1 SAMUELA 17:46 - Jinghpaw Common Language Bible 2009

⁴⁶ Dai ni jang, dai Madu gaw nye a lata de nang hpe ap kau na ra ai rai nna nang hpe ngai gasat dang kau nhtawm na a baw kahtam di la na nngai. Hpilisti ni a moi mang ni hpe mung ntsa malen u ni hte dusat ni sha na matu, ngai jaw kau na mawe ai. Israela amyu hta Karai Kasang nga nga ai hpe mungkan ga ting chye lu na mara ai;

Jinghpaw Hanson Version Bible

⁴⁶ Yehowa, dai ni nye a lata hta nang hpe ap nna, nang hpe ngai sat nhtawm, na baw daw la na we ai: shing di, Hpilisti hpyen laba ni a mang hpe, ntsa malen u ni hte nam rai matse ni hpe, dai ni ngai jaw kau na we ai: shaloi, Israela amyu hta Karai Kasang nga nga ai gaw, mungkan ga ting chye lu na mara ai:

1 SAMUELA 17:46 ပူးပေါင်းရင်းမြစ်များ

NINGPAWT NINGHPANG 40:19

Masum ya rai jang hkawhkam wa nang hpe shalawt dat nna baw kahtam di kau ya na ra ai. Dai hpang na a hkum hpe hpun shadaw hta noi da na mara ai; ntsa malen u ni mung na a ashan hpe achye sha na mara ai,” ngu nna htai ya wu ai.

2 SAMUELA 18:28

Ahimaza gaw hkawhkam wa hpe jahtau tsun let shakram la nhtawm shi a man e ga de gum dagup nhtawm, “Madu hkawhkam hpe gumlau ai ni hpe na a lata hta ap ya nna awng padang jaw ya sai dai Madu na a Karai Kasang gaw a nga u ga law!,” ngu nna tsun wu ai.

2 SAMUELA 21:10

Dai hpang Aia a shayi sha ngu na Shawlu a lashi num Rizpa gaw moi mang tawn da ai lunghtawn ntsa e shi a matu shingbyi shara langai mi hpe lachyit nba hte gap da nna, dai yang e nmut dan hpang ai shani kaw nna mangai marang hkrat ai aten du hkra nga nga wu ai. Dai laman hte hta shani e moi mang ni hpe ntsa malen u ni n sa sha hkra mung, shana e matse labye dusat ni n sa kawa hkra mung makawp maga let gawn nga wu ai.

1 HKAWHKAM 8:43

shi a akyu hpyi ga hpe madat ya u. Sumsing lamu na nang nga ai shara hta, shi a ga hpe madat ya nna, galaw na matu nang hpe hpyi tsun ai lam hpe galaw ya u, shaloi mungkan ting na masha amyu ni yawng gaw na a amyu masha Israela ni galaw ai zawn nang hpe chye chyap wa nna na a ga hpe madat mara hkan sa na mara ai. Dai shaloi shanhte gaw nang hpe nawku na matu ngai galaw da sai ndai Nawku Htingnu rai nga ai hpe chye lu na mara ai.

1 HKAWHKAM 8:60

Dai rai nna karai shaje n nga ai hte dai Madu chyu sha Karai Kasang rai nga ai hpe mungkan ting na masha amyu baw ni chye lu na mara ai.

2 HKAWHKAM 19:19

Ya chyawm gaw anhte a Madu Karai Kasang e, anhte hpe Asuri ni a lata kaw nna mawai la mi; shaloi mungkan ga na masha amyu ni yawng hte gaw nang chyu sha Madu Karai Kasang rai nga ai hpe chye wa na mara ai,” ngu nna hpyi wu ai.

2 HKAWHKAM 5:15

Shi gaw shi a masha ni yawng hte Elisha hpang de nhtang wa nhtawm, “Ya chyawm gaw Israela Karai Kasang hta lai nna kaga karai n nga nga ai hpe ngai chye ni ai: dai re ai majaw madu e, chyeju hte ngai kaw na kumhpaw kumhpa hkap la ya e,” ngu nna tsun wu ai.

SHAKAWN KUNGDAWN 31:8

Nye gumlau hpyen ni ngai hpe rim la na, nang ap ya nga ndai n rai; ngai sa mayu ai shara de ndut ndang hkawm sa lu na lam, nang lajang ya nga ndai.

SHAKAWN KUNGDAWN 46:10

Shi gaw, “Gasat gala ai lam hpe jahkring kau mu, ngai gaw masha amyu baw ni a ka-ang e mung, mungkan ting a Karai Kasang rai nga nngai hpe mung chye mu,” ngu nna tsun wu ai.

PRU MAT 9:16

Rai ti mung, nye a mying ningsang kajai gumhkawng ai gaw mungkan ga ting hta chyam bra wa lu na matu mung, nye a daru magam n-gun hpe madun dan na matu mung ngai nang hpe jahkrung sharawt da nga nngai.

ESAIA 37:20

Ya chyawm gaw, Madu anhte a Karai Kasang e, Asuri masha ni a lata kaw na anhte hpe hkye mawai la mi, shaloi mungkan ga na masha amyu baw ni yawng gaw nang chyu sha Karai Kasang rai nga ai hpe chye lu na mara ai.”

ESAIA 52:10

Dai Madu gaw shi a chyoi pra ai daru magam n-gun lang wa na ra ai; shi gaw shi a amyu masha ni hpe hkye la na ra ai, mungkan ga ting dai amu hpe mu na mara ai.

ESAIA 56:9

Dai Madu gaw maigan masha amyu baw ni hpe matse labye dusat ni zawn du sa wa nna shi a amyu masha ni hpe kawa sha kau na lam tsun nu ai.

YEREMIA 19:7

Ngai gaw Yuda mung masha ni hte Yerusalem mare masha ni a myit maw ai lam yawng hte hpe ndai shara e shabyak kau ya na we ai. Shanhte a gumlau hpyen ni shanhte hpe dang kau ai hte majan pa e shanhte hpe sat kau shangun na we ai. Shanhte a moi mang ni hpe ntsa malen u ni hte matse labye dusat ni a matu lusha zawn ngai jaw na we ai.

YEREMIA 34:20

Shanhte hpe sat kau na matu asak hkan tam nga ai shanhte a gumlau hpyen ni a lata de ngai shanhte hpe ap kau na nngai, shing rai shanhte a moi mang ni hpe ntsa malen u ni hte matse labye dusat ni e sha kau na mara ai.

Daniela 2:47

Hkawhkam wa gaw, “Na a Karai Kasang gaw karai ni yawng hta galu kaba htum ai wa rai nna, hkawhkam ni a madu, makoi magap da ai amu ni hpe shadan dan ai wa rai nga ai. Ndai makoi magap ai amu hpe nang tsun shaleng dan lu nit dai majaw ndai lam ngai chye ni ai,” ngu nna tsun wu ai.

Daniela 3:29

“Ya chyawm gaw amyu baw shagu, amyu bawsang shagu hte ga amyu myu tsun ai amyu ni hta kadai rai ti mung Shadrak, Meshak hte Abednego ni a Karai Kasang hpe n gawn n sawn di ai rai yang, shi gaw kahtum kadaw di kau ai hkrum nna shi a nta mung run sumpum kau ai hkrum lu na rai nga ai. Ndai zawn hkye mawai la lu ai karai shaje kanang e mung nga nga ai n rai,” ngu nna hkang dat wu ai.

MAHTE 24:28

“Mang taw ai shara shagu hkan e, langda ni mung hpawng nga na mara ai.

TARA JAHPRANG 28:26

Nanhte si mat myit dai shaloi, ntsa malen u ni hte matse labye dusat ni nanhte a si mang ni hpe sa sha na mara ai; dai ni hpe jahkrit jahtaw kau lu na masha kadai mung nga na n rai.

TARA JAHPRANG 7:2

Dai Madu nanhte a Karai Kasang gaw dai masha ni hpe nanhte a lata de ap ya nna nanhte dang kau myit dai shaloi, shanhte yawng hpe sat kau na rai myit dai; shanhte hte mung jinghku galaw lu na myit dai n rai; matsan yu dum ai kumla hpa mung madun dan lu na myit dai n rai.

TARA JAHPRANG 7:23

Dai Madu gaw nanhte a lata hta gumlau hpyen ni hpe ap ya nhtawm shanhte shamyit kau hkrum ai aten du hkra shanhte hpe hkrit kajawng shangun na wu ai.

YAWSHU 10:8

Dai Madu gaw Yawshu hpe, “Shanhte hpe hkum hkrit et; ngai nang hpe awng padang jaw ya sade ai. Shanhte hta na kadai mung nang hpe hkap daw lu na ma ai n rai,” ngu nna tsun wu ai.

YAWSHU 4:24

Ndai amu a majaw ginding aga ntsa na masha shagu gaw dai Madu a daru magam n-gun kade wa galu kaba nga ai hpe chye la lu nhtawm, dai Madu nanhte a Karai Kasang hpe htani htana shagrau sha-a lu na rai myit dai,” ngu nna tsun wu ai.

1 SAMUELA 14:6

Yonahtan gaw shabrang wa hpe, “N kam n sham ai Hpilisti masha ni a dap de rap sa wa yu ga. Dai Madu an hpe karum la na ra ai; shi rai nna, an hpe awng padang jaw ya ai rai yang, an hta masha n law ti mung, an hpe hkum shadang lu ai lam hpa mung nga lu ai n rai.

1 SAMUELA 17:44

Shi gaw Dawi hpe, “Sa rit, na a ashan hpe ntsa malen u ni hte matse labye dusat ni hpe ngai jaw sha kau ya na de ai,” ngu nna dakat wu ai.