1 SAMUELA 17:50 - Jinghpaw Common Language Bible 2009

⁵⁰ Dawi gaw nhtu n lawm ai sha lakli hte nlung langai e sha Goliat hpe gasat dang kau nhtawm sat kau wu ai.

Jinghpaw Hanson Version Bible

⁵⁰ Shing rai Dawi gaw lakli hte nlung langai mi e sha, dai Hpilisti wa hpe dang kau nna shi e sat kau wu ai: Dawi a lata hta nhtu n lang lu ai.

1 SAMUELA 17:50 ပူးပေါင်းရင်းမြစ်များ

TARA AGYI 15:15

Dai hpang mi sha si mat sai lawze langai a shakap nra hpe shi mu hkrup wu ai. Shi gaw dai hpe gum let hta la nhtawm masha hkying mi hpe dai hte sat kau wu ai.

TARA AGYI 3:31

Hpang na ningbaw wa gaw Anat a kasha Shamga rai nga ai. Shi mung Hpilisti masha marai kru tsa hpe majawn hte sat kau nna Israela masha ni hpe hkye la wu ai.

1 SAMUELA 13:22

Dai rai nna majan shani e Shawlu hte shi a kasha Yonahtan hta kaga Israela hpyenla ni kadai mung ri nhtu n lang lu nga ma ai.

1 SAMUELA 17:39

Dawi mung hpun palawng ntsa e Shawlu a nhtu hpe hpye rai hkawm chyam yu wu yang, shi n man ai majaw n dang wu ai. Shi gaw Shawlu hpe, “Ndai hking ni yawng hte ngai n gasat lu na nngai, ngai garai n man nngai,” ngu nna tsun wu ai. Dai rai nna, dai ni yawng hpe raw kau wu ai.

1 SAMUELA 17:49

Shi gaw shi a tingsan kata de lata manaw bang nhtawm nlung langai shaw la nna Goliat hpang de nwat kabai dat wu ai. Shaloi nlung gaw shi a kahtan ang ang e sa hkra nna, shi a pungkum hpe agrawp kau ya wu ai majaw, Goliat mung ga de shagum hku kadawng mat wa wu ai.

1 SAMUELA 17:51

Dawi gaw shi kaw kagat sa nhtawm shi a makau e tsap let, n-ga na Goliat a nhtu shaw la nhtawm shi a baw hpe kahtam di nna shi hpe sat kau da wu ai. Hpilisti masha ni mung shanhte a share ninghkrin wa si mat sai hpe mu ma ai shaloi, hprawng htaw mat wa ma ai.

1 SAMUELA 19:5

Shi gaw asak dan nna Goliat hpe sat kau nu ai majaw sha, Israela a matu awng padang kaba dai Madu jaw ya mani ai. Dai lam hpe nang mu nit dai shaloi kabu gara nga ndai. Dai rai yang, ndai hpa mara mung n shut, hpa mara mung n kap re ai Dawi hpe mara kata e hpa majaw shi hpe sat kau mayu nga n ni?,” ngu nna tsun wu ai.

1 SAMUELA 21:9

Ahimelek chyawm gaw, “Ela Kadit e nang sat kau ai Hpilisti masha Goliat a nhtu lu nngai; dai hpe sumpan hte kayawp nhtawm hpa hkai lawng a shingdu e nga nga ai. Ndai yang e laknak ngu na dai chyu sha nga ai majaw nang ra yang gaw dai hpe la lang u,” ngu nna htan wu ai. Shaloi Dawi gaw, “Kanang e mung dai daram kaja ai nhtu n nga sai, ngai hpe dai nhtu jaw e!,” ngu nna tsun wu ai.

1 SAMUELA 23:21

Shawlu gaw, “Nanhte ngai hpe matsan dum manit dai majaw, dai Madu gaw nanhte hpe shaman ya nga u ga law!