ti mung Goliat a laknak arai ni hpe chyawm gaw shi a sum hta nan mazing tawn da wu ai.

1 SAMUELA 19:5

Shi gaw asak dan nna Goliat hpe sat kau nu ai majaw sha, Israela a matu awng padang kaba dai Madu jaw ya mani ai. Dai lam hpe nang mu nit dai shaloi kabu gara nga ndai. Dai rai yang, ndai hpa mara mung n shut, hpa mara mung n kap re ai Dawi hpe mara kata e hpa majaw shi hpe sat kau mayu nga n ni?,” ngu nna tsun wu ai.