1 SAMUELA 17:45 - Jinghpaw Common Language Bible 2009

⁴⁵ Dawi gaw, “Nang gaw ngai kaw nhtu, nri hte jinghkyen nri ni hte sa ndai; rai ti mung ngai chyawm gaw nang hkap daw ai dai Chyahtum Chyalai N-gun hte hpring ai dai Madu Israela hpyen luksuk ni a Karai Kasang a mying ningsang hte nang kaw sa ring ngai.

Jinghpaw Hanson Version Bible

⁴⁵ Dawi mung, “Nang gaw ri nhtu hte ngai hpang de sa ndai; ngai chyawm gaw, nang roi rip ai, Israela hpyen laba ni a Karai Kasang, Zaw nawng zaw wa up ai Yehowa a mying ningsang hte nang kaw sa ring ngai.

1 SAMUELA 17:45 ပူးပေါင်းရင်းမြစ်များ

2 HKAWHKAM LABAU 14:10

Asa gaw shi hpe gasat ninghkap na nga pru sa wa wu ai; lahkawng maga na hpyen hpung ni gaw Maresha mare makau na Zehpahta Kadit e shara la shajang nga ma ai.

2 HKAWHKAM LABAU 32:8

Shi gaw masha a daru magam n-gun lu wu ai; rai ti mung anhte chyawm gaw anhte hpe karum la nna anhte a majan ni hpe gasat ya na dai Madu anhte a Karai Kasang hpe lu ga ai,” ngu nna tsun wu ai. Shaloi amyu masha ni gaw shanhte a hkawhkam wa tsun ai ga ni a majaw myit n-gun lu la shajang nga ma ai.

SHAKAWN KUNGDAWN 124:8

Sumsing lamu hte ginding aga hpe hpan da ai dai Madu kaw nna, anhte hpe karum ai lam pru wa nga ai.

SHAKAWN KUNGDAWN 18:2

Dai Madu gaw ngai hpe makawp maga ai wa rai nna; nye a ngang kang ai hpyen dap shi rai nga ai. Nye a Karai Kasang gaw ngai hpe makawp maga ai wa rai nna, shi hta ngai shim lum nga nngai. Shi gaw ngai hpe ninggang langai mi zawn makawp maga nna, ngai hpe makawp maga ai hte shim hkra bau sin nga ai.

SHAKAWN KUNGDAWN 20:8

Shanhte ahtu ai hte kadawng mat wa ma ti mung, anhte rawt nna ngang ngang tsap nga lu na ga ai.

SHAKAWN KUNGDAWN 3:8

Awng padang gaw Madu kaw nna rai nga ai- Shi gaw shi a amyu masha ni a ntsa e, shaman ya nga u ga law.

SHAKAWN KUNGDAWN 44:6

Ngai gaw nye a ndan hpe n kam nngai, nye a nhtu mung ngai hpe hkye la lu ai n rai;

GA SHAGAWP 18:10

Dai Madu gaw ngang ai langchyi zawn rai nga ai; ding hpring ai wa gaw dai shara de sa lu nna, shim nga lu ai.

ESAIA 37:23

Kadai hpe nang n kaw n law di nna asawng kau nga n ni? Nang gaw ngai, Israela a chyoi pra ai Karai Kasang hpe n gawn n sawn di kau nit dai.

ESAIA 37:28

“Rai ti mung ngai gaw nang hte seng ai nang hpa galaw nna gara de hkawm sa ai lam magup hpe chye nngai. Nang ngai hpe kade daram n-yun bu ai hpe mung ngai chye nngai.

2 KORINHTU 10:4

Anhte a majan gasat ai hta lang ai laknak ni gaw mungkan shinggyim masha ni lang ai baw laknak n rai, ngang kang ai hpyen dap ni hpe jahten kau lu ai Karai Kasang a n-gun atsam hte hpring ai laknak ni rai nga ai. Anhte gaw n teng n man ai ndang kalang ga ni hpe jahten kau ga ai.

2 KORINHTU 3:5

Anhte gaw ndai amu hpe galaw lu ga ai ngu nna tsun lu na anhte hta hpa atsam marai mung n rawng ga ai. Anhte lu ai atsam mahtang gaw Karai Kasang kaw na rai nga ai.

HPILIPI 4:13

Ngai hpe n-gun shaja ya ai Hkristu a majaw yawng mayawng hpe ngai galaw lu nngai.

1 SAMUELA 17:10

Dai ni, ngai Israela luksuk hpe dakat nga nngai. Ngai hte shada chyaw rai htim gasat lu na masha langai ngai shaw shapraw dat yu mu le!,” ngu nna jahtau tsun wu ai.

1 SAMUELA 17:26

Dawi gaw shi hte ani sha nga ai masha ni hpe, “Dai Hpilisti masha wa hpe sat kau nna, ndai kaya kahpa jahpoi asawng hkrum nga ai kaw nna Israela amyu masha ni lawt lu jang, hpa baw lu la na re da aw? Ahkrung nga ai Karai Kasang a luksuk hpe hkap daw na, ndai n kam n sham ai Hpilisti masha wa gaw kaning re ai wa rai nga a ta?,” ngu nna san yu wu ai.

1 SAMUELA 17:36

Ngai gaw hkanghkyi ni hte tsap ni hpe sat kau yu ni ai rai nna, ahkrung nga ai Karai Kasang a luksuk hpe hkap daw nga ai ndai n kam n sham ai Hpilisti masha wa hpe dai hte maren ngai galaw kau na we ai.

1 SAMUELA 17:6

Shi a lagaw hpe mung magri mang laraw hte makawp da nga ai; shi a lahpa hta magri mang nri hpai da nga ai.